Protestë masive kundër projektit në Zvërnec/ Qytetarët para Kryeministrisë thirrje kundër qeverisë: Rama të japë dorëheqjen (PAMJET)
Protesta vijon, qytetarët shpalosin flamurin masiv kuq e zi në bulevard: Rama ik 4 Qershor, 21:28 Betejë pa li...
Protesta vijon, qytetarët shpalosin flamurin masiv kuq e zi në bulevard: Rama ik 4 Qershor, 21:28 Betejë pa li...
"Rama do organizojnë antimiting në Vlorë", Balla i përgjigjet Berishës: Kemi festën e PS, por ti nuk je i ftuar! ...
Ish-ushtarak dhe njohës i armëve/ Kush është Violand Braçellari, 43-vjeçari që vrau një polic e...
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
TIRANË- Presidenti Ilir Meta ka reaguar për ndarjen nga jeta të mjeshtrit të valles popullore të Besim Zekthit. Në një reagim për mediat, Meta shkruan se ndarja nga jeta e Besim Zekthit është thellësisht trishtuese. Më tej kreu i shtetit shkruan se do të jetë përjetësisht krenarë e mirënjohës për kontributin e Besim Zekthit për promovimin denjësisht të pasurisë sonë kulturore kombëtare, duke i përçuar vlerat e saj tek brezat e artistëve të rinj dhe duke u shndërruar në një shembull të përjetshëm frymëzimi.
“LAMTUMIRË KRYESHQIPONJA E VALLES SË SHQIPEVE, BESIM ZEKTHI! ? ?? Ndarja nga jeta e emblemës dhe solistit të pakrahasueshëm të Ansamblit të Këngëve e Valleve Popullore, Mjeshtrit të Madh dhe Nderit të Kombit, Besim Zekthi është thellësisht trishtuese. Falë talentit të spikatur dhe interpretimit të lartë e virtuoz si askush tjetër, ai i dha valles shqiptare, pjesë e rëndësishme e trashëgimisë kulturore shqiptare, të gjithë shkëlqimin e merituar, duke u duartrokitur dhe vlerësuar nga shumë gjenerata. Arti shqiptar humbi sot një prej personaliteteve më të shquara, që me krijimtarinë e tij koreografike, e bëri edhe më të famshëm identitetin dhe kulturën kombëtare në mbarë botën.
Edhe në periudhën më të errët të izolimit të vendit, virtuoziteti i Besim Zekthit dhe i artistëve si ai, arriti të lartësonte kulturën e popullit shqiptar dhe identitetit tonë europian edhe në skenat më prestigjoze botërore, ku mori të gjithë vlerësimin e merituar. Falë emocioneve të papërshkruara në interpretimin e valleve ai rriti krenarinë, optimizmin dhe vetëbesimin e kombit tonë për ditë më të mira, mbështetur fort në rrënjët e traditave dhe vlerave më të mira kulturore e artistike të trashëguara brez pas brezi. Përjetësisht krenarë e mirënjohës për kontributin e Besim Zekthit për promovimin denjësisht të pasurisë sonë kulturore kombëtare, duke i përçuar vlerat e saj tek brezat e artistëve të rinj dhe duke u shndërruar në një shembull të përjetshëm frymëzimi. Ngushëllimet më të përzemërta familjes Zekthi, të afërmve, bashkëpunëtorëve dhe mbarë komunitetit të artistëve. Vepra dhe kujtimi i Tij do të mbeten të paharruara! ??”, shkruan Meta.
Nga ana tjetër edhe Lulzim Basha ka shprehur ngushëllimet për ndarjen nga jeta të valltarit Besim Zekthi. Në një reagim në mediat sociale, Basha shkruan se artistë si Zekthi janë ambasadorët më të mirë të Shqipërisë në botë, ata janë burim krenarie dhe frymëzimi.
“Mësova me hidhërim ndarjen nga jeta të Besim Zekthit, artistit legjendë, mjeshtrit të madh që e ngriti në majat më të larta interpretimin e valles shqiptare. Me një kontribut të jashtëzakonshëm për mbi gjysëm shekulli në Ansamblin shtetëror të Këngëve dhe Valleve, Besim Zekthi ishte njëri nga përfaqësuesit më të denjë të kulturës shqiptare në çdo skenë prestigjioze të botës. Ai u njëhsua në memorien kolektive me shqipen që fluturon e lirë, dhe kjo simbolikë e ushqente secilin prej nesh me shpresën se ditë më të mira do të vinin për kombin tonë.
Bashkëpunimet e jashtëzakonshme të Besim Zekthit me Panajot Kanaçin, Rexhep Çelikun, Lili Cingun, apo edhe me rapsodin e papërsëritshëm Dervish Shaqën i dhanë publikut shqiptar valle të papërsëritshme si “Kreshnikët e Lirisë”, “Dasma e Rugovës”, “Komitët e Lirisë”, etj. Artistë si Besim Zekthi janë ambasadorët më të mirë të Shqipërisë në botë, ata janë burim krenarie dhe frymëzimi, prandaj edhe ruajtja e trashëgimisë së tyre profesionale është detyrim për brezat e rinj që e lëvrojnë vallen, këngën dhe artin tonë burimor. Largimi prej nesh i Besim Zekthit është një dhimbje e pangushëllueshme për familjen dhe një moment trishtimi për të gjithë artdashësit. I gjendem pranë me mendimet dhe lutjet e mija familjarëve dhe miqve të tij në këtë moment të rëndë. U prehtë në paqe!”, shkruan Basha.
Mjeshtri i valles popullore, Besim Zekthi është ndarë sot nga jeta. Teatri i Operas dhe i Baletit ka njoftuar për vdekjen e Zekthi, i cili ka marrë dhe titullin nderi i kombit. Artisti i njohur ka humbur betejën me një sëmundje të rëndë në moshën 84-vjeçare.
(A.B. Dosja.al)
1 vit nga zgjedhjet e 25 prillit si e shikoni gjendjen e vendit:
TIRANË- Deputetja Rudina Hajdari, prej kohësh ka qenë në qendër të mediave për gabimet që bënte gjatë fjalimeve të saj në Kuvend. Sot e ftuar në “E diell” ...
AUSTRI- Edi Rama në cilësinë e kreut të radhës së OSBE-së, mësohet se ketë marrë një vendim për bashkëpunëtorët e tij. Sipas medias Der Strandard, Rama i ka kër...
TIRANË- Kryeministri Edi Rama ka njoftuar sot se në Bypass-in e Vlorës ka nisur procesi i asfaltimit. Në një postim në Facebook, teksa ka publikuar dhe dis...
TIRANË- Presidenti Ilir Meta ka kujtuar sot 18 –vjetorin e rikthimit të familjes mbretërore në Shqipëri. Në një postim në Facebook, Meta shkruan se rikthim...
TIRANË- Zëdhënësja e Partisë Demokratike, Ina Zhupa, ka publikuar sot disa dokumente dhe akuzon kreun e Bashkisë së Tiranë, Erion Veliaj, se do të nisë bet...
TIRANË- Koha e kufizuar por dhe ngarkesa me detyra të reja të KQZ-së së riformatuar nuk e pamundëson votën e shtetasve shqiptarë për zgjedhjet e 2021. Nënk...
TIRANË– Ish-kryeministri Sali Berisha ka paralajmëruar një vizitë të pasardhësit të tij, Edi Rama në Kosovë, pas ditë pas publikimit të aktakuzave për krim...
TIRANË– Ambasadorja e Shteteve të Bashkuara të Amerikës, Yuri Kim, ka marrë pjesë në ceremoninë e dhënies së medaljeve për Shefen e Zyrës Rajonale të Sigur...
VLORË– Pakënaqësitë gjithnjë e në rritje të qytetarëve të Vlorës ndaj administratës së bashkisë dhe kryetarit të saj Dritan Leli janë vënë në vëmendj...
TIRANË– Ish-deputeti i PD-së, Tritan Shehu ka krahasuar shifrat e të prekurve në Shqipëri me ato të Italisë, i cili ishte një nga vendet më të “...
