Tronditet Elbasani/ Një person qëllon drejt një lokali, plagosen tre persona. Autori largohet menjëherë nga vendngjarja (EMRAT)
Plagosja me armë zjarri në Elbasan/ Sherri mes adoleshentëve nisi në një lokal 20 Korrik, 21:14 ...
Plagosja me armë zjarri në Elbasan/ Sherri mes adoleshentëve nisi në një lokal 20 Korrik, 21:14 ...
Dita e 51-të e protestës/ Nis organizimi i protestuesve në sheshin “Skënderbej”: Rama jepe dorëheqjen! 20 ...
"Më shiko në sy Sali"/ Çaushi- Berishës: Dezinformove për reformën dhe për shtëpinë time 20 Korr...
Berisha: Ja tre zyrtarët që kanë qenë në Aruba, SPAK fsheh emrat e tyre sepse është seksion i Partisë So...
TIRANË– Emigrantët afganë që pritet të vijnë në vendin tonë, mund të qëndrojnë deri në një vit në Shqipëri. Kjo gjë është bërë e ditur nga vetë Qeveria shqiptare me në krye kryeministrin Edi Rama. Ky i fundit, në mbledhjen e fundit të kabinetit qeveritar ka firmosur vendimin për të ngritur një tas-forcë të përbërë nga shtatë ministri, e cila do të kryesohet nga dikasteri për punët e Jashtme.
Sipas vendimit, afganët kanë të drejtë të qëndrojnë për një vit në Shqipëri, kohë gjatë të cilës do të kenë edhe mbrojtjen e shtetit shqiptar. Mbrojtja e përkohshme për emigrantët fillon nga momenti i hyrjes në Republikën e Shqipërisë për një afat 1-vjeçar.
Autoriteti përgjegjës për azilin dhe refugjatët mund të vendosë që kërkuesit t’i kufizohet liria e lëvizjes, nëse e konsideron të nevojshme . Ministria e Brendshme, Ministria për Evropën dhe Punët e Jashtme, Ministria e Shëndetësisë dhe Mbrojtjes Sociale, Ministria e Mbrojtjes, Ministria e Arsimit, Sportit dhe Rinisë, Ministria e Drejtësisë, Ministria e Turizmit dhe Mjedisit dhe Ministria e Financave dhe e Ekonomisë janë të angazhuara për zbatimin e këtij vendimi.
Vendimi i ngritjes së task forcës për afganët:
Dhënien e mbrojtjes së përkohshme shtetasve afganë dhe personave pa shtetësi me vendqëndrim të përkohshëm ose të përhershëm në Republikën Islamike të Afganistanit dhe për krijimin e task-forcës për menaxhimin e fluksit të kërkuesve të mbrojtjes ndërkombëtare.
Në mbështetje të nenit 100 të Kushtetutës dhe të nenit 82, të ligjit nr.10/2021, ‘Për azilin në Republikën e Shqipërisë’, me propozimin e ministrit të Brendshëm dhe të ministrit për Evropën dhe Punët e Jashtme, Këshilli i Ministrave
VENDOSI:
1. Dhënien e mbrojtjes së përkohshme shtetasve me shtetësi apo kombësi afgane dhe personave pa shtetësi me vendqëndrim të përkohshëm ose të përhershëm në Republikën Islamike të Afganistanit, që hyjnë masivisht dhe të koordinuar me partnerët ndërkombëtarë në territorin e Republikës së Shqipërisë, për arsye të luftës, situatës së ngjashme, dhunës së përgjithshme dhe konfliktit të brendshëm, të karakterizuara nga shkelje të të drejtave të njeriut dhe që kërkojnë mbrojtje nga Republika e Shqipërisë.
2. Mbrojtja e përkohshme për këta shtetas fillon nga momenti i hyrjes në Republikën e Shqipërisë për një afat 1-vjeçar.
3. Përjashtohen nga e drejta e mbrojtjes së përkohshmen të gjithë personat të cilët plotësojnë një nga kushtet e përcaktuara në nenin 83, të ligjit nr.10/2021, ‘Për azilin në Republikën e Shqipërisë’.
4. Autoriteti përgjegjës për azilin dhe refugjatët mund të vendosë që kërkuesit t’i kufizohet liria e lëvizjes, nëse e konsideron të nevojshme, bazuar në vlerësimin individual të secilit rast sipas përcaktimeve të neneve 46 dhe 47, të ligjit nr.10/2021, ‘Për azilin në Republikën e Shqipërisë’.
5. Krijimin e Task-Forcës, si një strukturë e posaçme e përkohshme, për menaxhimin e fluksit të kërkesave për mbrojtje ndërkombëtare nga shtetasit afganë dhe personat pa shtetësi me vendqëndrim të përkohshëm ose të përhershëm në Republikën Islamike të Afganistanit.
6. Task-Forca kryesohet nga ministri për Evropën dhe Punët e Jashtme dhe ka në përbërje, si më poshtë vijon:
a) Ministrin e Brendshëm;
b) Ministrin e Mbrojtjes;
c) Ministrin e Financave dhe Ekonomisë;
ç) Ministrin e Arsimit, Sportit dhe Rinisë;
d) Ministrin e Shëndetësisë dhe Mbrojtjes Sociale;
dh) Ministrin e Turizmit dhe Mjedisit.
Sipas nevojave ftohen të marrin pjesë përfaqësues të institucioneve të tjera me kërkesë të kryetarit të Task-Forcës.
7. Task-Forca ka këto detyra:
a) Negocion me partnerët ndërkombëtare për çështjet që lidhen me objektin e këtij vendimi;
b) Harton planin e veprimit për menaxhimin e fluksit të kërkuesve të mbrojtjes ndërkombëtare;
c) Koordinon situatën e pritjes dhe të akomodimit të shtetasve afganë dhe personave pa shtetësi me vendqëndrim të përkohshëm ose të përhershëm në Republikën Islamike të Afganistanit;
ç) Evidenton nevojat emergjente për t’i paraprirë punës me ndryshimet e mundshme të kuadrit ligjor, nënligjor e rregullator, të cilat ndikojnë në përmirësimin në këtë funksion;
d) Analizon kërkesat shtesë buxhetore për funksionimin, shpenzimet dhe bazën e nevojshme materiale, si dhe koordinon fondet e donatorëve për këtë qëllim.
8. Task-Forca ndihmohet nga sekretariati teknik në detyrat administrative. Ministri për Evropën dhe Punët e Jashtme dhe ministri i Brendshëm janë përgjegjës për ngritjen e këtij sekretariati, përcaktimin e përbërjes dhe të mënyrës së funksionimit të tij.
9. Periudha e veprimit të Task-Forcës është deri në përfundimin e shqyrtimit të kërkesave për mbrojtje ndërkombëtare nga shtetasit afganë dhe personat pa shtetësi me vendqëndrim të përkohshëm ose të përhershëm në Republikën Islamike të Afganistanit.
10. Ngarkohen Ministria e Brendshme, Ministria për Evropën dhe Punët e Jashtme, Ministria e Shëndetësisë dhe Mbrojtjes Sociale, Ministria e Mbrojtjes, Ministria e Arsimit, Sportit dhe Rinisë, Ministria e Drejtësisë, Ministria e Turizmit dhe Mjedisit dhe Ministria e Financave dhe Ekonomisë për zbatimin e këtij vendimi.
Ky vendim hyn në fuqi menjëherë dhe botohet në ‘Fletoren zyrtare’.
K R Y E M I N I S T R I
EDI RAMA
Një ditë më parë, me anë të në vendimi të publikuar në fletoren zyrtare, Qeveria bëri me dije se i ka hequr një fond prej 6.7 milion lekësh buxhetit të Ministrisë së Brendshme dhe i ka vënë në dispozicion për rikonstruksionin e Qendrës Kombëtare Pritëse për Azilkërkues ku dhe do të strehohen afganët që do të vijnë në vendin tonë.
Shqipëria pret prej më shumë se një jave ardhjen e emigrantëve afganë në vendin tonë. Nisja e tyre është shtyrë herë pas here për shkak të kaosit të krijuar në Kabul. Në Rinas janë ngritur disa çadra ushtarake ku ka staf mjekësor, forca ushtarake dhe psikologë për të pritur rreth 300 afganët, për t’u bërë një kontroll për gjendjen e tyre shëndetësore dhe psikologjike. Më pas do të bëhet edhe identifikimi i tyre, për t’u regjistruar më pas edhe në sistemin TIMS. Afganët do të transportohen me autobusë nën shoqërinë e Forcave të Rendit dhe të Ushtrisë, së bashku me një ambulancë ku dhe do të akomodohen në hotelin në Berat, konviktet në Tiranë dhe në hotelet e përcaktuara në Durrës.
(F.m/dosja.al)
Iftar dhe politikë, a u prek Muaji i Ramazanit nga politikanët?
FUSHË KRUJË- Dhjetë vatra zjarri janë aktivizuar mesditën e sotme në Fushë krujë në afërsi të Urës së Gjoles. Mësohet se zjarri në këtë zonë ka djegur...
Duket se sezoni turistik në bregdet mund të vijojë lirshëm edhe në fillim të shtatorit. Sinoptikania Lajda Porja nga “Meteoalb” në një lidhje live për “News24” ...
TIRANË– Qytetarët e Lazaratit janë ndjerë të ofenduar pas njoftimit të bërë nga Departamenti Amerikan i Shtetit, ku udhëzoheshin të gjithë shtetasit amerik...
TIRANË-OSHEE lajmëron se dia zoan ën Tiranë do të mbesin pa energji elektrike ditën e nesërme, për shkak të punimeve që po bëhen në rrjet.Ditën e nesërme n...
TIRANË– Gerian Nano, 34 vjeç, ka mbetur i plagosur me thikë në Tiranë. Ngjarja ka ndodhur mesditën e sotme në fillim të Rrugës së Barrikadave. Ende ...
TIRANË– Pas tentativës për arratisje të Arbër Çekajt dhe Fatmir Pjetrit, në burgun 313 duket se ka nisur ahengu me muzikë dhe video humori. Burime p...
ITALI– Një ditë pas tragjedisë e cila i mori jetën djalit të tij 4-vjeçar, babi shqiptar, Gneci Tila ka folur për mediat italiane ku ka kërkuar dre...
TIRANË– Gjendja e personave të plagosur në atentatin ndaj Bledar Muçës është stabilizuar. Elvis Tafani, një nga pesë të plagosurit e atentatit ndaj ...
LEZHË– Qyteti i Lezhës po vuan rafikun e rënduar të automjeteve. Radhët e krijuara janë deri në 8 kilometra, kryesisht në daljet e Lezhës për nga Ti...
Rrugët e brendshme të lagjes Mbrostar Ferko në Fier janë në gjendje të amortizuar. Pluhuri në vere dhe balta në dimër shoqërojnë banorët e kësaj lagjeje gjatë g...
