Aktualitet

Opozita 4 orë flakë e tym/ 5 policë të plagosur dhe 2 gazetarë, 20 të shoqëruar në komisariat

  • Rama: Solidaritet me policët, parti të verbuara në rrugën e vetëshkatërrimit
  • Tubimi para Kryeministrisë, protesta transmetohet ‘live’ në mediat e huaja
  • Basha para protestuesve: Po bie muzgu i zi për bandat, të largojmë qeverinë e krimit
  • Tensionet në protestën e opozitës, Presidenti Meta: Ruani qetësinë
  • Ndodh edhe kjo, protestuesi urinon tek kryeministria (Foto)
  • Pas Kiri Hajdarit, tubimit i bashkohet edhe djali i Sokol Olldashit
  • Lleshaj: Pasojë e ethes për pushtet të një grupi të papërgjegjshëm
  • Shashka dhe flakadanë hapën protestën e opozitës. Fillimisht protesta nisi tek kryeministria. Pas fjalës së liderit Basha, turma u nis drejt Parlamentit. Një makinë dhe një kioskë e djegur. Mes përplasjeve, policia hodhi disa herë gaz lotsjellës. 7 të plagosur, 2 gazetar dhe 5 policë. Pas protestës, policia shoqëron 20 protestues.
    Përditësuar:

    TIRANË–Për 4 orë, mes shashkave, flakadanëve dhe gazit lotsjellës, opozita ka zhvilluar protestën e nëntë e opozitës kundër qeverisë. Qytetarët qëlluan me qumësht, domate, bojë dhe lulelakër ndaj godinës së Kryeministrisë. Pas fjalës së liderit të PD, Lulzim Basha i cili tha se qytetarët dhe opozita janë shumica absolute, mbështetësit e PD, kanë çarë kordonin e policisë duke ‘pushtuar’ shkallët e Kryeministrisë. Nënkryetari i PD, Edi Paloka njoftoi turmën që të zhvendosej tek Kuvendi. Tek Kuvendi, policia hodhi gaz lotsjellës. Nga përplasja mes policisë dhe turmës, u plagosën 5 policë dhe 2 gazetarë. Arben Dajçi është transportuar në spital dhe është fotografuar i gjakosur. Protesta u mbyll nga Lulzim Basha në selinë e PD, ku u tha se protestuesit e kanë vulosur largimin e Ramës. Mbi 1500 policë u angazhuan për të siguruar mbarëvajtjen e protestës. Gjatë protestës, Presidenti Ilir Meta bëri thirrje për protestë të qetë dhe paqësore. Kryeministri Edi Rama e quajti protestën të turpshme për dy parti që sipas tij kanë marrë fundin.

    ZHVILLIMET ORË PAS ORE:



    Ora 22:30-Basha heq nga puna tenorin? Përvishet para demokratëve dhe e këndon vetë himnin: Rreth flamurit…

    Kryetari i Partisë Demokratike, Lulzim Basha ka mbyllur pas 4 orësh protestën e zhvilluar ditën e sotme, ndërkohë që spikati në përfundim të fjalës së tij, fakti se kryedemokrati e këndoi vetë himnin kombëtar.

    Kryedemokrati Lulzim Basha

    Në ndryshim nga herët e tjera, kur Basha ka patur në krah të tij një tenor për të kënduar himnin, i cili merrte ‘përsipër’ shkëlqimin e PD, sonte kryedemokrati e këndoi vetë.

    Ora 22:20- Rama ironizon protestën e opozitës: Nuk ishte e madhe, por e turpshme për PDLSI

    Kryeminsitri Edi Rama ka reaguar në përfundim të proptestës së opiztyës, duke thënë se ky nuk ishte një tubim i madh. Sipas tij nëse kjo ishte një protestë e madhe, atëherë filxhani është shekencë dhe Saliu është astronom.

    Ora 22:19- Basha mbyll protestën: Më e madhja në histori, keni vulosur largimin e Ramës

    TIRANE– Pas 4 orësh protestë, kryetari i PD, Lulzim Basha, ka mbledhur qytetarët dhe mbështetësit e opozitës tek selia e PD. Ndryshe nga sa pritej, se protestuesit e opozitës të qëndronin mbrëmjen e sotme në protestë, siç ka bërë edhe në 8 protestat e mëparshme, Basha ka mbyllur protestën sot nga selia blu. Basha tha se kjo protestë do të sjellë lindjen e lirisë europiane.

    Lulzim Basha, kryetar i PD

    Ora 22:10- Flamur Noka mbyll protestën, Basha udhëheq turmën drejt selisë blu

    Opozita mesa duke po i jep fund protestës për ditën e sotme. Burime nga Partia Demokratike bëjnë me dije se protestuesit po marshojnë drejt selisë blu.

    Ndërkohë ish-deputeti i PD-së, Flamur Noka i pyetur nga gazetarët është shprehur: Po nisemi drejt selisë demokrate. Besoj se për sonte u mbyll.

    Lulzim Basha dhe grupi i protestuesve

    Ora 22:00- Gjakoset fotoreporteri, gazetares i bie të fikët nga gazi lotsjellës

    Nga përplasjet i lënduar ka mbetur fotoreporteri Arben Dajçi, ndërsa gazetarja e “Tema TV” ka humbur ndjenjat teksa raportonte live.

    “Gjithë jetën më ka ba fotografi sonte i bana unë. Pasi u godit nga policia duke krye detyrën e tij të fotorepoeterit,”-shkruan njëri prej protestuesve.

    Fotoreporteri dhe gazetarja e lënduar në protestë

    Ora 21:52- Makina shpërtheu në flakë, PD: Se dogjën protestuesit, por policia 

    Partia Demokratike ka reaguar pas makinës që u dogj mbrëmjen e sotme në protestën e PD. PD thotë se nuk janë protestuesit e opozitës ato që i vunë flakën makinës. PD shton se makina u dogj nga vetë policia për të fajësuar protestuesit.

    Makina duke u djegur

    Ora 20:55- Balla për protestën e opozitës: Duan të destabilizojnë vendin

    Kreu i Grupit Parlamentar të PS, Talant Balla ka reaguar për protestën e opozitës. Në një reagim në mediat sociale, Balla shkruan se protesta në Shqipëri është organizuar nga politikanë të korruptuar

    Çfarë koincidence sot? Në të njëjtën orë 18.00 protesta u organizua në Tiranë, Beograd dhe Mal të Zi. Në Shqipëri janë protesta të qarta të organizuara nga disa politikanë të korruptuar kundër Reformës së Drejtësisë, duke u përpjekur të dëmtojnë hapjen e negociatave të anëtarësimit të Shqipërisë në BE”, shkruan Balla.

    Postimi i Taulant Ballës në Twitter

    Ora 21:40- Veliaj: Solidaritet me policët e plagosur, qytetarët e Tiranës nuk e duan dhunën

    Kryebashkiaku Erion Veliaj ka reaguar në rrjetet sociale ndërkohë që përballë parlamentit protestuesit i kanë vënë flakën një makine. Në një status në Twitter, Veliaj shkruan se Tirana njëherë në 30 ditë pret ekskursion dhune.

    Statusi i kryebashkiakut Erion Veliaj

    Ora 21:20- Spiropali: Të verbuar nga humbja, ngushëlloni me mesazhin e Berishës

    Ministrja për marrëdhëniet me parlamentin, Elisa Spiropali ka reaguar me anë të një statusi në Twitter, ndërkohë që opozita zhvillon protestën përpara parlamentit. Spiropali i përshkruan opozitarët si të verbuar nga dëshpërimi prej humbësish.

    Statusi i Spiropalit në Twitter

    Ora 21:00- Berisha: Tirana është kryeqyteti i botës për protesta, Rama do ketë fundin e juntës

    Ish-kryeministri Sali berisha ndodhet sot në protestën e organizuar nga opozita. Gjatë marshimit të protestuesve drejt Parlamentit, Berisha foli për mediat ku theksoi se Rama nuk ka shpëtim dhe se sipas tij do të ketë fundin e juntës.

    Ish-kryeministri Sali Berisha

    Ora 20:45- Lleshaj: Pasojë e ethes për pushtet të një grupi të papërgjegjshëm

    Ministri i Brendshëm, Sandër Lleshaj ka reaguar për protestën e opozitës duke thënë se janë goditur punonjësit e Policisë. Në një reagim në mediat sociale Lleshaj shkruan se plagosja e policëve është turp dhe shkelje e madhe e ligjit.

    Statusi i Lleshajt në Twitter

    Ora 20:50-Kryemadhi: Policët u dhunuan nga njerëzit e Ramës, u kap me presh në duar duke blerë vota

    Kryetarja e LSI, Monika Kryemadhi, tha se Rama duhet të largohet pasi sipas saj, kryeministri ka vendosur taksë edhe me lopët, duke dështuar në çdo aspekt të qeverisjes. Kryetarja e LSI tha se Rama është kapur duke blerë vota e ndaj duhet të largohet.

    Ora 20:27- Rama: Solidaritet me policët, parti të verbuara në rrugën e vetëshkatërrimit

    Kryeministri Edi Rama ka reaguar pas protestës së opozitës ku janë plagosur 5 policë dhe 1 gazetar. Rama shkruan se ka solidaritet për të gjithë efektivët e policisë që janë të detyruar të përballen me këtë politikë. Kryeministri i quan parti të verbuara “PD dhe LSI” që janë duke marshuar në rrugën e vetëshkatërrimit.

    Ora 19:54- PD i përdrori këngët në protestë, vokalisti i “Troja”: Në pushtet festojnë me Çiljetën

    Vokalistii grupit “Troja”, Bujar Berisha, me anë të një postimi në Facebook shkruan se këngët e tij po përdoren pa leje në protestën e opozitës. Vokalisti i grupit “Troja” ka theksuar se partitë politike në Shqipëri dhe Kosovë kur janë në opozitë përdorin këngët e këtij grupi, por kur marrin pushtetin festojnë me Çiljetën dhe me Medën.

    Ora 19:53- Me çadër në dorë, Sali Lushaj në krye të protestës 

    Ish-truproja e ish-kryeministrit Sali Berisha, Sali Lushaj ndodhet në protestën e organizuar nga Partia Demokratike, përpara kryeministrisë dhe parlamentit. Siç shihet edhe në foton e mëposhtme, Lushaj është me çadër në dorë i pranishëm në protestën kundër qeverisë Rama.

    Sali Lushaj në protestë

    Ora 19:34-  Paloka: Të mos largohet askush, marshoni drejt Parlamentit

    Ish-deputeti i Partisë Demokratike u ka bërë thirrje protestuesve që të mos largohen. “Të gjithë pas kryetarit. Do të marshojmë drejt Parlamentit. Askush të mos largohet,”– dëgjohet teksa thotë Paloka.

    Ora 19:32- Ndodh edhe kjo në protestë, protestuesi urinon tek kryeministria 

    Një tjetër episod ka ndodhur në protestën e opozitës para kryeministrisë. Menjëherë pasi protestuesit çanë kordonin dhe u ngjitën tek hyrja e kryeministrisë, një prej tyre është afruar tek dera dhe siç shihet në foto ka urinuar tek dera e kryeministrisë.

    Ora 19:31- Tubimit të opozitës i bashkohet edhe djali i Sokol Olldashit

    Mes protestuesve të opozitës në shesh ishte edhe një personazh i ri. Bëhet fjalë për djalin e ish-deputetit të PD-së, Sokol Olldashit, i cili u nda nga jeta disa vite më parë.

    Glauk Olldashi në protestë

    Ora 19:24- Policia thirrje organizatorëve të protestës: Kapsollat rrezikojnë jetën tonë, zmbrapsuni

    Policia e Shtetit u ka bërë thirrje protestuesve që të ruajnë qetësinë. Ndërkohë që është çarë kordoni i efektivëve dhe protestuesit ndodhen në derën e kryeministrisë, autoritetet me anë të një njoftimi zyrtar u kanë bërë thirrje organizatorëve të protestës që të përmbajnë protestuesit.

    Ora 19:23- Tensionet në protestën e opozitës, Presidenti Meta: Ruani qetësinë

    Presidenti Ilir Meta, ka reaguar për protestën e opozitës duke bërë thirrje qytetarëve që të ruajnë qetësinë. Në një njoftim për mediat, Meta bën apel që protesta të vijojë paqësore.

    Ora 19:20- Protesta transmetohet ‘live’ në mediat e huaja

    Opozita ka nisur protestën e 9-të kundër qeverisë së kryeministrit Edi Rama. Protesta e nisur prej një ore është transmetuar edhe në mediat e huaja.“Live” tubimi është transmetuar nga Balkan Insight, Zëri i Amerikës dhe nga Euronews.

    Ora 19:20-Protesta e opozitës, protestuesit çajnë kordonin dhe përplasen me policinë (Foto)

    Pas përfundimit të fjalës së kryetarit të PD, tensionohet situata në protestën e opozitës. Mbështetësit e PD dhe LSI kanë çarë kordonin dhe janë ngjiture tek hyrja e kryeministrisë. Ata kanë shtyrë policinë dhe kanë shkatërruar gardhin metalik që rrethonte kryeministrinë.

    Protestuesi duke care kordoninOra 19:15- Protesta e opozitës, protestuesit çajnë kordonin dhe përplasen me policinë Tensionohet situata në protestën e opozitës. Mbështetësit e PD dhe LSI kanë çarë kordonin dhe janë ngjiture tek hyrja e kryeministrisë. Ata kanë shtyrë policinë dhe kanë shkatërruar gardhin metalik që rrethonte kryeministrinë.
    Ora 19:00- Basha para protestuesve: Po bie muzgu i zi për bandat, të largojmë qeverinë e krimit

    Kryetari i PD, Lulzim Basha ka mbajtur fjalën para qytetarëve në protestë. Kryetari i PD tha se qeveria Rama duhet të largohet një orë e më parë. Kryedemokrati paralajmëroi se protesta do të vijë kur tha “po bie muzgu i zi për bandën”.

    Për më shumë bëhu pjesë e grupit më viral në Facebook, Dosja.al

    Ora 18:41- U lidh me flamurin e PD në fytyrë, protestuesi humb ndjenjat, dyshohet se ishte i dehur

    Një nga protestuesit e opozitës ka humbur ndjenjat. Ai ishte duke u ekzaltuar dhe duke shprehur mbështetjen për Partinë Demokratike në momentin kur humbi ndjenjat.

    Protestuesi që humbi ndjenjat

    Protestuesi lidhi flamurin e PD në fytyrë dhe bënte thirrje: Rama ik!.

    Ora 18:31- Protestuesit e opozitës qëllojnë me domate, qumësht dhe lakër kryeministrinë

    Protestuesit e opozitës kanë nisur që të qëllojnë kryeministrinë me domate. Këta mbështetës të PD me domate në duar kanë goditur godinën e kryeministrisë, ku nuk mungon boja, kapsollat dhe tymueset.

    Boja mbi Kryeministri

    Ora 18:28 Opozita proteston para Kryeministrisë, Policia ‘blindon’ dhe Kuvendin

    Nga fotot e siguruara nga Dosja.al shihet se dhe Kuvendi është i rrethur me hekura dhe më efektivë që janë në gadishmëri.

    Policia rrethon Kuvendin

    Ora 18:23- Rama ik!’ Mbishkrimi i të rinjve të LRI-së me material fosforeshent 

    Të rinjtë e LRI-së mbajnë veshur bluzave një mbishkrim me material fosforeshent. Në mbishkrim shkruhet “Rama ik”.

    Mbishkrimi i të rinjve të LRI

    Ora 18:10- FOTO-Lajm, mbështetësit e PD me pankarta në duar kërkojnë rrëzimin e qeverisë, njëri prej tyre i veshur si grabitës

    Të rinjtë e FRPD kanë krijuar disa pankarta që kanë në thelb ngjarjet e fundit politike në Shqipëri.  Dosja.al ka siguruar një foto të njërit prej të rinjve që është i veshur si grabitës, marrë shkas nga grabitja spektakolare në Rinas, ku u morën 10 mln euro.

    I riu i veshur si grabitës

    Ora 17:45- PD-ja shpërndan çadra me mbishkrimin “Rama ik”

    Potestuesit janë pajisur pothuajse të gjithë me çadra me mbishkrimin “Rama ik”. Dosja.al mëson se çadrat janë shpërndarë nga selia blu. Ndërkohë protesta sapo ka nisur dhe protestuesit po marshojnë drejt kryeministrisë.

    Protestuesit me çadra “Rama ik”

    Ora 16:51- Policia jep leje deri në mesnatës

    Policia i ka dhënë leje opozitës që të protestojë para Kryeministrisë. Leja e opozitë mbaron deri në orën 23:59.

    Ora 16:02- Nisen demokratët e Shkodrës, policia kontroll të imtësishëm autobuzëve dhe mjeteve 

    Dhjetëra autobuzë dhe automjete të nisura nga Shkodra janë kontrolluar nga policia në mënyrë të imtësishme. 

    Ora 15:35- Berisha jep detaje: 200 mijë protestues para Kryeministrisë!

    Ish-kryeministri Sali Berisha ka paralajmëruar një pjesëmarrje të madhe qytetarësh në protestën e sotme të opozitës.

    Ora 15:26- Protesta e opozitës/ Qytetarët kuksianë zbarkojnë në Tiranë

    Qindra kuksianë dhe mbështetes te PD janë nisur drejt Tiranës për t’iu bashkuar thirrjes së Lulzim Bashës për ti dhënë goditjen e fundit fatale të qeverisë së kryeministrit Rama.

    Ora 15:15- Luan Baçi: Drejtuesit e automjeteve po kërcënohen me gjoba 5 milionëshe

    Ish-deputeti i Partisë Demokratike Luan Baçi, denoncon se drejtuesit e automjeteve që transportojnë protestuesit drejt Tiranës janë kërcënuar deri në gjoba 5 milionë lekëshe.

    Ora 15:05- Protesta/ Mbështetësit shkodranë i bashkohen opozitës, nisen drejt Tiranës

    Kryetari i PD Shkodër, Xhevdet Amuli tha se Shkodra çdo here ka qenë në krye të protestave, duke shtuar se ka 1001 arsye për të protestuar.

    Ora 14:49- Mbështetësit nga rrethet nisen drejt Tiranës

    Burime bëjnë me dije se nga qyteti i Vlorës, janë nisur rreth 2000 veta. Sipas kreut të PD-së Vlorë, Genc Deromemaj, janë rreth 2000 mbështetës të PD nga bashkia Vlorë dhe Selenicë që do t’i bashkohen protestës së opozitës në Tiranë. Ndërsa, organizimi është bërë me mjete private dhe autobuza. Ndërsa, nga Dibra janë nisur rreth 2000 qytetarë; nga Bulqiza 900 protestues.

    Ora 14:02- Çollaku: Sot një natë që do të kujtohet gjatë

    Kreshnik Çollaku, kryetar i Departamentit Politikes së Jashtme në PD, ka parlajmëruar se sot do të jetë një natë e gjatë. “Gjithë Shqipëria drejt Tiranës, sot një natë që do të kujtohet gjatë”, shprehet ai.

    Ora 13:56- Artistët e Teatrit Kombëtar i bashkohen protestës: S’ka për të fituar më mafia në zgjedhje

    Protestës së opozitës, e cila do të zhvillohet afër mbrëmjes së sotme, në orën 18: 00, u janë bashkuar edhe artistët e Teatrit Kombëtar, si Rudi Erebara dhe regjisori Robert Budina. Pjesëmarrjen e tyre në protestë, artistët e bëjnë me dije me anë të postimeve në Facebook.

    Ora 13:51- Protesta e opozitës/ Mbështetësit  nga rrethet nisen drejt Tiranës

    Ndërsa na ndajnë vetëm pak orë nga protesta e opozitës e parashikuar për t’u mbajtur në orën 18:00 pranë Kryeministrisë, vijojnë të nisen protestues nga qytet të ndryshme.

    Ora 13:50Protesta, policia dhe zjarrfikëset në gatishmëri nr 1

    Foto nga policia në gadishmëri

    Dosja.al mëson se për shkak të protestës të opozitës është urdhëruar gjendja e gatishmërisë edhe në repartin e Zjarrfikëseve. Ndërkohë në gatishmëri numër 1 do të jetë sot edhe Garda dhe Policia e Shtetit.

    Ora 13:42- Rreth 2000 qytetarë nisen nga Gjirokastra dhe Korça

    Rreth 2000 qytetarë janë nisur nga Gjirokastra dhe Korça për të marrë pjesë në protestën pra Kryeministrisë.

    Ora 12:51-Protesta/ Balliu: Do ketë surpriza, kjo e sotmja një revoltë, një uragan

    Ish-deputeti i PD-së Klevis Balliu ka deklaruar për protestën e sotme se do të ketë supriza. Ai ka theksuar se kjo e sotmja do të jetë një uragan, i cili në histori do të njihet si, shkatërrimi i sistemit komunist, i drejtuar nga bijtë e komunistëve.

    Ora 12:42: Protesta, Rama shtyn papritur vizitën në Katar

    Kryeministri Edi Rama ka shtyrë për të hënën vizitën e tij për në Katar. Dosja.al mëson se ky vendim është marrë për shkak të informacioneve se mund të ketë përplasje në protestë. Informacion që nuk e ka vetëm SHISH por dhe policia, edhe Trupi Diplomatik.

    Ora 12:31: 6 orë para protestës, paralajmërimi i Berishës: Cunami po afron 

    Sali Berisha ka deklaruar gjashtë orë para protestës se Shqipëria po marshon drejt Tiranës dhe se cunami po afron.

    Ora 09:37: Opozita protestë afër mbrëmjes para Kryeministrisë, Rama vizitë jashtë vendit

    Mësohet se kryeministri Edi Rama, pas samitit të zhvilluar në Kroaci është nisur për një tjetër vizitë zyrtare dhe nuk do të jetë në Tiranë.

    Ora 09:23: Protesta para Kryeministrisë, 1000 qytetarë nisen nga Berati

    Protestuesit nisen nga Berati

    Rreth 1000 protestues janë nisur nga Berati, për t’iu bashkuar opozitës para Kryeministrisë.


    Prej disa muajsh vendi është në një ngërç politik. Deputetët e opozitës kanë lënë mandatet e tyre që prej 21 shkurtit pasi sipas tyre Parlamenti ishte i inkriminuar. Opozita kërkon largimin e Ramës nga pushteti, krijimin e një qeverie tranzitore dhe zhvillimin e zgjedhjeve të parakohshme lokale. Nga ana tjetër Rama i ka “mbyllur derën” një mundësie për zgjedhje të parakohshme, por është treguar i gatshëm për dialog. Ndërkombëtarët kanë dënuar veprimin e opozitës. Vendet vakante të deputetëve të zgjedhur më 31 qershor 2017 janë zëvëndësuar nga kandidatët e tjerë nga listat shumëemërore. Deri më tani numri i deputetëve të opozitës së re ka shkuar në 23. 
    (K.M/J.V/Dosja.al)

    Shto Koment