LIVE UPDATES
Aktualitet

Probleme me farat e domateve? MBZHR: Janë pa ngarkesa patologjike që çojnë në reduktim prodhimi

11 Tetor 2021, 16:33 Nga DOSJA
Probleme me farat e domateve? MBZHR: Janë pa ngarkesa patologjike që

Problemet e shfaqura me prodhimin e domates në disa ferma të Roskovecit dhe Beratit, nuk erdhën si pasojë e farave të bimëve. Ky është përfundimi i raportit të hartuar nga një grup pune i ngritur nga Ministria e Bujqësisë dhe Universiteti Bujqësor i Tiranës. Analizat që u kryen në 2 laboratorë brenda dhe jashtë vendit nxorrën të njëjtin rezultat, se fara nuk ishte shkaktare për mungesën e prodhimit.

“Farat i kemi marrë nga distributori, i kemi analizuar në 2 laboratorë në mënyrë paralele. Ndaj kemi bindjen absolute se, nuk kemi fara me probleme apo me ngarkesa të ndryshme patologjike që mund të çojnë në reduktimin e prodhimit”, tha Shpend Shahini, përgjegjes i Departamentit për Mbrojtjen e Bimëve, UBT.

Pas monitorimeve në terren specialistët veçuan ndër faktorët kryesorë të situatës: ndryshimet klimatike dhe afatin e mbjellës së farës.

“Parametrat klimaterike të këtij viti janë të papërshtatshme për të pasur frutifikim normal, pasi çojnë në tharjen e pjalmit, dhe jo çdo fermer ka respektuar afatet e mbjelljes. Duke patur temperatura të larta dhe një lagështirë ajrore të ulet shfaqen një grupim dëmtuesish që janë krahëbardhat e serave që këtë vit janë më të shumtë dhe janë shumë më agresive”.

Në raport rekomandohet që fermerët të respektojnë afatin e të mbjellave, të intensifikohen shërbimet agrikulturale si ujitja dhe plehrimi, si dhe përdorimi kromo-grackave për të evidentuar infeksionet e paratë insekteve.

Marrë nga Tv Klan.

Iftar dhe politikë, a u prek Muaji i Ramazanit nga politikanët?

View Results

aktualitet aktualitet farat e bimeve mbzhr farat e bimeve mbzhr

Sondazh

Poll

VIDEO-VIRALE/ Po fliste në Rrugën e Salës, demokrati 'kapet mat' nga gruaja

VIDEO-VIRALE/ Po fliste në Rrugën e Salës, demokrati 'kapet mat' nga gruaja

"Injoranca nuk është argument" Nuk i pëlqeu pyetja, Rama prek në faqe gazetaren Ambrozia Meta