Protestë masive kundër projektit në Zvërnec/ Qytetarët para Kryeministrisë thirrje kundër qeverisë: Rama të japë dorëheqjen (PAMJET)
Protesta vijon, qytetarët shpalosin flamurin masiv kuq e zi në bulevard: Rama ik 4 Qershor, 21:28 Betejë pa li...
Protesta vijon, qytetarët shpalosin flamurin masiv kuq e zi në bulevard: Rama ik 4 Qershor, 21:28 Betejë pa li...
"Rama do organizojnë antimiting në Vlorë", Balla i përgjigjet Berishës: Kemi festën e PS, por ti nuk je i ftuar! ...
Ish-ushtarak dhe njohës i armëve/ Kush është Violand Braçellari, 43-vjeçari që vrau një polic e...
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
KOSOVË– Familjarëve të pacientëve me COVID-19, të cilët janë të shtrirë në klinikat e Shërbimit Spitalor Klinik dhe Universitar të Kosovës (SHSKUK), vazhdimisht u kërkohet që të blejnë ilaçet për trajtimin nga koronavirusi.
Samir Fejziu, nëna e të cilit është e shtruar në Klinikën e Pulmologjisë, thotë për Radion Evropa e Lirë, se pavarësisht se është thënë që kjo klinikë ka medikamentet e duhura, ata po detyrohen që të blejnë ilaçet që mungojnë.
“E kam nënën këtu, është post-COVID. Me COVID-19 e kam pas edhe babanë dhe nënën, e na ka kushtuar (shërimi) shumë. Në fillim nga gjashtë infuzione, disa i kanë pasur, por shumicën nuk i kanë pasur, është dashur të blihen”, tregon Fejziu.
Në Klinikën e Pulmologjisë në Qendrën Klinike Universitare të Kosovës, aktualisht po trajtohen rreth 25 pacientë të prekur nga sëmundja COVID-19, që e shkakton koronavirusi i ri.
Rifat Aliu, nga fshati Qylagë në Komunën e Lipjanit, thotë se nuk e di se cilat medikamente i ofron kjo klinikë, por siç shprehet ai, vazhdimisht ka kërkesa nga personeli shëndetësor, që të blihen barna.
“Unë nuk jam profesionist që t’ua di emrat medikamenteve, por shumicën i blejmë vetë. Nuk e di këtu çka ka, veç këtyre infuzioneve që i japin, të tjera barna nuk e di çka ka”, shprehet ai.
Drejtori i Klinikës së Pulmologjisë, Musa Hoxha, tha për Radion Evropa e Lirë se gjatë fundjavës, ka pasur mungesë të disa barnave, përfshirë edhe të vitaminës C.
“Do të thotë, vetëm vitamina C ampula nuk ka. Ciprofloxacin (antibiotik që përdoret për një sërë infeksionesh bakteriale) deri të premten nuk ka pasur. Të premten ka ardhur, por zëvendësuesi i tij ka qenë”, tha Hoxha.
Ndërkaq, drejtori i Shërbimit Spitalor Klinik Universitar të Kosovës, Valbon Krasniqi, shpjegoi për Radion Evropa e Lirë se shumë barna që përdoren kundër koronavirusit, spitalet i kanë.
“Sa i përket barnave anti-COVID, me përjashtim të atyre barnave që kam deklaruar edhe më herët, të tjerat janë. Disa vitamina në formë tablete nuk ka pasur ofertues asnjëherë nga asnjë kompani. Pra, nuk kanë sjellë oferta. Ndërkaq, në forma të ampulave të vitaminave, atyre që vendosen në infuzione, janë të disponueshme”, tha Krasniqi.
“Po ashtu, edhe barnat anti-virale janë. Remdesiviri nuk është arritur të sigurohet nga ana e Ministrisë së Shëndetësisë. Favipiravirin dhe të tjerat i kemi. Ciprofloxacin kemi marr një donacion të vogël, derisa të lidhet kontrata, pasi që e dini që është në organin shqyrtues në OSHP (Organi Shqyrtues i Prokurimit), për shkak të ankesave të kompanive lidhur me këto procedura. Në ndërkohë, barnat e tjera i kemi në dispozicion”, shtoi ai.
Sa i përket spitaleve rajonale, ai i Prizrenit “Prim.Dr.Daut Mustafa”, sipas drejtuesve të SHSKUK-së, është më i ngarkuari me pacientë me koronavirus.
Zyrtari për informim në këtë spital, Shefajet Berisha, as nuk e ka mohuar e as pohuar se ka mungesë të ilaçeve për trajtimin e të sëmurëve me COVID-19.
“Ne si spital bëjmë kërkesa të vazhdueshme nga kërkesat që vijnë prej shefave të njësive për barna dhe shërbime dhe ato kërkesa, ne në mënyrë të përhershme i përcjellim në SHSKUK. Pastaj varet prej kompanive që bëjnë furnizimin përmes barnatoreve qendrore të SHSKUK-së”, tha Berisha.
Qytetarëve të Kosovës, mjekimi nga COVID-19 po iu kushton me qindra euro.
Kosova vazhdon të jetë ende i vetmi vend në rajon, i cili nuk ka arritur të sigurojë asnjë lloj të vaksinës kundër koronavirusit.
Vaksinën e AstraZenecas dhe Oxford-it, Kosova pritet ta marrë falas përmes programit të Organizatës Botërore të Shëndetësisë, COVAX, që ka për qëllim të shpërndajë vaksina në vende të varfra.
Marrë nga REL
(kle.mu./dosja.al)
1 vit nga zgjedhjet e 25 prillit si e shikoni gjendjen e vendit:
KOSOVË– Ministrja në detyrë e Punëve të Jashtme të Kosovës, Meliza Haradinaj – Stublla ka dhënë dorëheqje nga posti si dhe nga të gjitha funksionet në part...
Qendrat për Kontrollin dhe Parandalimin e Sëmundjeve në SHBA thanë se amerikanët e vaksinuar plotësisht kundër koronavirusit, mund t’i kthehen një niveli të nor...
Pandemia e koronavirusit vijon të përhapet me ritme të shpejta në të gjithë botën. Deri më tani në rang global janë shënuar 117,765,145 raste të infektuara, ku...
Për shkak të pandemisë Covid-19, UNICEF-i mendon se në të gjithë botën mund të lidhen rreth dhjetë milion martesa me të mitur dhe të mitura. Në analizën e UNICE...
SHBA– Tani të gjithë të interesuarit dhe shumë të tjerë, dëgjuan variantin “Meghan” të historisë. Sipas saj dukesha e Sussex-it dhe i shoqi, P...
Dhoma e Përfaqësuesve e Kongresit amerikan do të marrë për shqyrtim brenda së mërkurës versionin e paketës stimuluese prej 1.9 trilionë dollarësh të miratuar ng...
Paneli Zgjedhor për Ankesa dhe Parashtresa anuloi në tërësi votat për subjektet politike boshnjake në komunat e banuara me shumicë serbe, në Zubin Potok, Shtërp...
“Google Images” i jep fytyrë botës: Kush do të shohë si duket ai apo ajo do të futet në kërkim në google njëherë. Një hulutim i Deutsche Welles arri...
GREQI- Është tensionuar situata sot në mbrëmje para Fakultetit Filozofik të Universitetit Aristoteli të Selanikut.Një skuadër speciale e policisë u përpoq ...
GREQI– Pamje mbresëlënëse u regjistruan nga fenomeni i baticës që ndodhi në fundjavë, në Kavuri të Greqisë. Deti u tërhoq, duke lejuar banorët të ecin nga plazh...
