Aktualitet

SQARIM/ Makina me ndihma s’shkoi në zyrën e Lleshajt, por në magazinën e SHÇBA

Dosja.al i botoi këto dy video duke cituar si burim AMT-në, e cila shtonte se qeset ishin me logon e Fundjavës Ndryshe dhe nga punonjësi që po shkarkonte makinën thuhej se ishin provat materiale.
Featured image of article: SQARIM/ Makina me ndihma s’shkoi në zyrën e Lleshajt, por në magazinën e SHÇBA Ndihmat për tërmetin tek Minsitria e Brendshme

TIRANË- Aleanca për Mbrotjen e Teatrit sot ka publikuar dy video, në të cilat shkruante se ishin ndihmat e të prekurve nga tërmeti i 26 nëntorit po shkarkoheshin tek Minsitria e Brendshme.

Dosja.al i botoi këto dy video duke cituar si burim AMT-në, e cila shtonte se qeset ishin me logon e Fundjavës Ndryshe dhe nga punonjësi që po shkarkonte makinën thuhej se ishin provat materiale. Shërbimi për Çështjet e Brendshme dhe Ankesat, në Minsitrinë e Brendshme ka reaguar pas këtij lajmi dhe shprehet se nuk është i vërtetë.

Sipas tyre qeset kanë qenë provat materiale të çëshjes në ngarkim të policit, Altin Zekaj, i cili vodhi ndihmat dhe të gjitha materialet do depozitohen në zyrat e ShÇBA që janë në ambientet e ministrisë. Dosja.al në respekt të lexuesve u kërkon ndjesë të gjithëve për publikimin e një lajmi të pavertetë, që u shpërnda përmes kanaleve tona të komunikimit.

SQARIMI I PLOTË

Lidhur me pamjet filmike të publikuara në rrjete sociale e më pas në disa media online, ku shfaqen punonjës të Shërbimit për Çështjet e Brendshme dhe Ankesat (SHÇBA) që shkarkojnë disa pako, sqarojmë se: Pakot me ndihma janë prova materiale të sekuestruara në operacionin e datës 28.11.2019, ku u arrestuan në flagrancë 2 punonjës policie, 1 punonjës i Shërbimit Zjarrfikës, si edhe u proceduan penalisht 2 shtetase për veprat penale të “Mashtrimit” dhe “Shpërdorimit të detyrës”.

Procedimi i shtetasve të mësipërm u krye pas hetimeve të zhvilluara në lidhje me publikimin e një video në media, ku shfaqeshin pamje të transportimit e përvetësimit të një sasie të konsiderueshme pakosh ushqimore (të sekuestruara në cilësinë e provës materiale) të destinuara për banorët e prekur nga situata e tërmetit.

Me urdher te Prokurorise, të gjitha provat materiale të sekuestruara gjatë këtij operacioni janë magazinuar pranë magazinës së Drejtorisë së Përgjithshme të SHÇBA-së, ku është mbajtur proces-verbali përkatës.

Drejtoria e Pergjithshme e SHÇBA, e cila po heton rastin konkret i ka zyrat në godinën e Ministrisë së Brendshme.  SHÇBA apelon mediat të kontaktojne per te marre informacion zyrtar per lajme qe lidhen me Sherbimin, per te shmangur dizinformimin e qellimshem te publikut. SHÇBA fton qytetarët dhe mediat te denoncojne çdo rast abuzimi, duke vene ne dispozicion numrin falas 0800 90 90.

(A.B. Dosja.al)

Shto Koment