Seancë plenare në Kuvend/ PD anulon bojkotin! Peleshi i heq fjalën Berishës: Mu drejto me etikë
"Ca të nënës dhe të njerkës"/ Bardhi akuza mazhorancës: Po shkelni rëndë parlamentarizmin! Keni futur n&...
"Ca të nënës dhe të njerkës"/ Bardhi akuza mazhorancës: Po shkelni rëndë parlamentarizmin! Keni futur n&...
Berisha: Ja tre zyrtarët që kanë qenë në Aruba, SPAK fsheh emrat e tyre sepse është seksion i Partisë So...
Incident para Kuvendit! Policia largon me forcë ish-luftëtarët e UÇK-së, Dritan Goxhaj dhe Meçan Zotaj(VIDEO) ...
"Jo 50, as 150, por edhe 1 550 ditë, ne do jemi këtu"/ Protestuesi dekoron qytetarët në shesh: Ju meritoni medalje ...
Meta tha se legalizimi i kanabisit nga Rama është borxhi i detyruar që ai po i paguan narkotrafikantëve për blerjen dhe vjedhjen e zgjedhjeve.
TIRANË- Kreu i Partisë së Lirisë, Ilir Meta, ka apeluar ndaj deputetëve të Kuvendit që të mos e votojnë ligjin për legalizimin e kanabisit mjekësor. Në fjalën e tij, Meta tha se legalizimi i kanabisit nga Rama është borxhi i detyruar që ai po i paguan narkotrafikantëve për blerjen dhe vjedhjen e zgjedhjeve.
Sipas tij, alibia e qeverisë, se legalizimi bëhet për qëllime shëndetësore, është thjesht dhe vetëm një alibi për të justifikuar krimin shtetëror dhe pengmarrjen e qeverisë.
Meta argumenton më tej se përdorimi mjekësor i kanabisit është eksperimental, shumë i kufizuar dhe i palegalizuar në formë protokollesh mjekësore të konsoliduara.
Fjala e Metës
“Shqipëria është një nga vendet kryesore tranzit të trafikimit të heroinës dhe kokainës. Ndërkohë që përfshirja e grupeve kriminale shqiptare në trafikun e kokainës në Europë, nga viti 2012 vlerësohet se ka rritur ndjeshëm konkurrencën, ka ulur çmimet dhe përmirësuar cilësinë, duke ndikuar në këtë mënyrë në rritjen e konsumit, tendencë që u bë e dukshme pas vitit 2015. Lidhjet e trafikantëve shqiptarë të drogës tashmë janë të drejtpërdrejta me Kolumbinë, Bolivinë dhe vende të tjera prodhuese. Kjo situatë, shumë e rënduar vjen sepse qeveria është bërë njësh me trafikantët dhe policia, veçanërisht krerët e saj janë inkriminuar thellë me ta, ashtu siç u pa ditët e fundit edhe me grupin e madh të policisë në Shkodër që ishte pjesë e trafikut të drogës. Kjo situatë, e lënë qëllimisht jashtë kontrollit nga qeveria ka detyruar DEA-n amerikane t’u kërkojë bashkëpunim qytetarëve dhe të hapë linja të veçanta komunikimi me ta. Gjithashtu Departamenti Amerikan i Shtetit në vazhdimësi ka konstatuar se kanabisi shqiptar dërgohet në Turqi dhe këmbehet me heroinë dhe kokainë, të cilat kontrabandohen nëpër Evropë nga trafikantët kombëtarë shqiptarë. Trafikantët shqiptarë, luajnë një rol të madh në trafikun ndërkombëtar të narkotikëve dhe rrjetet e krimit të organizuar.
Shqipëria konsiderohet si “një element kyç i rrugës ballkanike të trafikut të drogës në Evropën Perëndimore dhe në Mbretërinë e Bashkuar. Grupet shqiptare vlerësohet të kenë shtrirë praninë e tyre në të gjitha hallkat e trafikut që nga blerja, transporti, shpërndarja deri te zinxhiri i shitjeve në Evropë, Mbretërinë e Bashkuar dhe Shtetet e Bashkuara. Pikërisht, në një situatë të tillë kaq të rëndë, Rama po legalizon drogën, ndërkohë që Shqipëria prej vitesh konsiderohet ndërkombëtarisht si Kolumbi e Europës.
Është e qartë, se legalizimi i kanabisit nga Rama është borxhi i detyruar, që ai po i paguan narkotrafikantëve për blerjen dhe vjedhjen e zgjedhjeve.
Alibia e qeverisë, se legalizimi bëhet për gjoja qëllime shëndetësore është thjesht dhe vetëm një alibi për të justifikuar krimin shtetëror dhe pengmarrjen e qeverisë. Përdorimi mjekësor i kanabisit është eksperimental, shumë i kufizuar dhe i palegalizuar në formë protokollesh mjekësore të konsoliduara. Vlera dhe pesha e kanabisit në trajtimin mjekësor të patologjive në nivel botëror është praktikisht zero. Edhe pesha ekonomike e tij është thuajse zero dhe pa asnjë vlerë për ekonominë e vendit.
Pra është e qartë se legalizimi i kanabisit nga Rama është taksa, që ai po u paguan bandave të narkotrafikut për shërbimet e tyre në blerjen dhe vjedhjen e zgjedhjeve si dhe në pastrimin pa fre të parave të pista të qeveritarëve. Ju bëj thirrje deputetëve të Kuvendit të Shqipërisë që të mos e votojnë projektligjin e zi të legalizimit të kanabisit dhe të mos shndërrohen në bashkëpjesëmarrës në këtë krim kaq të rëndë kundër të sotmes dhe të ardhmes së vendit, dhe kundra jetës dhe shëndetit veçanërisht të të rinjve të Shqipërisë”, tha Meta.
Jorida Tabaku TIRANË- Deputetja e Partisë Demokratike, Jorida Tabaku, ka reaguar pas publikimit të raportit të publikuar së fundm...
Ogerta Manastirliu TIRANË- Këshilli i Ministrave miratoi sot një akt të rëndësishëm të Ministrisë së Sh&...
Evis Kushi TIRANË- Pas përfundimit të mbledhjes së Këshillit të Ministrave, ministrja e Arsimit Evis Kushi bëri të ...
Ogerta Manastirliu TIRANË- Ministrja e Shëndetësisë Ogerta Manastriliu u pyet ditën e sotme në lidhje me protestën e stu...
Nisma Thurje TIRANE- "Nisma Thurje" ka nisur fushatën për ndryshimin e sistemit zgjedhor. Kreu i "Nismës Thurje", Endrit Shabani u shpreh s...
Nicole Reidman IZRAEL- Qeveria shqiptare informoi Ministrinë e Jashtme izraelite se po rishqyrton synimin e saj për të emëruar biznesme...
Miroslav Lajçak BRUKSEL- I dërguari i Bashkimit Evropian Miroslav Lajçak është pyetur edhe rreth kapjes së policëve ...
Sali Berisha TIRANË- Kryetari i Partisë Demokratike, Sali Berisha ka reaguar pas punësimeve të familjarëve të Ermonela Felajt...
Yuri Kim TIRANË- Kryeministri Edi Rama ka dekoruar ambasadoren amerikane në Shqipëri, Yuri Kim pas përfundimit të mandatit të...
Marin Suli TIRANË- Sekretari i OMONIA-s, Marin Suli tha se çështjen e kryebashkiakut të Himarës, Fredi Beleri do ta çojn&...
