Seancë plenare në Kuvend/ PD anulon bojkotin! Peleshi i heq fjalën Berishës: Mu drejto me etikë
Berisha-Ballës: Rama urdhëroi pengun e tij Mazniku të veprojë në mënyrë të njëanshme për refor...
Berisha-Ballës: Rama urdhëroi pengun e tij Mazniku të veprojë në mënyrë të njëanshme për refor...
Berisha: Ja tre zyrtarët që kanë qenë në Aruba, SPAK fsheh emrat e tyre sepse është seksion i Partisë So...
Incident para Kuvendit! Policia largon me forcë ish-luftëtarët e UÇK-së, Dritan Goxhaj dhe Meçan Zotaj(VIDEO) ...
"Jo 50, as 150, por edhe 1 550 ditë, ne do jemi këtu"/ Protestuesi dekoron qytetarët në shesh: Ju meritoni medalje ...
SHBA- Regjisori serb Boris Malagurski është kthyer në qendër të vëmendjes së fundmi, pas daljes në kinematë amerikane të dokumentarit të tij që flet për bombardimet e NATO-s në Kosovë. Në disa kinema të New York-ut, filmi u prit me protesta nga shqiptarët, sepse sipas tyre Boris keqpërdor në filmin e tij shqiptarët, duke u dhënë një rol negativ.
Në intervistën ekskluzive për dritare.net, Boris e mohon kategorikisht këtë gjë, madje thekson se shqiptarët dhe serbët janë viktima të NATO-s, të cilën e quan pushtuese, së bashku me SHBA-në e BE-në. Ai thotë se në dokumentar është fokusuar tek përdorimi në masë i uraniumit të varfëruar gjatë bombardimeve të NATO-s, gjë që ka çuar në trefishimin e rasteve me kancer në Kosovë dhe në Serbi, pretendon ai.
“The Weight Of Chains 3″ titullohet dokumentari i regjisorit dhe aktivistit 31 vjeçar, i cili pohon ne bisedën me gazetaren Kozeta Turishta, ne Nju Jork, se është i shokuar kur sheh sesi njerëzit protestojnë për diçka që nuk e kanë parë. Më tej ai flet për vizitën e tij në Korçë gjatë kësaj vere, ndërsa thekson se shqiptarët duhet të kuptojnë se “pushtuesi” shkon e vjen, por fqinji është aty përherë.
Boris, ka lindur në vitin 1988 në qytetin Subotica, në veri të Serbisë, në një familje intelektuale me dy prindër akademikë. Ai ka mbaruar studimet për regji filmi në Universitetin e Britanisë së Madhe “Columbia” dhe në Kanada, ku ka ndërtuar dhe jetesën e tij profesionale duke themeluar kompaninë kinematografike “Malagurski Cinema”. Filmi dokumentar i tij për momentin po shfaqet në disa shtete të Amerikës nga New York, Toronto, Chicago, Las Vegas, Miami, Washington etj. Ne Nju Jork pati reagime të forta kundër regjisorit, për të cilat dritare,net ju ka informuar. Ky fakt e bëri më të vështirë këtë intervistë, por jo të pamundur, për Kozeta Turishtën.
INTERVISTA E PLOTË
Si e nisët punën për dokumentarin tuaj “The Weight Of Chains 3″ dhe ku e keni përfshirë Shqipërinë dhe Kosovën?
Unë nuk përmend Shqipërinë në këtë film, por kam folur për NATO-n dhe përdorimin e uraniumit të varfëruar në të gjithë Serbinë, duke përfshirë edhe Kosovën. Në fakt, Kosova u bombardua në shumicë nga municione me uran të varfëruar nga NATO. Kjo ka çuar në rritje të rasteve me kancer si tek serbët ashtu edhe tek shqiptarët. Sipas burimeve të inteligjencës, rastet e kancerit tek shqiptarët e Kosovës janë trefishuar qysh nga viti 1999. Ky fakt tregon se në fakt NATO nuk kishte si qëllim të ndihmonte shqiptarët, por thjesht të zaptonte tokën. Thjesht bëji vetes pyetjen: Nëse Kosova është e pavarur, a mund të bëjë dot diçka në mënyrë të pavarur nga SHBA dhe Europa?
Mendoni se shqiptarët e kanë keqkuptuar faktin që ju përmendni dy vendet në dokumentarin tuaj?
Unë nuk merrem me Shqipërinë, por fakti që njerëzit protestojnë kundër një filmi pa e parë fare është përtej imagjinatës sime. Shqiptarët për mua janë po aq viktima të NATO-s dhe të politikave të saj sunduese. Elitat politike shqiptare po nxisin ndjenjën anti-serbe, për të fshehur faktin që dhe shqiptarët janë kolonizuar nga Perëndimi. Ju e gjeni këtë provë në New York. Një organizatë ka organizuar një protestë kundër një filmi, për të cilin nuk dinë asgjë. E vetmja gjë që dinë është se filmin e ka bërë një serb dhe kjo arsye mjafton për të protestuar. A nuk është e gjitha një marrëzi?
Kjo ndodhi disa ditë më parë, kur ju promovuat filmin në një nga kinematë e New York-ut. Në fakt duket se ju jeni pëpjekur të provokoni, duke i paraqitur shqiptarët në rol negative. Sa e vërtetë është kjo?
E theksova më sipër, sesa i shokuar jam kur shoh njerëz që protestojnë për diçka që nuk e kanë parë. Është shumë sipërfaqësore. Njëri nga protestuesit madje kishte sulmuar audiencën dhe ishte arrestuar nga policia. Shqiptarët që marrin pjesë në diçka të tillë i japin vetes një emër të keq, jo unë.
Çfarë dini për Kosovën dhe Shqipërinë, i keni vizituar ato më parë?
Në Kosovë kam qenë shumë herë, ndërsa në Shqipëri isha për herë të parë këtë verë. Isha në Korçë ku vizitova Kishën Ortodokse, si dhe shëtita nëpër qytet ku u takova me disa njerëz interesantë. Njerëzit janë shumë miqësorë. Fatkeqësisht nuk mund të shkoj më në Kosovë, pasi më është ndaluar hyrja nga qeveria e Haradinajt, ngaqë bëra një film për manastiret serbe në Kosovë. Nëse autoritet në Prishtinë e konsiderojnë kërcënim një film që që përkrah mbrojtjen e trashëgimisë së UNESCO-s, atëherë nuk mund t’u besoj atyre për të ruajtur të njëjtën trashëgimi. Trashëgimi, që i përket gjithë civilizimit.
Kosova sapo ka mbyllur me sukses procesin zgjedhor, duke dhënë një shembull të shkëlqyer të demokracisë. Albin Kurti i “Vetëvendosjes”, pas fitores tha se gjëja e parë që do të bëjë qeveria e re e Kosovës është nisja e bisedimeve me Serbinë për të njohur Kosovën si një shtet të pavarur. Çfarë mendoni rreth kësaj? Mendoni se është koha që Serbia të lërë pas të shkuarën, teksa shumica e vendeve njohin pavarësinë e Kosovës?
Para së gjithash pyetja juaj është e njëanshme, por do t’ju përgjigjem. Në vitin 2001 Kombet e Bashkuara deklaruan se nuk kishte patur gjenocid në Kosovë, ndaj nuk e kuptoj sesi ju flisni për diçka të tillë. Ju mund të shihni statistikat, ku popullsia shqiptare në Kosovë është rritur prej dekadash, ndërsa serbët janë tkurrur, ndaj është absurde të pretendosh të kundërtën. Pse serbët nuk mund të kthehen në Kosovë? Së dyti, pjesa më e madhe e popullsisë së botës jeton në vende që nuk e kanë njohur pavarësinë e Kosovës, sepse nuk është. Kosova është formalisht një pjesë e Serbisë, sipas Kombeve të Bashkuara, por e pushtuar nga NATO. Sa për zgjedhjet, është komplet e parëndësishme se kush i fiton ato në Kosovë sepse vendimet në Kosovë nuk merren në Prishtinë, por në Uashington dhe Bruksel.
Cili është mesazhi juaj për shqiptarët dhe Kosovën?
Uroj që shqiptarët në të gjithë Ballkanin dhe në të gjithë botën, një ditë të kuptojnë se pushtuesit vijnë e shkojnë, por fqinjët janë përherë aty. Mos luftoni më me fqinjët tuaj, respektoni ligjet ndërkombëtare dhe do kemi paqe në rajon.
(Marrë nga Dritare.net)
Tirana është boshatisur për ditët e pushimit. Cilën nga ritet e shenjta po ndiqni:
TIRANË- Lindita Protodurari, një nga protesteuset e Unazës së Re, ka mbajtur një fjalë sot gjatë protestës, ku ka thënë se ata nuk tërhiqen deri në fund.Në...
TIRANË- Forca të shumta policie shkuan sot tek “Unaza e re”, aty ku çdo ditë pasdite banorët protestojnë kundër prishjes së banesave të tyre. Ndërko...
TIRANË– Ministria e Drejtësisë kërkon, në projektligjin e dorëzuar në Kuvend, që të ngrihet struktura e Posaçme e Policisë së Burgjeve, e cila...
TIRANË- Njëri viktimë dhe tjetri autor i ngjarjes së rëndë që tronditi një Shqipëri të tërë. Bëhet fjalë për Dritan Haxhollin dhe Bledar Toçin, të c...
KOSOVË- Kryetari i PDIU-së Shpëtim Idrizi ka zhvilluar një takim ditën e djeshme me liderin e VV-së, Albin Kurtin dhe përfaqësues të lartë të Lëvizjes Vet...
KAVAJË–Zbardhet dinamika e ngjarjes me një të vrarë dhe një të plagosur në Kavajë. News24 e “BalkanWeb” siguron të plotë dosjen e prokurorisë, e cila hedh ...
TIRANË- Problemet me linjat urbane në kryeqytet vijojnë prej kohësh ndërkohë që nuk është marrë asnjë masë për përmirësimin e kësaj gjendje.Por ditën e sot...
TIRANË- Presidenti Meta këtë fundjavë ka zgjedhur ta kalojë në bregdet. Përmes një fotoje të publikuar në Instagram, Meta është në shoqërinë e aktorit të h...
KORÇË- Policia e Korçës ka arrestuar 5 punonjës të Agjensisë së Zonave të Mbrojtura pasi akuzohen për “shpërdorim detyre.”Funksio...
