Berisha: Dosjen e Lindave të AKSHI-t e ka mbyllur përfundimisht Rama, Gys Agasi ka bërë masakër në kadastër ...
GJKKO rrëzon Metën! Kërkesa për transmetim ‘live’ të seancës dhe dalja nga kafazi i xhamit, nuk pranoh...
Protesta vijon, qytetarët shpalosin flamurin masiv kuq e zi në bulevard: Rama ik 4 Qershor, 21:28 Betejë pa li...
"Rama do organizojnë antimiting në Vlorë", Balla i përgjigjet Berishës: Kemi festën e PS, por ti nuk je i ftuar! ...
TIRANË– Pas vdekjes së nënës së saj, vajza e cila i kishte dhënë para Tire Alldervishaj për disa kohë që të kujdesej për nënën që e kishte të shtruar te ‘Shefqet Ndroqi’ mësoi të vërtetën se 55-vjeçarja punonte si sanitare dhe jo si infermiere, ashtu siç iu ishte shfaqur.
Vajza mori në telefon doktoreshën dhe e pyeti nëse Tirja punonte në pavionin e saj mirëpo në atë momente ajo zbuloi se në të vërtetë gruaja ishte sanitare në spital dhe nuk kishte lidhje fare me pavijonin ku ishte e shtruar nëna e saj.
Biseda e vajzës me doktoreshën:
Doktoresha: Alo…!
Denoncuesja: Alo, përshëndetje doktoreshë! Ju kërkoj ndjesë për shqetësimin….!
Doktoresha: Po!
Denoncuesja: Jam vajza e Liljanës, nëse më mban mend!
Doktoresha: Po, po patjetër, si je ti?
Denoncuesja: Dua vetëm një informacion, se po e vuaj shumë nga brenda…! Tirja ka qenë infermier, apo sanitare në spitalin tuaj?
Doktoresha: Jo, Tirja nuk është fare në pavjonin tonë, nuk ka lidhje fare me ne si pavion.
Denoncuesja: Po ku punon, në katin e tretë, sanitare apo infermiere?
Doktoresha: Sanitare
Ndërkohë pas marrjes së lajmit se ishte e mashtruar nga një person që hiqej si infermiere, vajza e 55 vjeçares që humbi jetën tek Covid 2 ka marrë sërish në telefonTire Alldervishaj. Në këtë komunikim denoncuesja ka kërkuar nga sanitarja që ti kthejë shumën prej 8 mln lekësh që i kishte marrë në këmbin për ti shërbyer nënës së saj e cila humbi jetën 28 ditë pas betejës me Covid.
Biseda mes Tires dhe denoncueses:
Denoncuesja: Tire si je? Ka mundësi të flasim dy minuta?
Sanitare Tirja: Këtu në rrugë?
Denoncuesja: Këtu, se s’kam vend tjetër. Nuk e di, a e ke marrë vesh për mamin tim?
Sanitare Tirja: Po, që ju la…Qoftë e xhenetit, ju pastë lënë uratën!
Denoncuesja: Nga ty jam shumë…
Sanitare Tirja: Unë, sa pata mundësi, sa pata në dorë…
Denoncuesja: Unë jam shumë e zhgënjyer, unë të dola borxhit edhe po të dal. Të thashë: Tire nuk dua asnjë lek nga ça kam dhënë për të tjerët, ti e di shumë mirë shumat, sa janë marrë. Unë kam nevojë për ato lekë tani, se e kam babin në gjendje shumë të rëndë.
Sanitare Tirja: Dëgjo e lejmë një ditë, se jam me nusen e vëllait..!
Denoncuesja: Tani, unë dua vetëm një përgjigje!
Sanitare Tirja: Do flasim dhe unë kam qenë shumë e hallakatme.
Denoncuesja: Tire, unë babin e kam në gjendje shumë të rëndë.
Sanitare Tirja: E di, e di.
Denoncuesja: Unë kam shumë nevojë për ato lekë!
Sanitare Tirja: Nuk ke pse e bën aq të madhe, s’ka lënë jevg e harrixhi… pa më thënë…
Denoncuesja: Unë kam mbledh gjithë infermierët dhe doktorët dhe më kanë thënë nga Tirja s’kemi marrë asnjë…
Sanitare Tirja: Unë të thashë, më thuaj një?
Denoncuesja: Edhe kur ke bërë telefonatën me Titin, kush ishte sanitare, apo nuk e di, kur është bërë telefonata me Titin, ka thënë, që më ka dhënë dy herë nga 5 mijë-10 mijë.
Sanitare Tirja: Ani, pse të jap unë ty 10 mijë lekë, sa ia fute klizmën?
Denoncuesja: Si? O Tire, sa jepja unë për infermierët?
Sanitare Tirja: Pse t’i jap unë 20 mijë lekë?
Denoncuesja: Po ti m’i merrje mua dhe unë t’i jepja ty. Po ti më thoshe mua: nuk i dua ato lekë, se nuk i ka bërë.
Sanitare Tirja: Po a më the ti mua të shikoje, kush e bën punën?
Denoncuesja: Po pra, shikoje kush e bën punën, po ti s’më ke thënë ndonjëherë mua: “Merre këtë 10 mijë lekshin se i dhashë 10 mijë lekë”!
Sanitare Tirja: Jo nuk ta kam thënë, kjo është e vërtetë, po ne s’mbaruam punë bashkë.
Denoncuesja: Nuk po llogaris lekët, që kam dhënë për infermierët, që kanë qenë lekë pa fund. Më ka shkuar dhe 250 mijë dita, që ti e di shumë mirë.
Sanitare Tirja: O Ani, po ti e di, pse nuk e more me e ballafaquar, vetëm të nxirrje të vërtetën si është? …
Denoncuesja: Të ballafaqoj unë, po n.q.s të ballafaqoj me infermierë, që s’kanë marrë lekë, ça do bësh? Ok, do e ballafaqojmë edhe këtë pjesë, unë jam gati, që sot me e ballafaquar edhe këtë pjesë.
Sanitare Tirja: Po unë prandaj të thashë të merremi vesh si njerëz ..!
Denoncuesja: Unë që sot jam gati të ballafaqohemi me këdo!
Sanitare Tirja: Mua s’më erdhi mirë, se e kishte marrë vesh gjithë Sanatoriumi. Të thashë: hajde flasim si njerëz…!
Denoncuesja: Tire! Para jetës së mamit, që sot kalbet në dhe, mua më ikën shumat e lekëve…
Sanitare Tirja: Me Bonën, çfarë është ai tjetri, me Mirelin, s’ishin këta çunat pyeti një për një…
Denoncuesja: Ok! Unë do e ballafaqoj. Jam shumë gati, që ta ballafaqoj me të gjithë, se unë i ula të gjithë edhe Bona edhe të gjithë më kanë thënë, që nuk kemi marrë lekë…
Sanitare Tirja: Sinqerisht e ke…?!
Denoncuesja: Sinqerisht e kam dhe jam e sigurtë për këtë pjesë. Tire! Mami im po kalbet ne dhe sot. Babi është drejt asaj rruge. Unë jam vetëm me dy fëmijë të vegjël, kam dy muaj, që nuk i shoh fëmijët me sy…të dola borxhit, o Tire edhe të thashë po të fal.
Sanitare Tirja: Është e vërtetë. Unë këtë desha, të bisedonim bashkë me qetësi…
Denoncuesja: Megjithatë, unë dua, që të më thuash, se kur do të m’i japësh lekët? Pak nga pak, si do m’i japësh të paktën pjesën, që me ke marrë mua?
Sanitare Tirja: Do ta gjejmë zgjidhjen…
Denoncuesja: Unë pres përgjigje nga ty
Sanitare Tirja: Do flasim prapë!
Denoncuesja: Në rregull!
Ngjarja e rëndë u denoncua dy netë më parë në emisionin ‘Stop”, nga vetë vajza e gruas që ndërroi jetë nga Covid-19. Vajza e një 55-vjeçareje, e cila humbi betejën me Covid pas 28 ditësh luftë me këtë sëmundje, është mashtruar nga sanitarja pasi kjo e fundit i është hequr si infermiere dhe është ofruar që në këmbim të vlerave monetare t’i kuronte të ëmën.
(A.B)/Dosja.al
1 vit nga zgjedhjet e 25 prillit si e shikoni gjendjen e vendit:
TIRANË– Vojo Bregu, koordinatori i Lëvizjes Socialiste për Integrim në Vorë, ka denoncuar një ngjarje të pazakontë që po ndodh në këtë bashki. Bregu ka pub...
KAVAJË– Ka ndërruar jetë mbrëmjen e djeshme Jashar Tafa, 94-vjeçari që u nxor nga banesa që po digjej në Luz të Vogël të Kavajës dy ditë më pa...
TIRANË– Avokatët e Tire Alldervishit, 58-vjeçares të arrestuar për mashtrim pas skandalit të zbuluar në spitalin “Shefqet Ndroqi” në Tiranë kanë kër...
TIRANË– Lëvizja për Universitetin i ka dërguar ditë më parë një shkresë rektoratit të Tiranës për heqjen e tarifave për shkak se nuk po ndjekin më mësimin ...
TIRANË– Gjykata e Tiranës ka lënë në burg Tire Alldervishin, sanitaren që u hoq si infermiere për të përfituar para nga një qytetare e cila kishte të shtru...
TIRANË– Prokuroria ka kërkuar “Arrest me burg” për Tire Alldervishin, sanitaren që zhvati me mashtrime tetë milionë lekë nga vajza e një gruaje të infektua...
TIRANË– Dosja.al ka siguruar pamjet brenda sallës së gjyqit ku sanitarja Tire Alldervishi është paraqitur sot për tu njohur me masën e sigurisë. Në v...
TIRANË–Prokuroria e Posaçme (SPAK), ka caktuar 5 prokurorët që do të merren me çështjen e hetimit të krimeve zgjedhore në zgjedhjet e 25 pril...
SHKODËR– Bashkia Shkodër ka dhënë informacion në lidhje me situatën që gjendet zona pas përmbytjeve që zgjatën për disa ditë me radhë në vend. Bashkia bën ...
BULQIZË– Reshjet e dëborës kanë përfshirë qytetin e Bulqizës që prej ditës së djeshme. Deri tani, trashësia ka arritur deri në 3 centimetër në qytet ...
