Politike

9 orë takim me diplomatët e huaj, përparime tek ‘Zgjedhorja’! Yuri Kim: Nesër takohemi sërish, afati i fundit!

  • ARGUMENTET/ Ku ka ngecur marrëveshja për Reformën Zgjedhore?
  • Kim i vendos kusht Këshillit Politik: Pikat shtesë? Konsensus, ose…
  • Soreca jep AFATIN e fundit: Takohemi prapë nesër, kemi arritur ‘vrullin’
  • Reforma Zgjedhore po sheh përparime! U deshën 9 orë takim 'kokë më kokë me diplomatët e huaj që palët të gjenin gjuhën e përbashkët. Ambasadorja amerikane, Yuri Kim ka paralajmëruar një tjetër takim nesër.
    Featured image of article: 9 orë takim me diplomatët e huaj, përparime tek ‘Zgjedhorja’! Yuri Kim: Nesër takohemi sërish, afati i fundit! Ambasadorët pas takimit

    TIRANË– Përparime në takimin e zhvilluar për Reformën Zgjedhore! Ambasadorja Amerikane, Yuri Kim, ambasadori i BE-së, Luigi Soreca dhe ai i Britanisë së Madhe, Duncan Norman kanë dhënë detaje lidhur me zhvillimet në takimin që zgjati 9 orë. 

    Në fjalën e saj për mediat, ambasadorja Kim bëri me dije se gjatë 9 orëve ka pasur përparime nga të gjitha palët e Këshillit Politik, por pohoi gjithashtu se ka ende punë për t’u bërë. 

    Më tej, Kim ka folur edhe për kushtet e reja të kërkuara nga palët. Ajo është shprehur se nëse palët arrijnë konsensus për ‘tema’ të reja përtej rekomandimeve të OSBE-ODHIR, diplomatët do të bien dakord më palët. Por nëse për pika shtesë që nuk janë pjesë e rekomandimeve nuk ka konsensus, ato nuk do të zhvillohen me tej. 

    Pas Kim, fjalën e mori ambasadori i BE-së, Luigi Soreca, i cili gjithashtu konfirmoi përparimet, duke shtuar se nesër do të mblidhen sërish në orën 11:00 dhe do të jetë afati i fundit për palët. Të njëjtën gjë e ka pohuar më pas edhe ambasadori i Britanisë së Madhe, Norman.

    Për më shumë bëhu pjesë e grupit më viral në Facebook, Dosja.al

    Megjithatë nuk dihen ende detaje se në cilat pika është përparuar nga palët. Nga informacionet e deri më tanishme, Oerd Bylykbashi, Rudina Hajdari, Damian Gjiknuri dhe Petrit Vasili ‘ndahen’ për çështjen e tekonolgjisë dhe depolitizimin e administratës zgjedhore. Ndërsa Hajdari shton si kusht të saj të panegociueshëm edhe ndryshimin e sistemit zgjedhor.

    Takimi i sotëm ka nisur që në mesditë dhe është zhvilluar me dy raunde. Fillimisht të gjithë përfaqësuesit kanë shkuar në takim me diplomatët për të diskutuar lidhur me arritjen e një të ‘mesmeje të artë’. Për disa minuta nga takimi janë shkëputur përfaqësuesit e opozitës jashtëparlamentare, të cilët kanë shkuar në selinë e PD-së për t’u konsultuar me kryedemokratin Lulzim Basha. Pasi kanë përfunduar takimin me Bashën, ata janë nisur sërish për tek ‘tryeza e bashkëbisedimit’. 

    Ndërkohë Këshilli politik ka ndërprerë punën që në 31 maj dhe puna e tij për të arritur një konsensus mes palëve dhe miratimin e një drafti final mund të quhet e dështuar. Më 31 maj, ditë e cila ishte edhe afati i fundit i kësaj reforme, palët nuk u dakordësuan për çështjen e teknologjisë, rolin e  Gjykatës Kushtetuese, administratën zgjedhore dhe qeverinë kujdestare. Ndërkohë gjuha e përbashkët është gjetur për kuotat gjinore, financimin e partive dhe periudha në të cilën do mbahen zgjedhjet. 

    (k.m/J.V. A.B. Dosja.al) 

    • 21:30

      Plas e qeshura! Yuri Kim nuk përmbahet dot, gazetarja ia ngre mikrofonin shumë lart, ambasadorja: S’jam aq e gjatë!

      Ambasadorja amerikane Yuri Kim ka folur pas takimit prej 9 orësh me diplomatët e huaj dhe anëtarët e Këshillit Politik për Reformën Zgjedhore. Mirëpo një ‘incident’ i vogël ka ndodhur me gazetarët, të cilët prej orësh prisnin me padurim detaje nga takimit. Sapo Kim ka nisur që të flasë, gazetarët i kanë drejtuar mikrofonat. Por disa prej tyre i kanë mbajtur shumë lart, duke shkaktuar të qeshura tek vetë Kim.

      “Siç e shihni jam e shoqëruar nga Soreca dhe ambasadori Norman *qesh, nuk jam aq e gjatë,”- tha Kim.

    • 20:48

      ‘Zgjedhorja’/ Ambasadori britanik jep DETAJE: Sot u bë progres, por ka ende punë për t’u bërë

      Ambasadori i Britanisë së Madhe në Shqipëri, Duncan Norman ka dhënë detaje nga takimi i zhvilluar me anëtarët e Këshillit Politik për Reformën Zgjedhore. Në fjalën e tij para mediave, Norman u shpreh se sot palët kishin arritur progres por pranoi se ende kishte punë për t’u bërë.

      Këshilli Politik u krijua për Reformën Zgjedhore. Sot u bë progres, por ka ende punë për t’u bërë. Është thelbësore që kët
    • 20:45

      Soreca jep AFATIN e fundit: Takohemi prapë nesër, kemi arritur ‘pikë vrulli’, të mos e shpërdorojmë

      Ambasadori i BE-së, Luigi Soreca ka dhënë detaje lidhur me takimin e zhvilluar me anëtarët e Këshillit Politik. Në fjalën e tij, Soreca u shpreh se kanë pasur një takim shumë të mirë, ku palët kanë shënuar progres. Më tej, ai shtoi se afati i fundit është shtyrë për ditën e nesërme.

      Kemi pasur një ditë shumë të mirë pune. Kemi bashkëshoqërtuar punën e anëtarëve të Këshillit Politik. Për BE është e rëndësishme të përmbushen kushtet. Kufijtë janë rekomandimet e OSBE-ODHIR. Kjo kërkohet edhe edhe KE. Shumë shpejt do të prezantohet edhe korniza dhe një arritje do ta bëjë këtë punë më të lehtë. I falenderoj pakët për qasjen konstruktive. I ftoj që të vazhdojnë me të njëjtën qasje edhe nesër. Kemi arritur një pikë vrulli, le të mos e shpërdorojmë. Është në interes të popullit por edhe për të ardhmen e vendit në BE,”-tha Soreca.

    • 20:49

      Ambasadorja Kim i vendos kusht Këshillit Politik: Pikat shtesë? Konsensus, ose palët të heqin dorë nga kërkesat

      Ambasadorja amerikane Yuri Kim ka folur pas takimit prej 9 orësh me diplomatët e huaj dhe anëtarët e Këshillit Politik për Reformën Zgjedhore. Kim ka folur edhe për kushtet e reja të kërkuara nga palët. Ajo është shprehur se nëse palët arrijnë konsensus për ‘tema’ të reja përtej rekomandimeve të OSBE-ODHIR, diplomatët do të bien dakord më palët. Por nëse për pika shtesë që nuk janë pjesë e rekomandimeve nuk ka konsensus, ato nuk do të zhvillohen me tej.

      Të gjithëve u është kërkuar që të japin, në mënyrë që Shqipëria të fitojë. Shqipëria miku dhe aleati ynë është në një fazë kritike të historisë. 25 marsi ishte një pikë kthese është një votë për të ardhmen e Shqipërisë në Europë. Sikurse jeni në dijeni BE ka vendosur një sërë kushtesh që shqipëria të anëtarësohet. Mes tyre është edhe reforma zgjedhore në përputhje me rekomandimet e ODHIR. Qëllimi ynë sot dhe qëllimi ynë nesër është që Shqipëria të përmbushi të gjithë rekomandimet e ODHIR, për të qenë anëtare e BE. Nëse partitë do të arrijnë në konsensus përtej rekomandimeve të ODHIR do të biem dakord me ta. Nëse konsensusi për këto pika që ODHIR ka kërkuar nuk arrihet, atëherë palët nuk duhet t’i vazhdojnë më këto kërkesa. Sikurse kam thënë ne duam që Shqipëria të jetë në Bashkimin Europian. SHBA do të bëjë gjithcka në fuqinë ë tyre për të mbështetur integrimin e shqiprisë në BE”, u shpreh Kim.

    • 20:40

      9 orë takim, Yuri Kim bën ‘rezymenë’ para kamerave: Kemi përparime nga palët, ja ç’u vendos sot

      Ambasadorja amerikane në Shqipëri, Yuri Kim ka dhënë detaje lidhur me takimin e zhvilluar me anëtarët e Këshillit Politik. Në fjalën e saj për mediat, Kim u shpreh se palët kishin arritur konsensus por nuk bëri me dije se cilat ishin pikat ku kishte përparime.

      Të tre kaluam 9 orë me anëtarët e Këshillit Politik. Ishte ditë e gjatë dhe e vështirë por u bë progres. Ishte e vështirë për të gjitha palët e përfshira. Të gjithëve u kërkua që ët japin diçka që të merrte Shqipëria. Shqipëria është në një fazë kritike. 25 marsi ishte pikë kthese. Ishte votë për të ardhmen e Shqipërisë në Europë. BE ka vendosur një sërë kushtet për hapjen e negociatave, mes tyre edhe Reforma Zgjedhore,”-tha Kim.
    • 19:19

      S’ka ende marrëveshje për ‘Zgjedhoren’, Yuri Kim bën lëvizjen e papritur nga Ambasada, mbledh mediat

      Yuri Kim

      Ambasadorja amerikane Yuri Kim bën lëvizjen e papritur nga Ambasada. Pas takimit me përfaqësuesit e opozitës dhe maxhorancës të Këshillit Politik, ajo ka thirrur mediat në vend për të zhvilluar një konferencë për shtyp. Ende nuk dihet se çfarë mesazhi do të përçojë Kim nga zyra e Ambasadës në vend.

    • 19:13

      3 orë takim me Yuri Kim dhe diplomatë, nuk ka marrëveshje për ‘Zgjedhoren’

      Turi Kim dhe tryeza e Këshillit Politik

      Pas tre orësh diskutime ka përfunduar takimi i ambasadores amerikane, Yuri Kim me përfaqësuesit e Këshillit Politik për Reformën Zgjedhore. Burime për Dosja.al bëjnë me dije se sërish nuk u arrit asnjë marrëveshje, edhe pse ky ishte takimi i dytë për ditën e sotme. Në takimin me Kim dhe diplomatë të tjerë të akredituar në Shqipëri, palët sërish nuk kanë rënë dakord për të zgjidhur ndasitë e tyre. Ndërsa Kim ka lajmëruar një konferencë për shtyp, nga ku pritet të japë detaje lidhur me takimin.

    • 16:10

      Ngërçi me Zgjedhoren, anëtarët e Këshillit politik mbyllen në rezidencën e Yuri Kim para takimit të radhës

      Pak orë përpara zhvillimit të takimit të radhës të Këshillit Politik, Rudina Hajdari, Damian Gjiknuri, Petrit Vasili dhe Oerd Bylykbashi, kanë shkuar në rezidencën e ambasadores amerikane Yuri Kim. Pjesë e takimit janë edhe ambasadori i OSBE, Bernd Borchardt, ambasdadori i BE, Luigi Soreca dhe ambasadori i Britanisë së Madhe, Duncan Norman.

      Këshilli Politik
    • 15:32

      Përfundon takimi i Bashës me Vasilin dhe Bylykbashin, temë diskutimi “Zgjedhorja”

      Të mandatuarit e opozitës për të qenë pjesë e Këshillit Politik dhe të negociojnë në emër të saj, kanë zhvilluar sot një takim me kreun e Partisë Demokratike, Lulzim Basha.

      Petrit Vasili dhe Oerd Bylykbashi

      Takimi është zhvilluar në selinë blu dhe mësohet se temë e disktutimit ka Reforma Zgjedhore dhe biseda që kanë pasur sot me ambasadoren e SHBA në Tiranë, Yuri Kim.

    Shto Koment