PAMJE TË RËNDA nga Podujeva/ I plagosuri tenton të ngrihet, autori me armë në dorë e godet me grushte, polici e ne...
Tensionet para Kuvendit, Balla sulmon protestuesit: Mbeturina sociale dhe politike 2 Korrik, 12:37 Berisha: Përgjaket pr...
Mazhoranca miraton ndryshimet në ligjin për SHISH, opozita bojkoton seancën 2 Korrik, 12:24 "Në tubime ka...
Çfarë po ndodh? Deputeti i PS tenton të shkojë drejt Kuvendit nga qendra tregtare, por gjen dyert e mbyllura 2 Korrik, 0...
• Të shtëna me armë zjarri janë raportuar mesditën e kësaj të enjte në qendër të Podujevës, ku si pasojë katër persona kanë mbetur të plagosur. • Pas të shtënave, efektivët e policisë kanë mbërritur menjëherë në vendin e ngjarjes, ndërsa fillimisht u raportua për tre persona të plagosur, të cilët u dërguan në Qendrën Klinike Universitare të Kosovës (QKUK) për trajtim mjekësor, por më pas bilanci u rëndua në katër të plagosur. • Drejtori i Klinikës së Emergjencës në QKUK, Naser Syla, bëri të ditur se të plagosurit kanë plagë të rënda, por gjendja e tyre është stabile dhe po iu nënshtrohen kontrolleve dhe ekzaminimeve të nevojshme mjekësore. • Sipas mediave të Kosovës, të përfshirë në ngjarje janë Fidaim Zejnullahu, Fatlum Zejnullahu, Agim Xhemaji dhe Argjend Islami, ky i fundit kalimtar i rastit. • Ndërkohë, drejtori i Drejtorisë Rajonale të Policisë në Prishtinë, Basri Shabani, deklaroi se tre prej të plagosurve kanë qenë të përfshirë drejtpërdrejt në incident, ndërsa personi i katërt dyshohet se ishte kalimtar i rastit. • Konkretisht të përfshirë në ngjarje janë daja me nipin, si dhe një familjar i tyre. • Pamjet e publikuara nga vendi i ngjarjes tregojnë momentin kur të plagosurit ndodhen të shtrirë në tokë. • Në video shihet se njëri prej tyre tenton të ngrihet, ndërsa autori, me armë në dorë, i afrohet dhe e godet me grushte dhe shqelma. • Në ato çaste ndërhyn një efektiv i policisë, i cili arrin ta neutralizojë autorin dhe më pas ta vërë në pranga. • Shkaqet e ngjarjes nuk janë bërë ende të ditura plotësisht, ndërsa policia ka nisur hetimet për zbardhjen e plotë të rrethanave të ngjarjes.
5 artikuj për këtë temë.
PODUJEVË- Detaje të reja janë zbardhur nga plagosja e katër personave në Podujevë. Bëhet me dije se të përfshirët në plagosje janë daja me nipin, si dhe një familjar i tyre, që janë Fidaim Zejnullahu, Fatlum Zejnullahu, Agim Xhemaji dhe Argjend Islami, ky i fundit kalimtar i rastit.
Sipas mediave të Kosovës, nipi ishte emigrant, ndërsa motivi i sulmit dyshohet të jetë një mosmarrëveshje e mëhershme. Ndërkohë, të plagosurit janë dërguar në Qendrën Klinike Universitare të Kosovës (QKUK), ku po marrin trajtimin e nevojshëm mjekësor.
Prokuroria ka bërë të ditur se, në koordinim me Policinë e Kosovës, po vazhdon ndërmarrjen e të gjitha veprimeve hetimore për sqarimin e plotë të rrethanave të kësaj ngjarjeje./Dosja.al
PODUJEVË- Pamje tronditëse vijojnë të dalin nga plagosja me armë zjarri në Podujevë, ku katër persona mbetën të plagosur. Në pamje shihet momenti kur të plagosur janë të shtrirë në tokë dhe njëri prej tyre tenton të ngrihet, por autori me armë në dorë e godet me grushte dhe shqelma. Në këto momente ka ndërhyrë një efektiv policie, i cili e ka neutralizuar autorin dhe më pas është vënë në pranga.
Sipas informacioneve paraprake, dyshohet se autori dhe tre nga të plagosurit janë familjarë, ndërsa i plagosuri i katërt dyshohet se është kalimtar i rastit. Megjithatë ende nuk dihen shkaqet e plota të kësaj ngjarjeje, ndërkohë policia po punon për zbardhjen e plotë të plagosjes./Dosja.al
PODUJEVË- Pamje të rënda janë publikuar nga të shtënat me armë zjarri në qendër të Podujevës, ku si pasojë katër persona kanë mbetur të plagosur. Në pamje shihet momenti kur të plagosurit janë të shtrirë në mes të rrugës dhe policia ndodhet në vendin engjarjes.
Mediat e Kosovës bëjnë me dije se tre nga të plagosurit janë: F. Zejnullahu rreth 36 vjeç, A. Xhemajli, dhe A.Islami 25 vjeç. Të lënduarit janë dërguar për trajtim në Qendrën Klinike Universitare të Kosovës (QKUK). Drejtori i Klinikës Emergjente në QKUK, Naser Syla, ka deklaruar se të gjithë të lënduarit janë të moshës së mesme dhe po iu nënshtrohen ekzaminimeve të nevojshme mjekësore.
Gjithashtu drejtori i Drejtorisë Rajonale të Policisë në Prishtinë, Basri Shabani, ka bërë të ditur se tre prej të plagosurve kanë qenë të përfshirë drejtpërdrejt në incident, ndërsa njëri prej tyre është kalimtar i rastit./Dosja.al
KOSOVË- Katër persona kanë mbetur të plagosur nga të shtënat me armë zjarri në qendër të qytetit të Podujevës. Zëdhënësi i Policisë së Kosovës, Enis Pllana, tha se të plagosurit janë dërguar në spital për trajtim mjekësor. Ndërkohë bluzat e bardha kanë deklaruar se të plagosurit kanë plagë të rënda, por momentalisht gjendja e tyre është stabile.
Konkretisht të shtënat u raportuan në orën 13:30 të së enjtes. Drejtori i Klinikës së Emergjencës në QKUK, Naser Syla, ka bërë me dije se aktualisht të plagosurit po iu nënshtrohen kontrolleve të nevojshme mjekësore. Policia gjithashtu shtoi se po ndërmerr veprime hetimore për të sqaruar rrethanat e plota kësaj ngjarjeje./Dosja.al
TIRANË- Të shtëna me armë zjarri janë raportuar mesditën e kësaj të enjte në qendër të Podujevës. Si pasojë e të shtënave, tre persona kanë mbetur të plagosur, të cilët janë dërguar në spital për ndihmë mjekësore. Ndërkohë policia ndodhet në vendin e ngjarjes dhe po punon për zbardhjen e plotë të plagosjes.
“Rreth orës 13:30, është pranuar informata për të shtëna me armë zjarri në Podujevë. Policia ka dalë menjëherë në vendin e ngjarjes dhe nga informacionet e para dyshohet se tre persona janë plagosur dhe të njëjtit janë dërguar në QKUK, për trajtimin e nevojshëm mjekësor“, thuhet në njoftimin e Policisë./Dosja.al
