Çmontimi i platformës së përdorur nga krimi i organizuar "Matrix", konfirmon Europol: Shqipja është një nga...
Zhvillimet e fundit në Korenë e Jugut/ Presidenti Biden "refuzoi" të komentonte: Sapo po informohem për këtë 3...
“Drejtësi për Martinin”/ Qytetarët dalin sërish në protestë: Duhet të ketë siguri t&eum...
Vuçiç takim me Kallas për zgjidhjen e rastit "Banjska" dhe vendosjen e sanksioneve për Rusinë! Presidenti serb: Do ...
TIRANË- Thellohet skandali tek Spitali COVID2, i njohur si Senatoriumi. Vajza e pacientes që vdiq në këtë spital, ku sanitarja e spitalit i mori të bijës rreth 8 milionë lekë të vjetra për t’u kujdesur për të, në dosjen e plotë të prokurorisë, e siguruar nga Dosja.al, denoncon për një neglizhencë totale të autoriteteve spitalore. Në dosje sqarohet qartë edhe arsyeja pse e bija, pas vdekjes së nënës, denoncoi në Polici sanitaren Tire Alldervishi. E bija e kuptoi sipas organit të akuzës se sanitarja nuk ishte infermiere dhe se e kishte mashtruar. Por, ajo gjithashtu zbulon sesi e ëma vdiq dhe askush nuk e njoftoi për vdekjen e saj. Vajza thotë se mori vetë të ëmën në morg, ku e gjeti pas një sërë telefonatash me sanitaren, ndërsa shton se pagoi vetë edhe shpenzimet funerale, ndryshe nga sa kanë deklaruar autoritetet se varrimet e viktimave të COVID19, i paguan shteti.
DOSJA E PLOTË E PROKURORISË:
Më datë 12.01.2021 në orën 19:30 është paraqitur në Drejtorinë Vendore të Policisë Tiranë shtetasja E.S., e cila ka bërë kallëzim penal ndaj shtetases Tire Alldervishi e datëlindjes 15.03.1962 pasi sipas saj, i ka marrë disa shuma parash të konsiderueshme për t’i shërbyer mamasë së kallëzueses e cila ishte e shtruar në spital me COVID-19, duke iu prezantuar si infermiere ndërkohë që ishte sanitare e spitalit. Gjithashtu në emisionin “Stop” të datës 12.01.2021 janë transmetuar pamjet për ngjarjen e ndodhur. Më konkretisht, pas sqarimit të plotë të rrethanave të faktit penal ka rezultuar si më poshtë:
Në datën 28.11.2020 mamaja e kallëzueses është shtruar tek spitali universitar “Shefqet Ndroqi” pasi ka rezultuar pozitive me COVID-19. Në derë i është paraqitur një shtetase e veshur si infermiere dhe i ka thënë që është infermiere në spitalin “Shefqet Ndroqi”. Kjo shtetasi ishte Tire Alldervishi dhe që më vonë ka marrë vesh se punonte si sanitare në këtë spital. Që në momentin e parë i ka kërkuar një shumë lekësh prej 2000 lekësh që t’i jepja telefonin mamit, duke i thënë që po e bënte për atë edhe pse nuk e kishte parë asnjëherë më përpara. Më pas i thotë që ta presë në lokal. Kur vjen në lokal i ka thënë, meqenëse infermierët e tjerë nuk lejohen të vijnë në lokal, e ka marrë ajo përsipër duke i kërkuar shumën e lekëve e cila ishte 10.000 për doktoreshën dhe 5000 për infermierët dhe sanitarët që i hiqnin pampersin. Kjo shumë vazhdonte çdo ditë dhe kanë qenë ditë të pakta që kallëzuesja ka dhënë vetëm 3000 lekë për infermierët dhe 5000 për doktoreshën dhe përpos tyre i jepte listën e ilaçeve që duhet të merrte nga jashtë.
Kallëzuesja nuk e dinte a po ia jepnin ilaçet apo jo sepse mami i saj i kishte thënë me mesazhe që nuk i japin asgjë nga ato që i sillnin ata. Mami i kallëzueses kurohej në katin e dytë në dhomën 30. Ajo ka mesazhet e mamit, e cila i ka pohuar që i kanë larguar karrigen e ushqimit që të mos hante se kishin merak se mos e ndërronin dhe i kanë thënë vetëm lëngje do pish dhe do hash vetëm kur të themi ne. Në një rast ka marrë një shumë prej 7000 lekësh dhe i ka thënë që për atë janë pak për atë natë dhe që kallëzuesja i kishte premtuar sipas saj që do e rregullonte dorën. I ka thënë që t’i thotë sa do se do t’ia japë në mëngjes vetëm t’i rrijë mamit afër. Këtë gjë e ka të faktuar me anë të mesazheve në Whatsapp. Mami i ka thënë disa herë që atje nuk i bëjnë shërbim. Kallëzuesja ka kërkuar për të takuar ndonjë doktor apo infermier tjetër në këtë spital, por nuk i kanë dalë, vetëm një ditë që i ka gjetur të ulur në një lokal dhe ka pyetur për gjendjen e mamit, por asnjëri nuk i ka kërkuar ndonjë shumë lekësh. Ajo ka biseduar me një infermiere, e cila quhej Bona, e cila i ka thënë që nuk kërkon asnjë shumë parash për shërbimet e saj. Pasi e ka kuptuar që paratë nuk i merrnin infermierët dhe doktorët, por i merrte kjo, kallëzuesja ka biseduar me shtetasen Tire Alldervishi ku i ka thënë që t’i kthejë shumën e lekëve që ka marrë dhe se paratë i kishte marrë të gjitha për vete. Tirja nuk i ka kthyer fare përgjigje. Shuma totale që kallëzuesja ka thënë se shumë që i ka dhënë shtetases Tire Alldervishi është rreth 800.000 lekë të reja duke mos përfshirë ilaçet. Për këto, ajo është detyruar të marrë borxhe dhe të kërkojë nëpër shokë pasi e kishte shumë të vështirë për t’i gjetur. Në datën 25.12.2020 nëna e saj ka ndërruar jetë gjatë natës. Këtë gjë e ka marrë vesh nga një telefonatë nga reanimatori i spitalit. Kallëzuesja dyshon që mami i saj mund të ketë ndërruar jetë edhe prej keqshërbimit sepse ajo ka mesazhe të mamit, e cila i thotë që të mos bëjë shumë zë sepse po i bërtasin atje. Pas kësaj ka pritur që ta lajmëronin për situatën. Pas shumë telefonatash ku i pyet a është në spital apo në morg, i thanë që mamin e kanë shoqëruar drejt morgut që nga ora 7:30 e mëngjesit. Nuk i japin ndonjë informacion nëse do ta bëjë ajo varrimin apo do ta bënte morgu siç bëhet në raste të tilla. E ka marrë nga morgu vetë nënën e saj pasi nuk u interesua askush dhe ka marrë përsipër të gjitha shpenzimet e funeralit edhe pse kjo gjë duhet të bëhej nga shteti.
(F.g/dosja.al)
1 vit nga zgjedhjet e 25 prillit si e shikoni gjendjen e vendit:
TIRANË- Një banesë në Tiranë është përfshirë nga flakët. Burime për Dosja.al bëjnë me dije se nga zjarri nuk ka persona të lënduar, por vetëm dëme material...
TIRANË– Të tjera detaje kanë dalë në dritë për mënyrën sesi mashtronte Tire Alldervishi, sanitarja e spitalit “Shefqet Ndroqi”. Mësohet se sanitarja ...
TIRANË– Gjykata e Tiranës ka caktuar sot masën e sigurisë “Arrest me Burg” për Tire Alldervishin, sanitaren e spitalit “Shefqet Ndroqi” që u hoq si infermi...
POGRADEC- Një person i shpallluer në kërkim ndërkomëbar është arrestuar ditën e sotme në Prgradec. Policia ka bërë me dije se është arrestuar 33-vjeçari ...
TIRANË– Pas vdekjes së nënës së saj, vajza e cila i kishte dhënë para Tire Alldervishaj për disa kohë që të kujdesej për nënën që e kishte të shtruar te &#...
TIRANË– Vojo Bregu, koordinatori i Lëvizjes Socialiste për Integrim në Vorë, ka denoncuar një ngjarje të pazakontë që po ndodh në këtë bashki. Bregu ka pub...
KAVAJË– Ka ndërruar jetë mbrëmjen e djeshme Jashar Tafa, 94-vjeçari që u nxor nga banesa që po digjej në Luz të Vogël të Kavajës dy ditë më pa...
TIRANË– Avokatët e Tire Alldervishit, 58-vjeçares të arrestuar për mashtrim pas skandalit të zbuluar në spitalin “Shefqet Ndroqi” në Tiranë kanë kër...
TIRANË– Lëvizja për Universitetin i ka dërguar ditë më parë një shkresë rektoratit të Tiranës për heqjen e tarifave për shkak se nuk po ndjekin më mësimin ...
TIRANË– Gjykata e Tiranës ka lënë në burg Tire Alldervishin, sanitaren që u hoq si infermiere për të përfituar para nga një qytetare e cila kishte të shtru...
