Tragjedia me dy viktima në Shëngjin, policia jep detaje: Të gjithë shtetas nga Kosova, tre persona në spital
3 Qersho...
Art&Argëtim
Shitet makina e Princeshë Diana në 25 vjetorin e vdekjes së saj, zbuloni çmimin marramendës (FOTO)
Një makinë e Princeshës Diana nga Princi Charles si një dhuratë e fejesës është shitur për më shumë se 52 mijë paund në ankand.
6 Gusht 2022, 19:38Nga s.s
Princeshë Diana
BRITANI- Në 25 vjetorin e vdekjes, një makinë e Princeshës Diana nga Princi Charles si një dhuratë e fejesës është shitur për më shumë se 52 mijë paund në ankand. Vlerësimi i ankandit kishte sugjeruar që makina të arrinte midis 30 mijë dhe 40 mijë paund.
Sipas CNN, makina është shitur së bashku me targën e saj origjinale të regjistrimit, ngjyrën origjinale dhe radion. Ndërkohë një detaj që është zbuluar se makina ka përshkuar më shumë se 83 mijë milje. Kompania që organizoi ankandin në një deklaratë ka thënë se kjo makinë ka shërbyer për një kohë të gjatë për lëvizjet e Princeshë Dianës.
Makina Ford e Dianës
Makina iu dha Dianës nga Princi Charles në maj të vitit 1981, dy muaj para dasmës së çiftit, sipas ankandëve të Reeman Dansie. Princesha e drejtoi automjetin deri në gusht të vitit 1982. Pjesës së përparme të makinës Ford i është vendosur një bretkosë argjendi, një kopje e një dhuratë nga motra e Dianës, Sarah Spencer.
Makina e Princeshë Dianës
Reeman Dansie tha se dhurata ishte për t’i kujtuar Dianës “përrallën e një vajze të bukur, puthja e së cilës shndërron bretkosën në një princ”. Ata thanë se shitësi pa emër ishte një grua që ishte një admiruese e madhe e Princeshës, e cila e kishte mbajtur të fshehur makinën mbretërore të Dianës edhe nga miqtë e saj. Nuk është hera e parë që një ndër makinat e Dianës të shitet për një shumë mbresëlënëse, ku vitin e kaluar makina e saj Audi u shit për 58 mijë paund.