Tronditet Elbasani/ Një person qëllon drejt një lokali, plagosen tre persona. Autori largohet menjëherë nga vendngjarja (EMRAT)
Plagosja me armë zjarri në Elbasan/ Sherri mes adoleshentëve nisi në një lokal 20 Korrik, 21:14 ...
Plagosja me armë zjarri në Elbasan/ Sherri mes adoleshentëve nisi në një lokal 20 Korrik, 21:14 ...
Dita e 51-të e protestës/ Nis organizimi i protestuesve në sheshin “Skënderbej”: Rama jepe dorëheqjen! 20 ...
"Më shiko në sy Sali"/ Çaushi- Berishës: Dezinformove për reformën dhe për shtëpinë time 20 Korr...
Berisha: Ja tre zyrtarët që kanë qenë në Aruba, SPAK fsheh emrat e tyre sepse është seksion i Partisë So...
TIRANË– Ajo është një vajzë e imët, me flokët e lyera bjond dhe e qetë. Takimi me të është gati “rastësor”, megjithatë ajo vendos të flasë, por me kushtin e vetëm, që të ruhet konfidencialiteti.
“Ndodhi sepse kisha nevojë për para. Nuk është se dëshiroja të zhvishesha apo të postoja foto të vetes”, shprehet A., një vajzë rreth të 25-ave, e cila jeton në Tiranë. Për shkak të koronavirusit, ajo humbi punën në një kompanitë turistike dhe filloi të postojë foto gjysmë-nudo në një rrjet social.
“Aplikova për punë por ishte gati e pamundur të gjeja një të tillë”, shprehet ajo për Gazetën “Si”. A. më vonë krijoi një llogari në “OnlyFans” me rekomandimin e një mikut të saj.
Në këtë platformë, ndjekësit (followers) paguajnë një tarifë abonimi mujor (25 $ në muaj) për të pasur akses në fotot, videot ose transmetimet e drejtpërdrejta, ndërkohë që kompania merr 20% komision. Pavarësisht se platforma, tashmë e bërë e njohur për pastime gjysmë-nudo apo nudo nuk u drejtohet vetëm njerëzve që shesin imazhe nudo, shumë përdorues të OnlyFans e bëjnë diçka të tillë.
Ajo çfarë është për t’u vërejtur është se mes personave që postojnë foto ka edhe nga Shqipëria. E tillë është dhe K., një vajzë 18-vjeçare, e cila është bërë pjesë e platformës, ndërsa poston me ‘nick-name’. A. rrëfen se ka fituar 1500 dollarë brenda një periudhe prej katër muajsh, ndërkohë që foto të ngjashme poston edhe në llogarinë e saj në Instagram.
“Është punë. Përmes diçkaje të tillë paguaj qiranë dhe nevojat e mia të përditshme”, shpjegon ajo, ndërsa shton, se ajo nuk pranon dhe refuzon kërkesa për të postuar foto apo video, të cilat janë qartazi veprime seksuale, porse pohon, se ka shumë të rinj, që e bëjnë diçka të tillë.
A. vëren se e ka mbajtur të fshehtë këtë “punë” të saj nga miqtë më të afërt, pasi në të kundërt do të etiketohej prej tyre si një lloj prostitute, por pohon se numri i atyre që shesin foto nudo në rrjete sociale është vërtet i madh.
“Ka nga ata, që postojnë gjithçka në mediat sociale. Mendoj se shumë të rinj e shohin thjesht si mundësi punësimi në një kohë kur është e vështirë të gjesh punë.” Mbase për këtë arsye, pavarësisht paragjykimeve, “shitja e nudove në internet, kohët e fundit është bërë diçka më e dukshme dhe më e pranueshme socialisht.”
“OnlyFans”, një platformë media sociale, që lejon njerëzit të shesin foto nudo të vetes së tyre ka njohur një ‘boom’ gjatë periudhës së pandemisë. Por ndërkohë, “konkurrenca” brenda platformës, do të thotë se fitimet individuale kanë rënë. S., e cila e humbi punën e saj në qershor, një nënë e vetme e një djali dyvjeçar duhej të kujdesej për të dhe si zgjidhje financiare gjeti pikërisht krijimin e një llogarie në platformë dhe shitjen e fotove nudo apo thjesht me të brendshme atje.
Në OnlyFans përdoruesit shesin përmbajtje origjinale ndaj atyre që e ndjekin faqen përkundrejt pagesës. “Njerëzit mendojnë se të bësh foto nudo dhe t’i postosh është e lehtë, por është punë e vështirë. Është një punë e vërtetë”,– komenton A.
“OnlyFans” është themeluar në vitin 2016 në Britani. Në dhjetor, platforma kishte më tepër se 90 milion përdorues dhe më shumë se 1 milion krijues përmbajtjeje (content creators), ndërkohë që në 2019 numëronte 120 000 të tillë. Sipas Angela Jones, një sociologe amerikane, “njerëzit e bëjnë diçka të tillë nga dëshpërimi, pasi janë të shqetësuar dhe nuk kanë me se të ushqehen e nuk kanë me se të paguajnë dritat”.
Por kjo “punë” ka dhe anën e vet të errët dhe të rrezikshme.
Ka nga ata, që pretendojnë se do të bëjnë shumë para (disa vërtet fitojnë), por në fund përfundojnë vetëm me disa qindra dhe nuk janë të kënaqur dhe janë të shqetësuar se fotot e tyre do të bëhen të dukshme e në të ardhmen do ta kenë të vështirë të gjejnë një punë. Krijuesit më të suksesshëm të përmbajtjes së këtyre platformave janë përgjithësisht modele, porno-starë apo njerëz të njohur të ekranit dhe jetës publike, të cilët kanë shumë ndjekës në mediat sociale.
Është interesante të vërejmë se “content creators” nuk janë vetëm vajza dhe gra, por edhe meshkuj të ndryshëm. Kjo punë mund të cilësohet edhe si “punë digjitale seksi” dhe për ata që ndërveprojnë, duke ofruar shërbimin, jep iluzionin e sigurisë dhe privatësisë, pasi paguhen pa ndërvepruar fizikisht me klientët.
Megjithatë, kjo nuk do të thotë se është diçka e parrezikshme. Shumë nga përdoruesit e faqes mund të bëjnë ‘screen-shot’ të fotove nudo të ‘punonjësve’ dhe t’i bëjnë publike pa lejen e tyre. “Nëse do të ndodhte diçka e tillë do të turpërohesha”,– pohon A., ndërkohë që shton se puna gjithashtu nuk është aq e thjeshtë.
“Një pjesë e punës është e papaguar: bërja gati, bërja e fotove, promocioni në mediet sociale dhe përgjigja ndaj kërkesa të klientëve.”
“Puna seksuale në internet është një alternativë shumë më tërheqëse për shumë njerëz sesa të dalin në rrugë ose të shesin shërbime të drejtpërdrejta seksuale”, thotë Barb Brents, një profesor i sociologjisë në Universitetin e Nevada, Las Vegas, ndërsa shton se, “çdokush që hyn në këtë lloj pune duhet të jetë i vetëdijshëm se ka rreziqe.”
“OnlyFans” nuk është e vetmja platformë online, që ofron shërbime të tilla. Një tjetër platformë në Britani, “AdmireMe”, gjithashtu ka njohur rritje të përdoruesve gjatë periudhës së pandemisë.
(f.m/dosja.al)
1 vit nga zgjedhjet e 25 prillit si e shikoni gjendjen e vendit:
TIRANË– Ministrja e Arsimit Evis Kushi ka lajmëruar të gjithë mësuesit për rregullat që duhet të ndjekin nga nesër e në vijim, duke iu referuar situa...
TIRANË– Në vetëm tre ditë, përveç përplasjeve të përditshme, shumë prej të cilave nuk bëhen as publike pasi zgjidhen nga vetë drejtuesit e mjeteve, ...
TIRANË– Dorina Arapi, vajza e piktorit të njohur shqiptar, Mustafa Arapi ka zbuluar se babai është infektuar me koronavirus dhe ditën e djeshme u shtrua te...
TIRANË– Atentatorët e biznesmenit Ylli Ibrahimi, mbi të cilin zbrazën plot 20 plumba nga automatiku ‘Scorpions’, ndoqën rrugën Tiranë-Milot e më pas u zhdu...
KOSOVË– Pesë persona kanë ndërruar jetë brenda 24-orëve të fundit në Kosovë, si pasojë e infektimit me Coronavirus, 353 persona kanë rezultuar poziti...
PUKË– Qarkullimi në rrugën nacionale të kryqëzimit në Gjegjan do jetë përkohësisht i pezulluar për shkak të rënies së gurëve.Njoftimin e ka dhënë Bashkia e...
TIRANË– Detaje të reja kanë dalë në dritë nga aksidenti që i mori jetën vajzës 10-vjeçare në Tiranë. Dosja.al mëson se e mitura kishte dalë nga shtë...
TIRANË– Alban Guri, drejtuesi i mjetit që u përfshi në aksidentin që i mori jetën një 10-vjeçareje është shoqëruar në Komisariatin e Policisë Nr.4.N...
TIRANË– Në 4 spitalet COVID po trajtohen 276 pacientë, 32 në terapi intensive nga të cilët 5 pacientë janë të intubuar, sipas raportit të djeshëm të ...
TIRANË– Edhe pse vendi ynë qëndroi rreth tre muaj në karantinë, shifrat e viktimave nga aksidetet rrugore janë të larta.Qendra Kombëtare e Urgjencës Mjekës...
