Dita e 50-të e revoltës qytetetare/ Shqiptarët vijojnë qëndresën në shesh: Rama në burg, Berisha në burg
"Jo 50, as 150, por edhe 1 550 ditë, ne do jemi këtu"/ Protestuesi dekoron qytetarët në shesh: Ju meritoni medalje ...
"Jo 50, as 150, por edhe 1 550 ditë, ne do jemi këtu"/ Protestuesi dekoron qytetarët në shesh: Ju meritoni medalje ...
Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Shetet e Gjirit Persik dënojnë sulmet iraniane ndaj infrastrukturës civile: Janë krime lufte 18 Korrik, 17:37 ...
Abuizimi me fondet në Durrës, zbardhen dëshmitë/ Elisabeta Mataj: Jam qytetare e lirë, kush ma ndalon kazinonë...
SHBA– Një task forcë do të ndajë të dhëna që ka mbledhur mbi fenomenet e pazakonta të fluturimit me Kongresin amerikan, ndërsa entuziastët e UFO-ve po gëzohen. Por një ekspert gjerman me dekada kërkimesh nën kujdesin e tij nuk beson se jashtëtokësorët kanë qenë ndonjëherë në Tokë.
Nëse keni interes për UFO-të (objekte të paidentifikuara fluturuese) dhe gjithmonë keni pyetur se çfarë saktësisht qeveria amerikane dhe shërbimet e inteligjencës dinë për to, qershori mund të jetë një muaj i madh për ju. Task Forca e Fenomeneve Ajrore të Paidentifikuara (UAP), një grup brenda Departamentit të Mbrojtjes së SHBA (DOD), është vendosur të paraqesë një raport të paklasifikuar në Kongres këtë muaj në lidhje me atë njohuri që zyrtarët e Pentagonit kanë mbledhur në lidhje me fenomenet ajrore të paidentifikuara dhe se si ata i trajtojnë të dhënat që kanë arritur të mbledhin.
UAP është termi zyrtar që ushtarakët dhe studiuesit, që nuk preferojnë fjalën UFO, përdorin kur flasin për objekte në qiell që fluturojnë pa ndonjë formë të dukshme shtytjeje, në modele që sfidojnë njohuritë tona të fizikës. Pra: Departamenti i Mbrojtjes i SHBA-së do t’u tregojë Përfaqësuesve dhe Senatorëve të SHBA-së atë që kanë mësuar rreth objekteve të paidentifikuara fluturuese në hapësirën ajrore të vendit të tyre.
Dhe publiku do të dëgjojë gjithçka për këtë (megjithëse mund të ketë një vonesë midis prezantimit në Kongres dhe publikimit të raportit të plotë për publikun e gjerë). As që bëhet fjalë për vendet e fshehta ushtarake, të cilat teoricienët e konspiracionit janë të sigurt se kanë vazhduar që kur UFO-t u rrëzuan me gjasa në Roswell, New Mexico, në verën e vitit 1947, por për një raport të drejtpërdrejtë.
‘Provat e dokumentuara të mbledhura nga ushtria’
Avi Loeb, profesor i shkencës në Universitetin e Harvardit dhe Drejtor i Institutit për Teori dhe Llogaritje brenda Qendrës Harvard-Smithsonian për Astrofizikën, i tha DW se çfarë e bën këtë një rast kaq të rëndësishëm.
“Ky raport i ri është i ndryshëm nga diskutimet e kaluara mbi Objekte të Identifikuara Fluturuese (UFO) ose Fenomene Ajrore të Paidentifikuara (UAP) në atë që përfshinte prova të dokumentuara të mbledhura nga personeli ushtarak bazuar në zbulimin nga shumë instrumente (radarë, kamera infra të kuqe, kamera optike),” Loeb shkroi në një email.
Informacioni i paraqitur në raport ka të ngjarë të tregojë “ekzistencën e mundshme të objekteve që sillen në mënyra që nuk mund të shpjegohen nga teknologjitë që ne posedojmë”.
95% e rasteve kanë një shpjegim konkret
Një sondazh i Gallup nga viti 2019 tregoi se një e treta e të rriturve amerikanë besonin se të paktën në disa raste, vëzhgimet e UFO-ve përfshinin anije kozmike të huaja. Hans-Werner Peiniger u interesua për UFO-t në moshën 15 vjeçare dhe i ka hulumtuar për gati 50 vjet. Kreu i Shoqërisë për Kërkime në Fenomenin e UFO-ve (GEP) në Gjermani thotë se shumica dërrmuese e shikimeve, megjithatë, kanë shpjegime natyrore ose të bëra nga njeriu.
“Që nga viti 1972, ne kemi parë afërsisht 4,500 shikime” të raportuara në GEP nga dëshmitarët, tha Peiniger për DW. “Janë vetëm rreth 5% për të cilat nuk mund të gjenim ndonjë shpjegim të kuptueshëm.”
Pjesa tjetër, thotë Peiniger, shpesh janë balona me helium të llojit që shihni në panaire, insekte gjatë fluturimit që mund të shfaqen si një disk fluturues në foto, fenomene të motit ose satelitë. Ndërsa për 5% të tjerë: “Ndoshta ato janë fenomene natyrore të cilat thjesht nuk mund t’i shpjegojmë akoma”.
Pse po prezantohet raporti tani?
Nuk është rastësi që anëtarët e Kongresit do të marrin më shumë informacion mbi UAP këtë muaj. Një raport i detajuar nga Task Forca e UAP ishte një kërkesë në paketën e shpenzimeve 2.3 miliardë dollarë (1.8 miliardë euro) që Kongresi miratoi në dhjetor 2020. Brenda gjashtë muajsh, sipas legjislacionit të përcaktuar, Departamenti i Mbrojtjes dhe Zyra e Drejtorit të Inteligjencës Kombëtare do të duhej të paraqiste një “analizë të hollësishme të të dhënave dhe inteligjencës së fenomeneve ajrore të paidentifikuara”.
Demokratët dhe Republikanët që kërkojnë një raport në lidhje me objekte të paidentifikuara fluturuese, një temë që jo shumë kohë më parë ishte kompetencë e tifozëve të filmave fantastiko-shkencor, teoricientëve të konspiracionit dhe entuziastëve mbi alienët, tregon se mundësia e inteligjencës jashtëtokësore është shumë më pak absurde për zyrtarët e nivelit të lartë amerikan tani sesa ishte dikur.
Masa erdhi në fund të një viti me disa zhvillime të rëndësishme për UAP. Në prill të vitit 2020, DOD lëshoi zyrtarisht tre video të marra nga pilotët e marinës që ishin zbuluar vite më parë. Regjistrimet tregonin objekte që fishkëllenin nëpër qiell në një mënyrë që ishte mjaft e çuditshme për të tërhequr vëmendjen e pilotëve.
DOD konfirmoi vërtetësinë e videove vite pasi entuziastët e UFO-ve kishin analizuar tashmë çdo sekondë të pamjeve në internet “për të hequr çdo keqkuptim nga publiku nëse filmimet që kanë qarkulluar ishin apo jo reale, ose nëse kishin apo jo më shumë video”, sipas një njoftimi për shtyp të Pentagonit. “Fenomenet ajrore të vëzhguara në video mbeten të karakterizuara si “të paidentifikuara”.
Asnjë e përbashkët mes rasteve të raportuara rreth UFO-ve
Më pak se katër muaj më vonë, u formua Task Forca e Identifikimit të Fenomeneve Ajrore të Paidentifikuara – dhe tani studiuesit e saj do të paraqesin gjetjet e tyre në Kongres. Profesori i Harvardit Loeb, i cili në fillim të këtij viti botoi librin “Jashtëtokësorët: Shenja e parë e jetës inteligjente përtej Tokës”, thotë se marina nuk mund të rishikojë videot e vjetra dhe se zyrtarët duhet të vazhdojnë të kërkojnë prova.
“Në vend të deklasifikimit të dokumenteve që pasqyrojnë teknologjitë e vjetra të përdorura nga dëshmitarët pa ndonjë ekspertizë shkencore, do të ishte shumë më mirë të vendoseshin pajisje moderne regjistrimi…në vendet nga erdhën raportet dhe të kërkonin sinjale të pazakonta,” Loeb shkroi në e-mailin e tij për DW.
Peiniger thotë se pas shumë rasteve që ai ka hulumtuar, ai është shumë skeptik se çdo shikim i UAP-it është anije kozmike aliene. “Nëse me të vërtetë do të kishte inteligjencë jashtëtokësore që na erdhi të na vizitonte, do të duhej të kishin disa gjëra të përbashkëta të UFO-ve të tyre,” theksoi ai – forma e pretenduar e anijeve kozmike ose modelet e fluturimit për shembull. “Por ne nuk gjetëm diçka të tillë në rastet që shqyrtuam.” “Unë nuk dua ta përjashtoj plotësisht,” tha Peiniger,” por unë po supozoj se ne nuk jemi duke u vizituar nga jashtëtokësorët.”
Marrë nga DW.
Iftar dhe politikë, a u prek Muaji i Ramazanit nga politikanët?
SHBA-Nënpresidentja e SHBA-së, Kamala Harris do të shkojë të dielën në Guatemalë dhe Meksikë në përpjekje për të diskutuar me qeveritë e atyre vendeve për uljen...
NIGERI- Nigeria do të ndjekë penalisht këdo që zbulohet se ka shkelur urdhërin që ndalon hyrjen dhe përdorimin e platformës Tëitter. BBC shkruan se vendimi i qe...
KINË– Një sulm vdekjeprurës me thikë ndodhi në rrugën e një qyteti kinez, ku një person vrau 6 persona dhe plagosi 15 të tjerë.Incidenti ndodhi pasditen e ...
GJERMANI– Reiner Haseloff duket ekstremisht i nervozuar, ai rrudh ballin e shkund kokën. Që prej dhjetë vjetësh 67 vjeçari me profesion fizikant qe...
GREQI– Kërkimi për vrasësit e Caroline në Glyka Nera të Greqisë po merr një kthesë të re pasi hetimet nuk janë ndalur që prej ditës që ajo u vra në sy të foshnj...
SHBA– Drejtori i ri i NASA, Bill Nelson, ka urdhwruar shkencëtarët e agjencisë që të hetojnë objektet e paidentifikuara fluturuese, tw njohura si Ufo. Në...
SHBA– Zëdhënësi i Departamentit të Shtetit Ned Price tha se ekipi negociator i Shteteve të Bashkuara nuk është “as optimist dhe as pesimist” për arritjen ...
Grupi i shtatë vendeve me të industralizuara të botës (G-7) ra dakord të mbështesë një normë minimale takse në rang botëror prej të paktën 15% ndaj korporatave ...
SHBA– Një gjyqtar federal rrëzoi të premten një vendim 32-vjeçar që ndalonte shitjen në Kaliforni të armëve të sulmit. Ai e cilësoi vendimin e mëpa...
Një sulm ajror turk vrau të paktën tre persona dhe plagosi të disa të tjerë të shtunën në një kamp për të zhvendosurit në pjesën veriore të Irakut, tha Rashad K...
