Berisha: Ja tre zyrtarët që kanë qenë në Aruba, SPAK fsheh emrat e tyre sepse është seksion i Partisë So...
Protesta para Parlamentit/ Policia zhvendos protestuesit, pritet të nisë seanca plenare 20 Korrik, 10:32 PD drejt ri...
"Jo 50, as 150, por edhe 1 550 ditë, ne do jemi këtu"/ Protestuesi dekoron qytetarët në shesh: Ju meritoni medalje ...
Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
BULLGARI – Aksidenti tragjik në Bullgari ku autobusi mori flakë dukë u marrë jetën 46 personave ka zgjuar emocione të forta jo vetëm tek familjarët dhe miqtë e viktimave por edhe kudo në botë ku ljami bëri jehonë. Në mein e viktima kishte të rinj he fëmijë e ku më i vogli ishte 4 vjeç.
Mes viktimave ishin edhe një çift nga Tetova të cilët kishin lidhur jetën së bashku. 27-vjeçari Gazmend Ukalli nga Kërçova dhe e fejuara e tij 23-vjeçare Albina Beluli nga Tetova ishin dy nga peronat që u shuan në aksidentin tragjik. Profesori i Albinës, Xhelal Zejneli ka reaguar i prekur nga lajmi për studentene tij dhe i ka dedikuar një shkrim prekës.
Ai rikujton çaste nga mësimi në klasë dhe prezenca e Albinës atje me librin “Procesi” të Kafka-s dhe pyetjet që ajo kishte bërë gjatë diskutimit mbi atë botim. Ai shkruan me nostalgji për pyetjet që vajza i bënte lidhur me autorët e ndryshëm si Markezin, Dostojevskin, apo Lasgushin. Ai shkruan me dhimbje se vajza kishte gjetur fjalët më të bukura për të shkruar një hartim lidhur me të atin që e humbi në moshë të herët dhe dhimbjen që kjo humbje i kishte lënë.
“Në mediumet e Shqipërisë, lexova emrin Albina. Sakaq, pashë dhe fytyrën e saj engjëllore. Do të jetë ajo, nxënësja ime e para ca viteve. Ngjarjet e tilla janë të trishtueshme. M’u fanite, Albinë, e ulur në bankën e tretë, pranë dritareve. Me “Procesin” mbi bankë. Afër librit, edhe fletorja e lektyrës. Në krye të faqes, lexova: “Jozef K., në labirintet kafkiane”, shkruan ai.
Profesori i thotë edhe se bashka tashmë i duket bosh dhe se vajza bashkë me shokun e zemrës janë bërë yje që janë ngjitur në qiell. Ai shkruan me dhimbje se vajza nuk e veshi dot fustanine nusërisë dhe ëndrrat ju prenë në mes.
“U ngjite në parajsën qiellore, bashkë me yllin e zemrës, pa e kënduar këngën e jetës, pa e luajtur vallen e yjeve. U ngjite në majat e detit të kaltër, pa e ngjeshur fustanin e nusërisë. U shkëpute për t’u ngjitur lartë, atje ku albatrosi me vetëtimë i mpin sytë, me stuhitë përplaset. Ndarje e trishtueshme, në çastin kur pritje të përkundje djepin e frytit tënd, t’i këndoje ninulla, të dëgjoje të shenjtën fjalë – nënë, t’ia tregoje “Kësulëkuqen” dhe “Alisën në botën e çudirave”, shkruan ai.
Ai përfundon plot dhimbje se vajza nuk do harrohet kurrë dhe të dy do ngelen në mendjet e gjithkujt që pati fatin t’i njihte dhe t’i kishte pranë.
“Por jo, Ti kurrë s’do të jesh e brezit të humbur. Do të jetosh Albinë, sot e mot, në kujtesën e shoqeve dhe të shokëve të klasës dhe të gjeneratës. Do të jesh e gjallë në kujtesën e atyre që të njihnin të çiltër dhe zemërbardhë. Prehu e qetë, Albinë, në gjirin e tokës arbërore, në parajsën e dritës qiellore, aty pranë babait, që kurrë nuk e njohe dhe s’e nxore nga zemra”, shkruan profesori.
Postimi i plotë
E TI ALBINË, NË VALLEN E YJEVE LASGUSHIANE
Në mediumet e Shqipërisë, lexova emrin Albina. Sakaq, pashë dhe fytyrën e saj engjëllore. Do të jetë ajo, nxënësja ime e para ca viteve. Ngjarjet e tilla janë të trishtueshme. M’u fanite, Albinë, e ulur në bankën e tretë, pranë dritareve. Me “Procesin” mbi bankë. Afër librit, edhe fletorja e lektyrës. Në krye të faqes, lexova: “Jozef K., në labirintet kafkiane”. M’u fanite, Albinë, me dorën përpjetë, për ta marrë fjalën dhe për të më pyetur: “Kush është Estragoni dhe a do të vijë ndonjëherë Godoja?” E hoqe me krah Beketin dhe prite përgjigjen. M’u fanite Albinë, kur më pyete: “Merso vrau për shkak të diellit, ç’do të thotë, të vrasësh për shkak të diellit?!” Më dole para, Albinë, në bankën e tretë, pranë dritareve, me Dostojevskin ndër duar dhe pyetjen: “Kush e vrau Raskollnikovin, vrasës?!” M’u kujtove, Albinë, kur dole para klasës për ta deklamuar Zhak Preverin dhe poezinë legjendare “A të kujtohet Barbara”. Tridhjetë e dy nxënësit e klasës ishin stepur në vend. Dukeshin si të ngrirë. Pas kësaj, shpërtheu një frymëmarrje e thellë. Dhe një duartrokitje frenetike. M’u kujtove Ti, me buzëqeshjen e padjallëzuar, me fytyrën engjëllore, në bankën e tretë pranë dritareve. Mbi bankë, çanta ngjyrë kafeje. Një fletore me lapsin mbi të dhe “Vallen e yjeve” të Lasgushit. Erdhi dimri, një dimër i acartë, e ti e brishtë. Ta ndërrova vendin, dole në rreshtin pranë murit. Më the: “Dy herë e lexova Markezin, s’arrij dot ta kuptoj”. S’më shqiteshin kujtimet Albinë. M’u kujtua hartimi yt. Ishe në vitin e tretë. Kishe shkruar për babanë që s’e kishe parë kurrë. Në hartim kishe shkruar për vuajtjet tua shpirtërore: Ku e kam babanë? Përse të tjerët kanë baba, e unë jo? Baballarët e shoqeve të klasës shkojnë në mbledhje prindërore, babai im jo? Përse në sofër, ulemi pa babanë? Jote amë vazhdimisht të kishte thënë se babai yt një ditë do të kthehet. M’u kujtua hartimi yt, ku shkruaje për çastin plot dhimbje, për një fëmijë të klasës së parë fillore, që mëson nga e ëma se babai i kishte vajtur në dritën e amshimit qiellor dhe se ai nuk do të kthehej më. Në rrëfimin tënd plot dëshpërim, pashë tronditjen e thellë shpirtërore që ti 7-vjeçe, kishe përjetuar në atë çast rrëqethës. Hartimin tënd Albinë, e lexuan edhe nëpër klasat tjera. E notuan, jo unë por shokët e klasës, të gjeneratës. Pas shumë kohësh, të takova në sheshin Iliria, me tët amë. Më tha se hartimin e ruanin, sot e gjithë ditën. Sot Albinë, banka e tretë, pranë dritareve, m’u duk e zbrazët. Mbi të, një çantë, pa ty. Fletorja e mbetur hapur. Një laps, që s’do të lërë më gjurmë. Gjurmët e jetës, të kohës. Një klasë, e mbetur pa frymë, si atë ditë kur deklamove “Barbaranë”. Një klasë, pa një fytyrë engjëllore, pa një buzëqeshje të virgjër. Një ditë e zbrazët, koha ishte ndalur, e Ti Albinë, në vallen e yjeve lasgushiane. U ngjite në parajsën qiellore, bashkë me yllin e zemrës, pa e kënduar këngën e jetës, pa e luajtur vallen e yjeve. U ngjite në majat e detit të kaltër, pa e ngjeshur fustanin e nusërisë. U shkëpute për t’u ngjitur lartë, atje ku albatrosi me vetëtimë i mpin sytë, me stuhitë përplaset. Ndarje e trishtueshme, në çastin kur pritje të përkundje djepin e frytit tënd, t’i këndoje ninulla, të dëgjoje të shenjtën fjalë – nënë, t’ia tregoje “Kësulëkuqen” dhe “Alisën në botën e çudirave”. Por jo, Ti kurrë s’do të jesh e brezit të humbur. Do të jetosh Albinë, sot e mot, në kujtesën e shoqeve dhe të shokëve të klasës dhe të gjeneratës. Do të jesh e gjallë në kujtesën e atyre që të njihnin të çiltër dhe zemërbardhë. Prehu e qetë, Albinë, në gjirin e tokës arbërore, në parajsën e dritës qiellore, aty pranë babait, që kurrë nuk e njohe dhe s’e nxore nga zemra. Lajm i kobshëm, dy silueta. Mbase, ylli i zemrës sate. Të pikturuara, dy fytyra engjëllore, sy plot shkëlqim, shpirt virgjër. Prehu pranë yllit të zemrës. Të përqafuar, prehuni bashkë. Engjëllorë që ty dy, të virgjër, plot dritë jete, melodi e ndërprerë, shkëlqim bukurie – bodleriane dhe platonike. Re të zeza kudo pranë nesh. Korba ndjellakeq na ndjekin këmba-këmbës. Një buzëqeshje plot njerëzi, e kapluar nga heshtja e trishtueshme. Një dritë syri, përjetësisht e shuar. Një lot në mollëzën e nënës, përgjithmonë i ngrirë.
LAJMI KRYESOR: Tragjedia me 46 viktima në Bullgari/Video 3D e aksidentit, hetimet & pistat kryesore
(m.k/dosja.al)
Cila mendoni se është alternativa më e mirë:
GJERMANI- Tre partitë gjermane kanë arritur një marrëveshje për të formuar një qeveri të re që do t’i japë fund epokës së kancelares Angela Merkel dhe Ola...
MAQEDONI E VERIUT – Mediat maqedonase vazhdojnë të aludojnë për shkaqet e tragjedisë së mëngjesit të djeshëm ku një autobus turistësh u dogj nga flakët në...
ITALI – Një 18-vjeçar shqiptar u arrestua nga policia në komunën Kiavari të Xhenoas teksa u kap me 170 gramë kokainë dhe pasaportë të vaksinimit të falsi...
SUEDI – Suedia ka emëruar Magdalena Andersson si kryeministren e parë femër të vendit. Andersson, 54 vjeç, zëvendëson Stefan Löfven, i cili kohët e...
TURQI – Turqit që përpiqeshin të blinin iPhone dhe pajisje të tjera elektronike morën disa mesazhe të çuditshme në internet të mërkurën, përfshirë ...
BULLGARI– Familja Jahi ka humbur 8 anëtarë nga aksidenti tragjik i një dite më parë në Bullgari ku humbën jetën 46 shqiptarë, pasi autobusi me të cilin po...
GREQI – Klodina Çelo është shqiptarja e cila qëlloi në Chalandri, Greqi partnerin e saj përpara syve të vajzës së saj 13-vjeçare.George Neos...
RUSI – Presidenti rus Vladimir Putin do të presë nesër presidentin serb Aleksandar Vuçiç në rezidencën e tij në Soçi dhe do të jenë b...
GJERMANI – Gjermania do të ketë sot qeverinë e re, e krijuar nga kolacioni trepalësh mes Socialdemokratëve, Partisë së Gjelbër dhe Demokratëve të Lirë.Sip...
KOLUMBI – Ushtria kolumbiane sekuestroi 10 ton kokainë me vlerë 300 milionë dollarë gjatë një operacioni madhor në juglindje të vendit në kufi me Ekuadori...
