Aktualitet

Sherri për pronën në Jalë/Drejtoresha e Kadastrën Vlorë pezullon vendimin, nën-drejtori Canameti lëviz me truproja

Drejtoresha e Kadastrës Vlorë, Elona Hodaj përplaset me nën-drejtorin e ALUIZNI-t Taulant Canametin për një pronë në Jalë. Ky i fundit firmosi dokumentin duke favorizuare njërën palë, i cili menjëherë u pezullua nga Hodaj.
Featured image of article: Sherri për pronën në Jalë/Drejtoresha e Kadastrën Vlorë pezullon vendimin, nën-drejtori Canameti lëviz me truproja

Vlorë- Thellohet skandali, sërish përplasje në Kadastrën e Vlorës për çështjen e një prone në Jalë, ku dy firma janë në konflikt dhe nuk po gjejnë zgjidhje.

Dosja.al mëson se në një afat kohor prej 12 orësh teksa drejtoresha e Kadastrës së Vlorës, Elona Hodaj ndodhej në Tiranë, nën-drejtori i ALUIZNI-t, Taulant Canameti ka firmosur një dokument duke favorizuar njërën palë për këtë pronë.

Canameti, i cili shkon në zyrë me truproja ka firmosur dokumentin, por ky i fundit është pezulluar menjëherë nga Hodaj pasi drejtoresha është kthyer në zyrë. Hodaj ka pezulluar dokumentin me justifikimin se ish-nëndrejtori Canameti nuk kishte kompetencat e duhura për marrjen e këtij vendimi.

Sherri për pronën në Jalë

Kadastra e Vlorës është kthyer së fundmi në një burim  sherri dhe zonë e ‘minuar’ pasi dy grupe të ndryshme pretendojnë për pronësinë e një pronë në zonën e Jalës. Njëri nga grupet ka marrë vendimin se formës së prerë nga gjykata për këtë pronë, ndërsa Kadastra prej kohësh ka kërkuar pezullimin dhe duke favorizuat palën tjetër.

Për këtë çështje u shkarkuan edhe drejtuesit e Kadastrës dhe u hetuan 23 punonjës. Ndërsa prej ditësh në ambientet e Kadastrës ka efektivë policie pasi çështja lidhur me këtë pronë është ende një ‘mollë sherri’ që nuk po gjen zgjidhje.

J.V/Dosja.al

 

Shto Koment