Seancë plenare në Kuvend/ PD anulon bojkotin! Peleshi i heq fjalën Berishës: Mu drejto me etikë
"Më shiko në sy Sali"/ Çaushi- Berishës: Dezinformove për reformën dhe për shtëpinë time 20 Korr...
"Më shiko në sy Sali"/ Çaushi- Berishës: Dezinformove për reformën dhe për shtëpinë time 20 Korr...
Berisha: Ja tre zyrtarët që kanë qenë në Aruba, SPAK fsheh emrat e tyre sepse është seksion i Partisë So...
Incident para Kuvendit! Policia largon me forcë ish-luftëtarët e UÇK-së, Dritan Goxhaj dhe Meçan Zotaj(VIDEO) ...
"Jo 50, as 150, por edhe 1 550 ditë, ne do jemi këtu"/ Protestuesi dekoron qytetarët në shesh: Ju meritoni medalje ...
TIRANË– Partia Demokratike ka akuzuar se kryeministri Edi Rama është ortak me krimin dhe se qëllimi i tij është të pasurojë kriminelët. Përmes një deklarate oër mediat, një ditë pas atentatit ndaj Preng Gjinit në Tiranë, Gazmend Bardhi u shpreh se shumë kriminelë që vriten rrugëve kanë marrë leje, licenca, marrin tendera e ndërtojnë palate.
Përsa i përket ministrit të Brendshëm Sandër Lleshaj, Bardhi shtoi se ai është njësoj si gangsterët që lëvizin nëpër rrugë me makina superluksoze, ose të vjedhura, ose të blera me para nga aktiviteti kriminal.
Reagimi i plotë: Shteti që ka ndërtuar Edi Rama është ai i gangsterëve. Bandat vriten në mes të kryeqytetit, në mes të ditës dhe kriminelët nuk kapen, sepse Edi Rama ka dështuar si kryeministër. Goditja mafioze, e përjetuar nga shumë qytetarë si një sulm terrorist në një nga qendrat më të populluara të Tiranës, është pasojë e politikës së Edi Ramës “hëngshin kokat e njëri-tjetrit”. Një politikë e tillë ka lënë krimin të lirë të bëjë çfarë të dojë, kur të dojë dhe si të dojë, duke bërë viktima të luftës së tyre edhe fëmijët, siç ndodhi mbrëmë në aktin mafioz-terrorist në Tiranë. Politika “hëngshin kokat e veta” e ka burimin tek pakti i Edi Ramës me krimin, i cili është burimi i pasigurisë së qytëtarëve. Kryeministri në ikje ka dështuar me vendosjen e rendit dhe sigurisë, sepse ai erdhi dhe qëndroi në pushtet, duke patur ortak krimin dhe bandat. Prioriteti i tij është të mbrojë dhe të pasurojë kriminelët që i mbajnë në këmbë pushtetin dhe jo të mbrojë qytetarët shqiptarë. Shumë nga kriminelët që vriten rrugëve kanë marrë leje, licensa, marrin tendera, ndërtojnë pallate, ku pastrojnë paratë e trafikut të drogës. Janë këto para me të cilat financohet fushata e pistë elektorale dhe qendrimi në politikë i Edi Ramës. Kjo nuk është histori e sotme! Është historia 22 vjeçare e Edi Ramës në politikë. Ai ka punuar me krimin, e ka mbrojtur krimin, e ka pasuruar krimin! Këtu gjendet edhe përgjigja përse vrasjet, shpërthimet me tritol, atentatet mafioze nuk parandalohen dhe autorët nuk gjenden. Tek qytetarët sot mbizotëron opinioni se shteti mungon dhe territori është lënë nën thundrën e krimit, duke krijuar një situatë të përkeqësuar për sigurinë e jetës së tyre. Çfarë bën Edi Rama për të këtë gjendje? Ble një makinë të re të fjalës së fundit për Ministrin e tij të Brendshëm. Duke zgjedhur spektaklin e luksit, në vend që të bëjë detyrën për të garantuar rend dhe siguri, Sandër Lleshaj nuk ka asnjë ndryshim nga gangsterët që lëvizin nëpër rrugë me makina superluksoze, ose të vjedhura, ose të blera me para nga aktiviteti kriminal. Ministri sillet si bandit, duke e angazhuar Policinë e Shtetit në luftë me qytetarët dhe jo me krimin. Policia përdoret për të dhunuar opozitën, protestuesit, studentët, naftëtarët, që protestojnë për të drejtat e tyre, por është kokëulur përballë krimit, sepse është e tradhëtuar nga kupola drejtuese politike e Policisë së Shtetit. Fjalët ligj, rend, siguri nuk kanë asnjë lidhje me këtë qeveri. Ajo ka dështuar në zbulimin e të gjitha vrasjeve të bujshme dhe nuk ka çuar para drejtësisë qoftë edhe vetëm 1 bos të trafikut të drogës. Kjo qeveri nuk ka më asnjë ofertë të mirë për qytetarët. Qytetarët e refuzojnë politikën e Edi Ramës “hëngshin kokat e njëri-tjetrit”. Në këtë gjendje të vështirë ekonomike, sociale, psikologjike dhe politike qytetarët kanë nevojë për një qeveri që nuk flirton me krimin, nuk është në ortakëri me trafikantët e drogës, nuk mbahet peng nga paratë e pista të krimit të organizuar. Qeveria e PD, e dalë nga zgjedhjet e 25 Prillit, do të ketë rendin dhe sigurinë publike prioritet kryesor të saj. Kush është për burg, do të shkojë në burg! Ligji nuk do të tregojë mëshirë për askënd që cënon jetën, pronën dhe sigurinë e qytetarëve!
Ngjarja e rëndë ndodhi mbërmjen e djeshme pranë Urës së Nisharakut në Tiranë. Preng Gjini mbeti i plagosur rëndë, pasi makinës së tij iu vu tritol. Ai ra pre e atentatit me tritol, teksa udhëtonte me automjetin e llojit Mercedez Benz, të tipit “A Class”. Bashkë me të kanë mbetur edhe dy persona të tjerë të plagosur, të cilët ndodheshin rastësisht pranë mjetit kur ndodhi ngjarja. Policia dyshon se ngjarja e rëndë ka ndodhur për hakmarrje dhe ka nisur punën për kapjen e autorëve të atentatit. Deri më tani janë shoqëruar 6 persona.
(f.m/dosja.al)
1 vit nga zgjedhjet e 25 prillit si e shikoni gjendjen e vendit:
VLORË – Një zjarr i përmasave të mëdha ka përfshirë fshatin Mavrovë në Vlorë. Pas zjarrit banorët janë shprehur të shqetësuar duke qenë se si pasojë e zjar...
TIRANË– Kur kanë mbetur edhe dy ditë nga afati përfundimtar i dorëzimit të dosjeve për organet e reja të KQZ, gazetari Top Channel Muhamed Veliu ka ...
SHQIPËRI– 343 viktima, 4740 të infektuar aktivë dhe 6733 persona të shëruar, ky është bilanci i Covid-19 në Shqipëri. Mirela Cami, drejtore e Operatorit të...
Qeveria ka gati një projektligj përmes të cilit synon që të sistemojë tregun e ndërmjetësimit të pasurive të palujtshme, apo njohur gjerësisht si “agjentët imob...
TIRANË– 25 shqiptarë që kishin kërkuar azil apo kishin shkelur rregullat e qëndrimit në hapësirën Schengennë vendet e BE-së janë riatdhesuar. Sipas njoftim...
SHKODËR– Katër barake brenda të cilave jetonin anëtarë të komunitetit rom janë shkrumbuar. Zjarri ka rënë mesditën e sotme në Shkodër, pranë pazarit ...
TIRANE– Ambasada e Izraelit në Tiranë njofton se ish-ministrja dhe deputetja socialiste Valentina Leskaj është emëruar në Bordin Këshillëdhënës të Lëvizje...
TIRANE– Mbrëmjen e djeshme Tirana u trondit nga një vrasje që ndodhi në një familje në zonën e Bathores.31-vjeçari Agron Tanushi vrau me armë zjarri ish-...
TIRANË- Arrestohet Agron Tanushi, autori i vrasjes së djeshme në Bathore të Tiranës. Tanushi vrau mbëmjen e djeshme në banesën e tij ish- kunatën Jetmira H...
TIRANË- Agron Lushi, 35-vjeçari i akuzuar si bashkëpunëtor në vrasjen e rapsodit Kol Murrani dhe mikut të tij Preng Simoni më 27 prill ka folur nga ...
