Aktualitet

Shkojnë në Itali 30 mjekë shqiptarë, Rama: S’e shohim dot Italinë në hall, po ikni në luftë. Di Maio: Faleminderit!

VIDEO
Shqipëria ka nisur sot 30 mjekë drejt Italisë, për të qenë në vijën e parë të luftës kundër COVID-19. Dërgimi i mjekëve është bërë pas një marrëveshje mes Edi Ramës dhe Luigi Di Maio. Mjekët shqiptarë do ndihmojnë kolegët e tyre dhe po ashtu do marrin dhe ekperiencën. Rama dhe Manastirliu përcollën mjekët deri në Rinas, ku u thanë se ata po shkojnë në luftë.
Featured image of article: Shkojnë në Itali 30 mjekë shqiptarë, Rama: S’e shohim dot Italinë në hall, po ikni në luftë. Di Maio: Faleminderit! Kryeministri Edi Rama dhe mjekët
Përditësuar:

TIRANË- Tridhjetë mjekë shqiptarë kanë mbërritur sot në Itali në ndihmë të kolegëve të tyre për të përballuar situatën e koronavirusit. Mjekët u nisën pasdite nga Rinasi, ku për ti përcjell kishte shkuar dhe Kryeministri Edi Rama, ministrja e Shëndetësisë Ogerta Manastirliu dhe ajo e Infrastrukturës, Belinda Balluku. Ndërkohë në Rome u pritën nga ministri i Jashtëm i Italisë, Luigi Di Maio. Ai në një reagim tha se ishte shumë mirënjohës shqipërisë për këtë ndihmë.

Personeli shëndetësor u dërgua pas një bisede telefonike mes kryeministrit shqiptar Edi Rama dhe ministrit të Jashtëm italian Luigi Di Maio, i cili ka filluar që të kërkojë ndihmë ndërkombëtare për përballimin e situatës në vend. Deri më tani, u është përgjigjur vetëm Kina dhe Rusia.

Mjekët shqiptarë do të qëndrojnë në Itali për një muaj dhe do të paguhen nga Shqipëria me një pagë të vendosur nga Rama. Shpërblimi i mjekëve dhe infermierëve, që do të ofrojnë shërbim shëndetësor sipas pikës 1, të këtij vendimi, do të jetë në vlerën 3 000 (tre mijë) euro në muaj për mjekët dhe 2500 (dy mijë e pesëqind) euro në muaj për infermierët.

Për më shumë bëhu pjesë e grupit më viral në Facebook, Dosja.al

Kryeministri Edi Rama në fjalën e tij në Rinas, iu drejtua mjekëve që po shkojnë në Itali në dy gjunë, në shqip dhe italisht. Kreu i qeverisë u shpreh se ata po shtkojnë në luftë kundër një armikut të padukshëm, i cili është një armik ndërkombëtar. 

Ndërkohë Italia në total ka shënuar 9,134 persona, ndërsa 86.498 janë të prekur nga pandemia. Kreu i Institutit Kombëtar të Shëndetit në Itali paralajmëroi që infeksionet ende nuk kanë arritur kulmin e tyre. 

(K.M. A.B. Dosja.al)

  • 22:33

    “Shqipëria tregoi se ka zemër të madhe”, Luigi Di Maio: Di vetëm të them një gjë. Ne nuk do të ju lëmë kurrë vetëm

    Ministri i Jashtëmi i Italisë, Luigi Di Maio ka reaguar sërish pas dërgimit të 30 mjekëve nga Shqipëria në Itali. Di Maio shkruan se Shqipëria tregoi se ka zemër të madhe me solidaritetin që tregoi për popullin e Italisë. Më tej në mesazhin e tij ai ka falenderuar qeverinë dhe popullin shqiptar për këtë ndihmë nga Shqipëria dhe shprehet se Italia nuk do ti lërë kurrë vetëm.

    Mjekët shqiptarë pas mbërritjes në Itali

    Solidariteti me Italinë nuk ka kufij dhe Shqipëria ka treguar sot se ka një zemër të madhe. Një ekip prej 30 mjekësh dhe infermierësh ka mbërritur në aeroportin e Fiumicinos të cilët do të shkojnë në Lombardi nesër, në zemër të kësaj emergjence për të mbështetur mjekët tanë, infermierët tanë dhe punonjësit tanë të shëndetësisë. Pak përforcim për të mbështetur gratë dhe burrat tanë në këtë llogore prej disa javësh.

    Falënderoj kryeministrin shqiptar Edi Rama, qeverinë dhe gjithë popullin shqiptar për mbështetjen e tyre përkundër urgjencës që preku edhe ata. Për qytetarët italianë, për ata që janë duke punuar dhe që po përballen me këtë emergjencë në terren, unë di vetëm të them një gjë: Ne nuk do të ju lëmë vetëm. Kurrë!”, shkruan Ministri.

  • 20:25

    Meta reagon pas dërgimit në Itali të 30 mjekëve: Mirënjohje dhe krenari

    Presidenti Ilir Meta ka reaguar pas dërgimit në Itali të 30 mjekëve dhe infermierëve në Itali për të ndihmuar me përballimin e situatës atje. Në një reagim në Facebook, Meta shprehet se ky solidaritet dhe këto sakrifica do të forocojnë marrëdhënien e shkëlqyer me sdy popujve.

    Mjekët shqiptarë në Itali

    🇦🇱 l Mirënjohje dhe krenari për 30 mjekët dhe infermierët tanë, të cilët do shërbejnë në rajonin më të prekur nga pandemia në Italinë fqinje. Ky solidaritet dhe këto sakrifica do ta forcojnë edhe më shumë marrëdhënien e shkëlqyer midis dy vendeve e popujve tanë. #AndràTuttoBene 🇦🇱❤🇮🇹”, shkruan Meta.

  • 19:01

    Rama publikon FOTOT e 30 mjekëve që shkuan në Itali për të ndihmuar kundër COVID-19: Krenar për bluzat e bardha

    Kryeministri Edi Rama ka publikuar fotot e 30 mjekëve që shkuan në Itali pr të ndihmuar kolegët e tyre atje në luftën kundër COVID-19. Në një reagim në Facebook, Rama shprehet se është krenar për Shqipërinë dhe bluzat e bardha.

    🇦🇱KRENAR PËR SHQIPËRINË🇮🇹 #KrenarpërBluzateBardhaShqiptare👐🏿 #RESPEKT🙏”, shkruan Rama teksa publikon fotot. 30 mjekët do qëndrojnë në Itali për 30 ditë dhe pagesa do bëhet nga qeveria shqiptare. Ministri i Jashtëm i Italisë ka falenderuar Ramën dhe qeverinë për këtë ndihmë.

  • 18:08

    30 mjekët shqiptarë mbërrijnë në Itali, Luigi Di Maio: Falemiderit Shqipërisë

    Mjekët shqiptarë që do ndihmojnë ata në Itali, kanë mbërritur në romë ku janë pritur nga ministri i Jashtëm, Luigi Di Maio. Në një video ne Facebook, Di Maio ka falenderuar Shqipërinë, që u soluradizua me popullin italian në këtë kohë të vështirë. “Falenderojmë shqipërinë dhe të gjithë shqiptarët”, u shpreh ai.

    Luigi Di Maio
  • 16:32

    “Do kujdesemi ne për familjet tuaja kur ju nuk do jeni këtu”, Manastirliu mesazh mjekëve që do ndihmojnë Italinë

    Ministrja e Shëndetësisë ka qenë sot në Rinas, ku u dha një mesazh mjekëse shqiptarë që po shkojnë drejt Italisë për të ndihmuar kolegët e tyre atje. Në fjalën e saj, Manastirliu u shpreh se kur ata nuk do jenë në Shqipëri do kujdeset ajo për familjet e tyre në këtë kohë lufte.

     Janë nga e gjithë Shqipëria, një mision për jetën dhe një gjë u thashë para se të vinit ju, do doja që askush të mos binte pre e këtij armiku, ju premtojmë se për aq kohë sa ju nuk do jemi këtu, do kujdesemi ne për familjarët tuaj“, u shpreh ministrja.

  • 16:09

    Në shqip dhe italisht, Rama mesazh 30 mjekëve që do shkojnë në Itali: Po ikni në luftë me armikun e padukshëm

    Kryeministri Edi Rama ka marrë pjesë në ceremoninë që u zhvilluar në Rinas para nisjes së 30 mjekëve që do të ndihmojnë kolegët e tuyre në Itali pëer të luftuar kundër COVID-19. Në një fjalë të mbajtur para mjekëve, në shqip dhe italisht, Rama u shpreh se lufta me koronavirusin është e të gjithëve dhe Shqipëria nuk mund të rrinte duarkqyr duke parë se si armiku po përparon shumë.

    “Ju falënderojë për gatishmërinë, e di që disave u duket e çuditshme që 30 mjekë dhe infermierë të armatës sonë të vogël nisen sot për në vijën e zjarrin. E di se nuk e përmbysin raportin mes forcës vrastare dhe atyre të mjekëve që luftojnë për ta mundur, por di që edhe andej është shtëpia jonë që kur Italia na shpëtuan dhe na mikpritës dhe adaptuan në shtëpinë e tyre kur Shqipëria digjej nga dhimbjet e papërshkrueshme. Ne po luftojmë me të njëjtin armik të padukshëm, nuk mund t’i mbajmë rezerve teksa në Itali po kurohen shqiptarë që janë plagosur nga armiku. E vërtetë që të gjithë janë mbyllur në kufijtë e tyre, edhe nga vendet e pasura, por mbase ngaqë nuk jemi të pasur dhe nuk na ka lënë kujtesa nuk mund të lejojmë që të mos i tregojmë Italisë qe ne nuk e braktisim mikun në vështirësi. Askush nuk fiton dot e vetme. Sot jemi të gjithë italian dhe Italia duhet të do ta fitojë luftën edhe për ne.“, ishte kjo fjala e Ramës para mjekëve.

  • 16:o4

    Gati për të shpëtuar jetë, mjekët shqiptarë mbërrijnë në Rinas, presin avionin për të shkuar në Itali

    Në Rinas kanë mbërritur 10 mjekët dhe 20 infermierët, të cilët do të shkojnë në Itali ku do ndihmojnë kolegët e tyre për të shpëtuar jetët e pacientëve të prekur me COVID-19.

    Mjekët në Rinas

    Të gjithë mjekët dukët se janë gati, pasi janë të veshur me veshjen mbrojtëse dhe maska ata do të japin kontributin e tyre për të përballuar situatën me koronavirus në Itali. Bashkë me TA për t’i përcjellë drejt Italsië është edhe kryeministri Edi Rama, ministrja e Shëndetësisë, Ogerta Manastirliu dhe ministrja e Infrastrukturës, Belinda Balluku.

Shto Koment