Tronditet Elbasani/ Një person qëllon drejt një lokali, plagosen tre persona. Autori largohet menjëherë nga vendngjarja (EMRAT)
Plagosja me armë zjarri në Elbasan/ Sherri mes adoleshentëve nisi në një lokal 20 Korrik, 21:14 ...
Plagosja me armë zjarri në Elbasan/ Sherri mes adoleshentëve nisi në një lokal 20 Korrik, 21:14 ...
Dita e 51-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
"Më shiko në sy Sali"/ Çaushi- Berishës: Dezinformove për reformën dhe për shtëpinë time 20 Korr...
Berisha: Ja tre zyrtarët që kanë qenë në Aruba, SPAK fsheh emrat e tyre sepse është seksion i Partisë So...
TIRANË– Gjyqtarja Enkelejda Hoxha është gjyqtarja e Krujës, e cila u arrestua ditën e sotme me urdhër të Prokurorisë së Posaçme, SPAK pas disa muajsh nën hetim pas lirimeve skandaloze të një sërë të dënuarve për vrasje. Gjithashtu, Enkelejda Hoxha ishte në procedim nga Inspektoriati i Lartë i Drejtësisë, i cili kërkoi shkarkimin e saj.
Ajo ishte gati që të firmoste lirimin nga burgu të Sajmir Petanit i cili është i dënuar me 25 vite burg për vrasje dhe ishte ekstraduar nga Italia për të vuajtur dënimin për ekzekutimin e Romeo Beqirit, duke i prerë kështu biletën e lirisë. Ata që e njohin nga afër znj.Hoxha thonë se gjykata e Krujës përsa kohë që Hoxha zhvillonte gjyqet e saj, ishte kthyer në një “pikë kalimi me tra”, ku sa herë që gjyqtarja zhvillonte seancat, dikush paguante dhe më pas lirohej, pavarësisht dënimit apo veprës penale për të cilën ishte futur në qeli.
Po ky nuk është rasti i parë që Hoxha tentoi të nxirrte një të dënuar për vrasje nga burgu. Ndër vite, gjyqtarja ka marrë një sërë vendimesh skandaloze, ku disa të dënuar për vrasje kanë gjetur lirinë.
LIRIMI I ENDRIT DOKLES
Endrit Dokle u arrestua në vitin 2004 dhe u lirua pas 16 viteve burg, 4 vite u ulën nga amnistia që u njoh nga gjyqtarja Hoxha, ndërsa 5 vitet që mbetën nga 25 në total që u la përfundimisht (pas heqjes së dënimit përjetë), u konvertuan në shërbim prove. Enkelejda Hoxha që i hoqi dënimin përjetë. Pas dy vendimeve që i njohu uljen e 4 viteve burg nga amnistia, lëvizja kyçe për lirimin nga burgu të Dokles që ka qenë dënuar për grup të strukturuar kriminal dhe vrasje ishte kërkesa në shtator të vitit të kaluar për ndryshimin e vendit të vuajtjes së dënimit nga burgu i sigurisë së lartë në Fushë Krujë në një burg të sigurisë së zakonshme. Kërkesa e tij u pranua po nga gjyqtarja Enkelejda Hoxha.
GENC TAFILI
Genci Tafili ishte i dënuar me 25 vite burg për vrasjen e kreut të policisë së Shkodrës, Arben Zylyftari, ngjarje e ndodhur në vitin 2000 në qytetin e Shkodrës. Genc Tafili kreu 17 vite burg që nga arrestimi i tij në vitin 2000. Tafili është vëllai i Admir Tafilit, edhe ky i dënuar për vrasje. Prokuroria e cilësoi vendimin në kundërshtim të hapur me ligjin. Sipas organit të akuzës, ligji e parashikon që nga lirimi me kusht nuk mund të përfitojnë personat e dënuar për veprën penale “vrasje në rrethana të tjera cilësuese”, vepër për të cilën ishte dënuar dhe Tafili.
Por gjyqtarja e Krujës nuk e ka marrë parasysh këtë fakt dhe ka urdhëruar lirimin e tij. Ndërsa ministrja e Drejtësisë, Etilda Gjoni, kërkoi shkarkimin nga detyra. Po ashtu edhe presidenti Ilir Meta ka urdhëruar menjëherë Inspektoriatin e Këshillit të Lartë të Drejtësisë, që në përputhje me kërkesat e ligjit, të fillojë urgjentisht verifikimin e rastit në fjalë dhe veprimtarinë proceduriale të kësaj gjykate. Hoxha ia hodhi sërish një masë disiplinore.
ILIR PAJA
Një tjetër i dënuar u liruar nga firma e Hoxhës është edhe Ilir Paja, i cili njihet nga të gjithë me nofkën “UFO”. Paja u lirua 1 vit para se dënimi i tij të përfundonte.
Për më shumë bëhu pjesë e grupit më viral në Facebook, Dosja.al
Ilir Paja është i njohur për arratisjet spektakolare nga burgjet italiane dhe gjermane. Disa vite më parë në një ngjarje të rëndë të ndodhur tek Farmacia 10 në Tiranë, Ilir Paja, i arratisur nga burgjet italiane, tentoi të ekzekutonte një efektiv policie, i cili kishte shkuar ta arrestonte në vitin 2008.
Lidhur me rastin, Këshilli i Lartë i Drejtësisë asokohe, nisi verifikimet e nevojshme. Ministri i Drejtësisë i asaj kohe Nasip Naço, ka kërkuar fillimisht shkarkimin e gjyqtares dhe largimin e saj nga trupa gjyqësore shqiptare, por në një mbledhje të zhvilluar me dyer të mbyllura u ndryshua kërkesa dhe u mor një vendim paralajmërues.
SKANDALI
Në vitin 3 nëntor të 2017, gjyqtarja Enkeleida Hoxha u rikthye në qendër të vëmendjes me një tjetër skandal. Kësaj here gjyqtarja e rrethit gjyqësor të Krujës nëpërmjet një vendimi, vendosi njohjen e vjetërsisë në punë të Marjana Prenucas, një qytetareje , duke i njohur vitet e punës që në moshën 5-vjeçare.
REXHEP RRAJA
Enkeleida Hoxha është gjithashtu gjyqtarja që firmosi vendimin për arrestimin e Rexhep Rrajës, ndërsa dosja u përgatit nga prokurorja Mirela Kapo. I menjëhershëm ishte reagimi i kryeministrit, i cili tha se për qeverinë që ai drejton të gjithë janë të barabartë përpara ligjit.
HEKURAN BILLA
I vrarë në një atentat të rëndë mu në mes të Tiranës, në afërsi të Komunës së Parisit tek Qendra Kristal, edhe Hekuran Billa u lirua nga burgu falë zemërgjerësisë së gjyqtares Enkelejda Hoxha. I dënuar për vrasjen e Prel Markut, 22 vjeçarit shqiptar në Park Royal në Londër në vitin 2006, Billa u ekstradua të vuante dënimin në Shqipëri, por bujaria e Enkelejda Hoxhës bëri që ai të lirohej para kohe. Ky lirim dhe kjo mosdhënie drejtësie, bëri që vëllezërit e viktimës, e më konkretisht Viktor Marku, të bënte vetëgjyqësi duke e ekzekutuar atë më 11 qershor të vitit 2020 tek qendra Kristal në Tiranë.
SAIMIR PETANI
Saimir Petani është”pika” që derdhi gotën e mbushur me lirime të gjyqtares Enkelejda Hoxha. Edhe ky i dënuar për vrasje me 25 vite burg, dhe i ekstraduar nga Italia në maj të vitit 2020, për ekzekutimin e Romeo Beqirit, do të lirohej sot në një seancë që do të zhvillohej në gjykatën e Krujës. Por aty, biletën e lirisë ia dogji Prokuroria e Posaçme që bëri arrestimin e Enkelejda Hoxhës, avokatit të Petanit, Aldo Tabaku dhe 8 personave të tjerë.
(k.m;f.g/dosja.al)
1 vit nga zgjedhjet e 25 prillit si e shikoni gjendjen e vendit:
TIRANË– Moti i keq i cili ka përfshirë vendin tonë 24 orë e fundit, ka shkaktuar rrëshqitje dherash dhe probleme në disa akse rrugore.Rrëshqitje ka patur d...
TIRANE– Saimir Petani është i dënuari për vrasje që aktualisht po vuan dënimin në burgun e Fushë-Krujës dhe kërkoi të merrte lirinë përmes ndikimit të gjyqtares...
TIRANË– Gjyqtarja Enkelejda Hoxha është arrestuar ditën e sotme nga SPAK pasi akuzohet për korrupsion, shpërdorim detyre dhe ndikim në funksionarë publikë....
BERAT- 4 persona janë arrestuar ditën e sotme në Berat. Lajmin e ka bërë të ditur policia, ku shkruan se 2 nga personat e arrestuar kanë qenë të shpallur në kër...
TIRANE- 10 të arrestuar bashkë me gjyqtaren e Krujës Enkelejda Hoxha. Prokuroria e Posaçme ka sqaruar arsyet por edhe skemën sesi gjyqtarja Enkelejda Hox...
BERAT– Moti i keq me rrebeshe shiu dhe stuhi që ka përfshirë që prej orëve të para të mëngjesit edhe qytetin e Beratit, ka shkaktuar përmbytje në disa akse rrug...
TIRANË– Detaje të reja kanë dalë pas arrestimit të gjyqtares Enkelejda Hoxha. Sipas informacioneve paraprake, burime bëjnë me dije se këta persona po plani...
TIRANË– Me një urdhër të ri në Infektiv, nuk do të lejohen më ushqimet nga jashtë për të sëmurët. Kështu, familjarët do mund të sjellin për të shtruarit ve...
TIRANË– Familjarët e pacientëve që janë shtruar në spitalin Infektiv shprehen se shërbimi që të afërmit e tyre po marrin është shumë i mirë. Për R...
