6 Korrik 2022, 14:53
Nga A.B
Ilir Meta
TIRANË- Presidenti Ilir Meta kërkon që të hiqet dorë nga projektligji për amnistinë fiskale dhe penale. Përmes një postimi në 'Facebook', presidenti thotë se e ka ndjekur më shumë vëmendje reagimet që kanë dalë nga ekspertë vendas dhe të huaj dhe paralajmërimin e Bashkimit Europian.
Meta tregon se do të mbështesë shqetësimet e argumentuara që ngrenë alarmin mbi nismën. Ai bën thirrje të hiqet urgjentisht dorë nga kjo përpjekje që sipas tij është e pashpresë. Kreu i shtetit thotë se duhet të zbatohen pa vonesë rekomandimet e Fondit Monetar Ndërkombëtar dhe të Bashkimit Europian, duke u kërkuar ndjesë të gjithë shqiptarëve të ndershëm për këtë provokim të pamerituar.
POSTIMI:
Kam ndjekur me shumë vëmendje reagimet e shumta nga ekspertë vendas dhe të huaj, si dhe paralajmërimin zyrtar të Bashkimit Europian, mbi projektligjin për amnistinë fiskale dhe penale.Ndër argumentet e bazuara kundër kësaj nisme të Qeverisë, paralajmërohet se përmes këtij ligji: - Do të favorizohej qartësisht bota e krimit, duke ofruar mundësinë që të ardhurat e përftuara ndër vite prej aktivitetit kriminal nga grupe të organizuara apo individë të pushtojnë ekonominë vendase, dhe veçanërisht tregun financiar, në mënyrë të ligjshme; - Do të goditej drejtpërdrejt dhe dëmtohej biznesi i ndershëm dhe iniciativa e lirë vendase; - Do të dekurajoheshin edhe më tej investimet e huaja serioze në Shqipëri; - Do të kriminalizohej e gjithë ekonomia, dhe si pasojë edhe gjithë shoqëria shqiptare, duke ekspozuar vendin si destinacion që favorizon veprimtarinë e organizatave dhe grupeve kriminale mafioze ndërkombëtare; - Do të minohej edhe më tej besimi i shoqërisë tek shteti i së drejtës, tek institucionet, tek barazia përpara ligjit, dhe do të nxitej edhe më shumë ekonomia informale; - Do të inkurajohej perceptimi i gabuar dhe shumë i rrezikshëm se çdo veprimtari kriminale dhe produkt i saj do të amistohet gjithmonë në të ardhmen; - Do të sillte si pasojë rritjen kriminalitetit të rrugës;- Do të minoheshin përpjekjet për të luftuar krimin e organizuar, që sipas raporteve të agjencive të specializuara, tashmë e ka kthyer Shqipërinë në bazë operacionale; - Do të dobësohej angazhimi dhe efikasiteti i të gjitha strukturave dhe mekanizmave shtetërorë që luftojnë pastrimin e parave dhe produkteve të veprave penale; - Do të dëmtohej bashkëpunimi me vendet partnere, dhe procesi i anëtarësimit në Bashkimin Europian; - Do të kompromentohej rëndë imazhi i Shqipërisë si anëtare e NATO, dhe do të cënohej imazhi i panjollë i të gjithë shqiptarëve të ndershëm; I mbështes plotësisht të gjitha këto shqetësime të argumentuara që ngrenë alarmin mbi nismën e fundit të Qeverisë, dhe që janë shprehur edhe më herët përmes Rezolutës së Parlamentit Europian së datës 19 maj 2022.
Shpërfillja e papërgjegjshme e Qeverisë ndaj tyre është e papranueshme dhe e patolerueshme.
Kushdo që mendon se do të kompromentojë shqiptarët e ndershëm si bashkautorë në krim e ka gabim.
Bëj thirrje të hiqet urgjentisht dorë nga kjo përpjekje e pashpresë, dhe të zbatohen pa vonesë rekomandimet e Fondit Monetar Ndërkombëtar dhe të Bashkimit Europian, duke u kërkuar ndjesë të gjithë shqiptarëve të ndershëm për këtë provokim të pamerituar. Qeveria shqiptare ka për detyrë të krijojë kushtet dhe të stimulojë zhvillimin e vendit përmes punës së ndershme, konkurrencës së lirë dhe mundësive të barabarta, dhe jo ta shpallë krimin si modelin e suksesit në jetë.
Ministria e Financave dhe Ekonomisë ka përgatitur projektligjin “për Amnistinë Fiskale”, i cili lejon që një individ së bashku me familjarët e tij të ketë mundësi të legalizojë pasuri me vlerë deri në 2 milionë euro.
ilir meta projekligji per amnistinë fiskale
Politike
6 Korrik 2022, 14:51
A.B
Gentiana Sula
TIRANË- Kryetarja e Autoritetit të Dosjeve Gentiana Sula ka deklaruar ditën e sotme në një seancë dëg...
Politike
6 Korrik 2022, 14:26
F.M
Flamur Noka
TIRANË- Sekretari i Përgjithshëm i Partisë Demokratike Flamur Noka është shprehur i bindur se nesër në ...
Politike
6 Korrik 2022, 14:23
F.M
Delina Ibrahimaj
TIRANË- Ministrja e Financave Delina Ibrahimaj iu përgjigj kryetares së Lëvizjes Socialiste për Integrim, Monika ...
Politike
6 Korrik 2022, 14:19
A.B
Delina Ibrahimaj
TIRANË- Ministrja e Financës dhe Ekonomisë, Delina Ibrahimaj ka reaguar lidhje me deklaratat e LSI-së per abuzimet me ...
Politike
6 Korrik 2022, 14:04
e.k
Qente endacakë
TIRANË- Deputeti demokrat i Lushnjes Saimir Korreshi i njohur për ironitë e tij ka ironizuar sot Bashkinë e Lushnj...
Politike
6 Korrik 2022, 13:51
A.B
Luçiano Boçi
TIRANË- Deputeti i Partisë Demokratike, Luçiano Boçi deklaroi ditën e sotme se kryeministri Edi Ram...
Politike
6 Korrik 2022, 13:39
F.M
Monika Kryemadhi
TIRANË- Kryetarja e Lëvizjes Socialiste për Integrim, Monika Kryemadhi ka folur sërish për evazionin e madh fiska...
Politike
6 Korrik 2022, 13:36
F.M
Monika Kryemadhi
TIRANË- Kryetarja e LSI-së Monika Kryemadhi u bëri thirrje socialistëve të zhgënjyer që të marrin ...
Politike
6 Korrik 2022, 12:38
A.B
Kerpudha
TIRANË- 'Çdo skenar është i mundshëm' paralajmëroi sot kryetari i Partisë Demokratike, Sali Berisha ditë...
Politike
6 Korrik 2022, 12:22
A.B
Ogerta Manastirliu
TIRANË- Këshilli i Ministrave ka vendosur të rrisë me 6% pagat e personelit shëndetësor. Pas përfundi...