Dita e 50-të e revoltës qytetetare/ Shqiptarët vijojnë qëndresën në shesh: Rama në burg, Berisha në burg
"Jo 50, as 150, por edhe 1 550 ditë, ne do jemi këtu"/ Protestuesi dekoron qytetarët në shesh: Ju meritoni medalje ...
"Jo 50, as 150, por edhe 1 550 ditë, ne do jemi këtu"/ Protestuesi dekoron qytetarët në shesh: Ju meritoni medalje ...
Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Shetet e Gjirit Persik dënojnë sulmet iraniane ndaj infrastrukturës civile: Janë krime lufte 18 Korrik, 17:37 ...
Abuizimi me fondet në Durrës, zbardhen dëshmitë/ Elisabeta Mataj: Jam qytetare e lirë, kush ma ndalon kazinonë...
Sot është vendosur një shpërblim financiar në masën 15 mijë lekë në muaj për të gjithë ato mjekë që përfundojnë specializimin dhe ushtrojnë profesionin e tyre jashtë vendbanimit të tyre.
TIRANË- Këshilli i Ministrave ka vendosur të rrisë me 6% pagat e personelit shëndetësor. Pas përfundimit të mbledhjes, ministrja e Shëndetësisë, Ogerta Manastirliu bëri të ditur se politika e krijuar nga qeveria shqiptare, synon që të ofrojë mbështetje për të gjithë personelin shëndetësor. Po ashtu, Manastirliu tha se qeveria do të ofrojë shpërblim prej 15 mijë lekësh në muaj për mjekët që ushtrojnë profesionin e tyre jashtë vendbanimit të tyre.
'Do prezantoj një akt të rëndësishëm, ka të bëjë me politikën e rritjes ë pagave për personelin shëndetësor, nga data 1 korrik, mjekët, infermierët, paga e tyre rritet me 6%. Kjo politikë është përfshirë në të gjithë mbështetjen që qeveria shqiptare ka për sistemin shëndetësor. Përgjatë 2 mandateve rritja e pagave e tyre ka qënë konsistente. Duke filluar nga 1 korriku rritet dhe me 6%. Kemi vendosur dhe një shpërblim financiar me 15 mijë lekë në muaj për mjekët që ushtrojnë profesionin jashtë vendbanimit, do ta përfitojnë këtë shpërblim mbi pagën. Rritja e pagave do të vijojë, synojmë që të rriten 40% duke filluar nga ky vit e në vazhdim. Ndërkohë që rritja e pagave do të vijojë fokusi do të jetë në përmirësimin e kushteve të punës. '- u shpreh Manastirliu.
V E N D I M PËR DISA NDRYSHIME DHE SHTESA NË VENDIMIN NR.555, DATË 11.8.2011, TË KËSHILLIT TË MINISTRAVE, “PËR MIRATIMIN E STRUKTURËS DHE TË NIVELEVE TË PAGAVE TË PUNONJËSVE TË PERSONELIT MJEKËSOR, TË PUNONJËSVE ME ARSIM TË LARTË DHE TË PUNONJËSVE TË PERSONELIT TEKNIK TË SHKENCAVE MJEKËSORE, NË SISTEMIN E MINISTRISË PËRGJEGJËSE PËR SHËNDETËSINË, NË NJËSINË MJEKËSORE USHTARAKE PRANË SPITALIT UNIVERSITAR TË TRAUMËS, NË STRUKTURAT E TJERA TË FORCAVE TË ARMATOSURA DHE NË INSTITUCIONET E EKZEKUTIMIT TË VENDIMEVE PENALE DHE SPITALIN PËRKATËS”, TË NDRYSHUAR
Në mbështetje të nenit 100 të Kushtetutës dhe të pikës 2, të nenit 4, të ligjit nr.10405, datë 24.3.2011, “Për kompetencat për caktimin e pagave dhe të shpërblimeve”, me propozimin e Kryeministrit, Këshilli i Ministrave
V E N D O S I:
1. Në vendimin nr.555, datë 11.8.2011, të Këshillit të Ministrave, “Për miratimin e strukturës dhe të niveleve të pagave të punonjësve të personelit mjekësor, të punonjësve të tjerë me arsim të lartë dhe të punonjësve të personelit teknik të shkencave mjekësore, në sistemin e ministrisë përgjegjëse për shëndetësinë, në Njësinë Mjekësore Ushtarake pranë Spitalit Universitar të Traumës, në strukturat e tjera të Forcave të Armatosura dhe në institucionet e ekzekutimit të vendimeve penale dhe spitalin përkatës”, të ndryshuar, bëhen këto ndryshime dhe shtesa:
a) Lidhja nr.1/AP dhe krerët 1.1 deri 1.8, të lidhjes nr.1, zëvendësohen me lidhjen e me krerët përkatës me të njëjtin numër dhe me të njëjtët tituj, që i bashkëlidhen këtij vendimi dhe janë pjesë përbërëse të tij;
b) Lidhja nr.2, krerët 2.1 deri 2.6, zëvendësohen me lidhjen me të njëjtin numër sipas krerëve përkatës dhe me të njëjtët tituj, që i bashkëlidhen këtij vendimi dhe janë pjesë përbërëse të tij;
c) Lidhja nr.4, “Struktura dhe nivelet e pagave për mjekët me tituj dhe grada shkencore”, zëvendësohet me lidhjen me të njëjtin numër dhe titull, që i bashkëlidhet këtij vendimi dhe është pjesë përbërëse e tij;
ç) Lidhja nr.7, “Struktura dhe nivelet e pagave për personelin teknik të shkencave mjekësore në Institutin e Shëndetit Publik”, zëvendësohet me lidhjen me të njëjtin numër dhe titull, që i bashkëlidhet këtij vendimi dhe është pjesë përbërëse e tij;
d) Lidhja nr.8, “Struktura dhe nivelet e pagave për personelin mjekësor dhe personelin teknik të shkencave mjekësore në institucionet e ekzekutimit të vendimeve penale dhe spitalin përkatës”, zëvendësohet me lidhjen me të njëjtin numër dhe titull, që i bashkëlidhet këtij vendimi dhe është pjesë përbërëse e tij;
dh) Lidhja nr.9, “Struktura dhe nivelet e pagave për personelin mjekësor civil në strukturat e Forcave të Armatosura të sistemit të Ministrisë së Mbrojtjes”, zëvendësohet me lidhjen me të njëjtin numër dhe titull, që i bashkëlidhet këtij vendimi dhe është pjesë përbërëse e tij;
e) Pas pikës 11 shtohet pika 11/1, me këtë përmbajtje:
“11/1. Mjekët e sistemit të ministrisë përgjegjëse për shëndetësinë, të cilët, pas përfundimit të specializimit në spitalet universitare, në bazë të detyrimit kontraktor me ministrinë përgjegjëse për çështjet e shëndetësisë, emërohen sipas nevojave të sistemit shëndetësor, larg vendbanimit të tyre, për një periudhë trevjeçare, përfitojnë një kompensim për kosto jetese, në masën 15 000 (pesëmbëdhjetë mijë) lekë në muaj, sipas specifikimeve që miratohen me udhëzim të ministrit përgjegjës për çështjet e shëndetësisë, bazuar në shtrirjen territoriale të shërbimit spitalor.”;
ë) Shkronja “a”, e pikës 12.2, ndryshohet, si më poshtë vijon:
“a) Për punën e kryer nga ora 19:00 deri në orën 22:00, si dhe për punën e kryer nga ora 22:00 deri në orën 06:00 përfitojnë shtesë mbi pagë, si vijon:
Në spitale dhe në Qendrën Kombëtare Terapeutike dhe Rehabilituese për Fëmijët: Nga ora 19:00 deri në orën 22:00 Nga ora 22:00 deri në orën 06:00
Për ditët e zakonshme 120 lekë 500 lekë
Për ditët e shtuna 200 lekë 800 lekë
Për ditët e diela e festat 240 lekë 1 000 lekë
f) Në pikën 12/4, shpërblimi i punonjësve të personelit të Zyrës së Mbrojtjes nga Rrezatimi, pjesë e Institutit të Shëndetit Publik, bëhet në masën 15 000 (pesëmbëdhjetë mijë) lekë në muaj;
g) Pas pikës 14 shtohet pika 14/1, me këtë përmbajtje:
“14/1. “Specialistët”, “përgjegjësit e sektorit” apo “drejtorët e drejtorive” të institucioneve të kujdesit shëndetësor të sistemit të Ministrisë së Shëndetësisë dhe Mbrojtjes Sociale, të cilët punojnë në pozicione që lidhen me procesin e informatizimit të shërbimit shëndetësor dhe kërkojnë, në mënyrë të detyrueshme, diplomë universitare të nivelit “Master i shkencave/Master profesional/Bachelor” apo të barasvlershme me to, sipas legjislacionit të arsimit të lartë, në degët “Inxhinieri elektronike”, “Inxhinieri informatike”, “Informatikë”, “Inxhinieri telekomunikacioni”, “Teknologji informacioni”, “Informatikë ekonomike”, “Inxhinieri matematike informatike” apo “Shkenca kompjuterike”, në masën:
– 7 500 (shtatë mijë e pesëqind) lekë në muaj, për nëpunësit e strukturave të TIK-ut, të institucioneve qendrore të sistemit të Ministrisë së Shëndetësisë dhe Mbrojtjes Sociale dhe në qendrat spitalore universitare/spitalin rajonal “Memorial” Fier;
– 5 000 (pesë mijë) lekë në muaj, për nëpunësit e strukturave të TIK-ut, të spitaleve rajonale apo bashkiake, të sistemit të Ministrisë së Shëndetësisë dhe Mbrojtjes Sociale.
Zbatimi i shtesave si më sipër për pozicionet konkrete bëhet pas miratimit paraprak të Departamentit të Administratës Publike, sipas përshkrimit të pozicionit të punës.
Përjashtohen nga ky parashikim nëpunësit e strukturave të TIK-ut, të institucioneve të kujdesit shëndetësor të sistemit të Ministrisë së Shëndetësisë dhe Mbrojtjes Sociale, që janë bërë pjesë e strukturës dhe organikës së Agjencisë Kombëtare të Shoqërisë së Informacionit.”.
2. Efektet financiare, që rrjedhin nga zbatimi i këtij vendimi, për vitin 2022, përballohen nga fondet e miratuara në ligjin nr.115/2021, “Për buxhetin e vitit 2022”, të ndryshuar, për politikat e reja të pagave.
3. Ngarkohen Ministria e Shëndetësisë dhe Mbrojtjes Sociale, Ministria e Mbrojtjes, Ministria e Drejtësisë dhe Fondi i Sigurimit të Detyrueshëm të Kujdesit Shëndetësor për zbatimin e këtij vendimi.
Ky vendim hyn në fuqi pas botimit në “Fletoren zyrtare” dhe i shtrin efektet financiare nga data 1 korrik 2022.
K R Y E M I N I S T R I
EDI RAMA
Në mungesë dhe me porosi
ZËVENDËSKRYEMINISTRI
ARBEN AHMETAJ
Sali Berisha TIRANË- Kryedemokrati Sali Berisha nuk ka dhënë skenar të qartë në lidhje me atë që pritet të ndo...
Edi Rama HOLANDË- Kryeministri Edi Rama ka dhënë një intervistëpër median holandeze, 'De Volkskrant'. Ai u shpreh se ësh...
Sali Berisha TIRANË- Kryedemokrati Sali Berisha ka paralajmëruar efektivët e policisë që të mos ushtrojnë presion apo k...
Selia blu dhe fletëpalosja TIRANË- Fletëpalosja e shpërndarë nga Partia Demokratike për protestën e 7 korrikut nis me fj...
Sali Berisha TIRANË- Kryedemokrati Sali Berisha ka paralajmëruar kryeministrin Edi Rama se do të marrë përgjigjen e duhur në ...
Protesta TIRANË- Protesta e ditës së nesërme e thirrur nga kryetari i Partisë Demokratike, Sali Berisha, do të zgjasë p&...
TIRANË- Në tryezën e tretë të Shoqërisë Civile me kryetarin e Partisë Demokratike, Sali Berisha, ku u promovua edhe li...
Keshilli TIRANË- Ditën e premte në orën 13:00 do të mblidhet Këshilli i Rregullores dhe Mandateve për të diskutuar...
Komisioni TIRANË- Ditën e sotme në Komisionin e Veprimtarisë Prodhuese, nisma e deputets së Partisë Socialiste, Luljeta Bozo,...
Nazif Tivari TIRANË- Një ditë para protestës së Partisë Demokratike, sipërmarrësi Nazif Tivari nga Durrësi b&e...
