Tronditet Elbasani/ Një person qëllon drejt një lokali, plagosen tre persona. Autori largohet menjëherë nga vendngjarja (EMRAT)
Plagosja me armë zjarri në Elbasan/ Sherri mes adoleshentëve nisi në një lokal 20 Korrik, 21:14 ...
Plagosja me armë zjarri në Elbasan/ Sherri mes adoleshentëve nisi në një lokal 20 Korrik, 21:14 ...
Dita e 51-të e protestës/ Nis organizimi i protestuesve në sheshin “Skënderbej”: Rama jepe dorëheqjen! 20 ...
"Më shiko në sy Sali"/ Çaushi- Berishës: Dezinformove për reformën dhe për shtëpinë time 20 Korr...
Berisha: Ja tre zyrtarët që kanë qenë në Aruba, SPAK fsheh emrat e tyre sepse është seksion i Partisë So...
TIRANË– Shkrimtari dhe porfesori Aurel Plasari ka ndarë sot në kuadër të 553-vjetorit të vdekjes së Heroit Tonë Kombëtar, Skënderbeu, një fragment nga libri i tij me titullin ‘Skënderbeu, një histori politike’. Në fragmnetin e ndarë flitet pikërisht për vdekjen e Gjergj Kastriot Skënderbeut, 17 Janarin e vitit 1468.
Siç edhe përshkruhet nga Fallmerayeri në libër, pas kësaj vdekjeje, Arbëria ishte tanimë vetëm një trup mbetur pa shpirt e frymë. Kjo pasi, me vdekjen e Gjergj Kastriotit shteti më i madh i krishterë i Ballkanit, sikurse e kanë quajtur, ishte shpërbërë.
Fragment nga libri i Aurel Plasarit
VDEKJA, 17 JANAR 1468
“Dhe gjithçkaja u rrënua”: e ka dhënë në mënyrë tejmase koncize Giovanni Muzaka situatën e Arbërisë mbas vdekjes së Skënderbeut. “Ishte një tokë e shkretuar për tmerr, – e përshkuan Jirečeku situatën mbasskënderbegiane të Arbërisë. – Vetëm midis Galipoje e Adrianopoje gjendeshin aq shumë qytete të shkretuara sa në krahinën e Shkodrës nuk kishte mbetur seli kishtare më këmbë, para së gjithash selitë peshkopale të Sardës, të Drishtit, të Baleçit, të Shatit etj., që ndodhen edhe sot të rrënuara qysh prej shek. XV”. “Ai ishte i vetmi Moisi – ka shënuar në Kujtimet e veta kalorësi Sagredo – që mund ta nxirrte nga skllavëria e Egjiptit dhe nga shtypja e Faraonit të Kostandinopojës Popullin Besnik…”. “Arbëria kishte vdekur tok me të”, thotë Lamartine-i në Historinë e vet kur përmend vdekjen e Skënderbeut. “Arbëria ishte tanimë vetëm një trup mbetur pa shpirt e frymë”, e ka përshkruar Fallmerayeri situatën mbasskënderbegiane.
Zotërve njëherësh aleatë dhe rivalë të tij – Thopia, Arianitë, Spanë, Zaharia, Dukagjinë, Muzakë, Skura e të tjerë – do t’u duhej të zgjidhnin njërën nga disa rrugët. Një pjesë shpejtuan të hidhnin në dorë ngastrat e Arbërisë që kishin qenë dikur “të tyret” dhe pranuan kompromisin duke u vënë në shërbim të pushtuesit dhe duke mohuar besimin e tyre dhe të të parëve të tyre, më shqip: duke tradhtuar Jesu Krishtin – tradhti e tradhtive – me vdekjen e të cilit kishin qenë pagëzuar brez mbas brezi. Një pjesë tjetër – më të vegjël se më të mëdhenjtë – parapëlqyen të tërhiqeshin në male për t’i ikur sundimit të pushtuesve me shpresën që do të mundnin ta vijonin qëndresën duke mos tradhtuar as kujtimin e “prijësit” dhe të luftërave të tij, as besimin e të parëve. Pjesa tjetër, pa pranuar të poshtëroheshin në vendin e tyre, zgjodhën ta braktisnin atdheun, të iknin e të endeshin në brigje të huaja, qoftë edhe duke u deklasuar e duke lypur: “Mërgim mjerimi dhe mynxyre” e cilësoi Muzaka që e provoi vetë.
Me vdekjen e Gjergj Kastriotit “shteti më i madh i krishterë i Ballkanit”, sikurse e kanë quajtur Šufflay, Jirečeku etj., ishte shpërbërë. Arbëria dhe arbërit e Gjergj Kastriotit e kishin humbur pavarësinë e fituar dhe të mbrojtur me njëçerek shekulli qëndresë dhe luftëra. Vetjakësim heroik i trimërisë dhe inteligjencës së një populli në epikrizën historike të tij, – ndoshta edhe i “patriotizmit të egër” dhe “gjenisë aventuroze”, si mendonte një Lamartine, – Skënderbe të dytë nuk kishte.
Por të thuash thjesht që “Skënderbe të dytë nuk kishte” për të shpjeguar humbjen e Arbërisë do të thotë të përmendësh një shkak metafizik dhe vetëm kaq. Rrethanat historiko-politike të qëndresës dhe të luftërave të tij dëftojnë që ai të kishte komanduar e qeverisur në mënyrë të tillë që, mbas vdekjes së tij, të mos kishte më “zëvendësues” dhe shteti i tij të mos qëndronte më në këmbë. Janë situata të kuptueshme për epoka si e tija: kurrfarë qortimi nuk mund t’ia bëjnë historianët. Kur e pyetën heroin e Machiavellit, Castruçio Castranin në hjekë e sipër, se si do të donte ta varrosnin, ai u përgjigj: “Me fytyrën përmbys, sepse e di që, me vdekjen time, ky vend do të vejë dëm”.
Peshkop Segoni ka treguar se vdekja e tij u pat qarë jo vetëm nga viset përreth, si dhe nga vetë turqit, por “nga gjithë princërit e Europës”.
Nga: Skënderbeu – një histori politike, Tiranë 2010 © fb a.p.
(f.m/dosja.al)
1 vit nga zgjedhjet e 25 prillit si e shikoni gjendjen e vendit:
TIRANË– Drejtori i Urgjencës Kombëtare është shprehur se ka shumë persona, që sipas tij, njësoj si Tire Alldervishi përfitojnë nga situata dhe zhvasi...
ZVICËR– Mirsad Avdiaj, djali i madh i familjes, katër anëtarët e të cilës u shuan në një aksident automobilistik, ndihet si pjesë e një filmi të keq horror...
SHQIPËRI– 1277 viktima, 25 mijë e 960 të infektuar aktivë dhe 40 mijë e 453 të shëruar. Ky është bilanci i Covid-19 në Shqipëri që nga nisja e pandem...
TIRANË– Ministrja e Arsimit Evis Kushi ka lajmëruar të gjithë mësuesit për rregullat që duhet të ndjekin nga nesër e në vijim, duke iu referuar situa...
TIRANË– Në vetëm tre ditë, përveç përplasjeve të përditshme, shumë prej të cilave nuk bëhen as publike pasi zgjidhen nga vetë drejtuesit e mjeteve, ...
TIRANË– Dorina Arapi, vajza e piktorit të njohur shqiptar, Mustafa Arapi ka zbuluar se babai është infektuar me koronavirus dhe ditën e djeshme u shtrua te...
TIRANË– Atentatorët e biznesmenit Ylli Ibrahimi, mbi të cilin zbrazën plot 20 plumba nga automatiku ‘Scorpions’, ndoqën rrugën Tiranë-Milot e më pas u zhdu...
KOSOVË– Pesë persona kanë ndërruar jetë brenda 24-orëve të fundit në Kosovë, si pasojë e infektimit me Coronavirus, 353 persona kanë rezultuar poziti...
PUKË– Qarkullimi në rrugën nacionale të kryqëzimit në Gjegjan do jetë përkohësisht i pezulluar për shkak të rënies së gurëve.Njoftimin e ka dhënë Bashkia e...
