Seancë plenare në Kuvend/ PD anulon bojkotin! Peleshi i heq fjalën Berishës: Mu drejto me etikë
"Më shiko në sy Sali"/ Çaushi- Berishës: Dezinformove për reformën dhe për shtëpinë time 20 Korr...
"Më shiko në sy Sali"/ Çaushi- Berishës: Dezinformove për reformën dhe për shtëpinë time 20 Korr...
Berisha: Ja tre zyrtarët që kanë qenë në Aruba, SPAK fsheh emrat e tyre sepse është seksion i Partisë So...
Incident para Kuvendit! Policia largon me forcë ish-luftëtarët e UÇK-së, Dritan Goxhaj dhe Meçan Zotaj(VIDEO) ...
"Jo 50, as 150, por edhe 1 550 ditë, ne do jemi këtu"/ Protestuesi dekoron qytetarët në shesh: Ju meritoni medalje ...
TIRANË- Ministri i Brendshëm Sandër Lleshaj ka reaguar pas publikimit të fotove të makinës luksoze, me të cilën ai lëviz. Nëpërmjet një postimi në Facebook, Lleshaj thekson makina nuk është në pronësi të tij, por të shtetit. Ai sqaron më tej se ky mjet nuk ka kushtuar 150 mijë euro, por vetëm 49 mijë euro.
Ministri i Brendshëm hedh akuza ndaj mediave, për të cilat shprehet se mbajnë gjallë tymin e një mashtrimi skandaloz.
Sandër Lleshaj:
Po bëhen disa javë që disa portale ordinere dhe tutorët e tyre jo dhe aq periferikë, po përpiqen të mbajnë gjallë tymin e një mashtrimi skandaloz. Sipas tyre, Ministri i Brendshëm paska blerë një makinë, që herë kushton 100 milionë lekë e herë arrin në 150 mijë Euro. Aq shumë janë sforcuar për t’a përsëritur këtë mashtrim, sa ai ka mbërritur edhe tek disa qytetarë të nderuar, të cilët më kanë pyetur rreth të vërtetës.
Vetëm në respekt të tyre dhe jo në përgjigje të shpellave virtuale, po bëj këto sqarime elementare:
1. Sandër Lleshaj si person ka në pronësi një automjet mëse të zakonshëm, që prej një dekade. Ai nuk e ka as të mundur dhe as ndërmend të blejë një makinë të re;
2. Për shkak të funksionit shtetëror, Ministri i Brendshëm dhe grupi i tij i shoqërimit ka në përdorim disa automjete;
3. Po bëhen disa muaj që një automjet i dalë jashtë përdorimit është zëvendësuar me një të ri;
4. Automjeti nuk ka kushtuar 100 milionë lekë, as 150 mijë Euro, sikundër përpiqen të infektojnë opinionin publik shpellat e dyshimta virtuale, por vetëm 49 mijë Euro;
5. Ky çmim, i cili është sa gjysma ose sa një e treta e atij që është hedhur në eter në mënyrë të paturpshme nga larot dhe tutorët e tyre, e bën të qartë përpjekjen kriminale për intimidim dhe për dezinformim publik;
6. Vetëm për krahasim, vlen të theksohet se vlera e automjetit të ri në përdorim të Ministrit të Brendshëm është e përafërt me vlerën e automjeteve të reja të vëna në përdorim të Policisë së Shtetit, në Tiranë dhe në të gjitha qarqet e vendit gjatë këtij viti, si pjesë e programit të modernizimit të saj.
E vërteta është kaq e thjeshtë. Nuk ka makinë për Sandër Lleshajn, por për shtetin; nuk ka makinë 100 milionëshe, por një makinë krejt normale, me çmim mëse të zakonshëm. Sigurisht që kjo tentativë për intimidim apo shantazh nuk do të mbetet pa përgjigje. Larot virtualë dhe tutorët e tyre, që mundohen të qëndrojnë në errësirë, nuk janë të panjohur. Përgjigja për ta do të jetë në rrugë ligjore dhe gjyqësore. Me këtë rast, dua të garantoj qytetarët dhe miqtë e mi se unë nuk e njoh as lëkundjen, as shmangien dhe as tërheqjen nga misioni im, që është shërbimi ndaj Shqipërisë.
Aq mirë e njoh veten time, sa tentativat mjerane për baltosje vetëm sa më motivojnë për të bërë më shumë kundër krimit, i cili ndonëse përpiqet të sofistikohet duke u bërë edhe virtual, nuk mund t’i shmanget goditjes që bëhet përditë më e fortë. E njoh veten time, por edhe ata aq mirë, sa sulmet e tyre më bëjnë edhe të qesh.
Ky reagim i ministrit të Brendshëm vjen pas publikimit të disa fotove, ku Lleshaj shfaqet duke lëvizur me një mkainë të shtrenjtë. Makina është model i viteve të fundit dhe ajo ra “në sy” teksa ministri shkoi në seancën e fundit plenare.
J.V/Dosja.al
1 vit nga zgjedhjet e 25 prillit si e shikoni gjendjen e vendit:
TIRANE- Ish-deputetja e Partisë Demokratike Albana Vokshi nëpërmjet një statusi në ‘Facebook’ ka publikuar pamjet që vijnë nga nisja e vitit të ri s...
TIRANË- Presidenti Ilir Meta ka uruar nxënësit dhe mësuesit për vitin e ri shkollor. Nëpërmjet një postimi në Facebook, kreu i shtetit ka bërë thirrje që t...
TIRANE– Kryeministri Edi Rama ka uruar të gjithë ata që nisin sot, vitin e ri shkollor 2020-2021.Ky është një vit ndryshe nga herët e tjera, për shkak të pandem...
TIRANË– Zëdhënësja e Partisë Demokratike, Ina Zhupa, në një status që ka bërë në rrjetet sociale ka ka publikuar letrën që kryetari i Bashkisë së Tiranës ...
TIRANË– Kreu i Partisë Demokratike Lulzim Basha ka kërkuar që qeveria të shtojë testimet dhe të bëjë që të gjithë mësuesit të bëjnë tamponin për Covi...
TIRANË– Ish-deputetja Grida Duma ka kërkuar që prokuroria të nisë hetimet ndaj kryeministrit për shantazh dhe frikësim ndaj Manjola Cakonit. Përmes një rea...
TIRANË– Ish-deputeti socialist Namik Dokle ka reaguar i pikëlluar pas humbjes së profesrit të njohur Sabit Brokaj. Përmes një statusi në rrjetet sociale, D...
GREQI-Kryeministri i Greqisë ditën e sotme Kyriakos Mitsotakis, në një konferencë për shtyp ka treguar se pas disa ditësh në Athinë në kuadrin e forumit të “The...
TIRANE– Kryeministri Edi Rama ka reaguar në lidhje me ndarjen nga jeta të 78-vjeçarit Sabit Brokajt.Ai ka postuar një foto të profesorit dhe politikanit ...
