Seancë plenare në Kuvend/ PD anulon bojkotin! Peleshi i heq fjalën Berishës: Mu drejto me etikë
"Ca të nënës dhe të njerkës"/ Bardhi akuza mazhorancës: Po shkelni rëndë parlamentarizmin! Keni futur n&...
"Ca të nënës dhe të njerkës"/ Bardhi akuza mazhorancës: Po shkelni rëndë parlamentarizmin! Keni futur n&...
Berisha: Ja tre zyrtarët që kanë qenë në Aruba, SPAK fsheh emrat e tyre sepse është seksion i Partisë So...
Incident para Kuvendit! Policia largon me forcë ish-luftëtarët e UÇK-së, Dritan Goxhaj dhe Meçan Zotaj(VIDEO) ...
"Jo 50, as 150, por edhe 1 550 ditë, ne do jemi këtu"/ Protestuesi dekoron qytetarët në shesh: Ju meritoni medalje ...
TIRANË- Kryeministri Edi Rama u pyet nëse do të bashkëpunojë me koalicionin “Bashkë Fitojmë” në bashkitë ku kandidatët e forcës së djathtë kanë fituar nga zgjedhjet lokale tw 14 majit. Në konferencën për shtyp për gazetarët, kryeministri u përgjigj se bashkëpunimi është i pamundur për shkak të palës tjetër, por wshtw i hapur pwr bashkwpunim.
PJESË NGA BISEDA:
Zoti Rama, për të vazhduar paksa dhe pyetjen e kolegut. Është një kryebashkiak i ri i sapozgjedhur që ju ka bërë ftesën, i Mirëditës, ndoshta për të pirë një kafe me të dhe në bazë të tekstit që ai ka shkruar në Facebook, ka thënë që të vijoni dhe investimet dhe ndoshta dhe bashkëpunimin me këtë kryebashkiak. Do ta vijoni?
Kryetari i PSSH Edi Rama: Nuk jam në dijeni të kësaj ftese për kafe, por përpara se të vij te kafja me të, kam shumë takime për të bërë. Duke filluar nga Shkodra. Nesër duhet të nisem për Samitin e Liderëve të Këshillit të Europës në Islandë dhe sapo të kthehem nga Samiti, do të nis me turin e falenderimeve nga Shkodra ku jam shumë i vendosur që të bëj një histori të re dhe jam i bindur që ne mund të bëjmë një histori të re në Shkodër. Në shumë dimesione. Shkodra, e kam thënë prej kohësh, e kam thënë dhe gjatë fushatës, e përsëris tani që zgjedhjet kanë mbaruar dhe ne kemi marrë një fitore që është shumë barrë e madhe për mua dhe për ne, është qyteti dhe zona më e bekuar e Shqipërisë. Nuk ka asnjë të dytë! Mbase edhe në Europë nuk ka një qytet tjetër që ka atë bekim me lumin, me liqenin, me detin, me kodrat, me malin dhe me alpet mbi kokë. Dhe është bashkia më e prapambetur dhe problematike e Shqipërisë. Ne tani duhet të bëjmë jo atë që kemi thënë, po do bëjmë edhe më shumë seç kemi thënë sepse Shkodra na dha jo një shans, po një besim shumë të fortë dhe unë jam i bindur që ky është një besim shumë i fortë që mund të kthehet në një kohë, jo shumë të gjatë në një mosbesim shumë të madh nëse ne nuk jemi në lartësinë e kësaj sfide.
Unë i bëra një sfidë Shkodrës disa herë. Dështova disa herë. Këtë herë Shkodra më ka bërë mua dhe na ka bërë ne një sfidë më të madhe se të gjitha sfidat që ne i bëmë të marra sëbashku. Kështu që, Shkodra është kryefjala e mandatit që sapo do të nisë pas disa muajsh. Padiskutim, kjo nuk i heq asgjë angazhimit tim për Durrësin. Durrësi është një potencial strategjik i jashtëzakonshëm për Shqipërinë e 2030-tës. Në Durrës do të ndërtojmë disa vepra që nuk janë vetëm të Durrësit. Janë vepra që i përkasin ekonomisë, tregtisë, turizmit të rajonit dhe më gjerë. As nuk diskutohet që dhe të tjerat me radhë. Pra, për kryebashkiakun e Mirditës, ka kohë.
Megjithëse një numër të konsiderueshëm bashkish të fituara, unë po ndalem te qarku i Beratit pasi aty gjithmonë socialistët kanë marrë mbështetje maksimale, konkretisht në Kuçovë. Fitorja për Partinë Socialiste ishte në një rezultat shumë të ngushtë. Ku gabuan socialistët aty pasi gjithë këto vite, Partia Socialiste në Kuçovë ka marrë mbështetje maksimale?
Kryetari i PSSH Edi Rama: Nuk kam të dhëna të kësaj natyre. Janë të gjitha analiza për t’u bërë në nivelin vendor. Janë analiza për t’u bërë në nivelin e qarkut. Janë analiza që kërkojnë një lexim shumë të kujdesshëm. Për këtë arsye, edhe çunat dhe gocat fantastikë të skuadrës tonë të sondazheve, do të fillojnë nga puna që javën e ardhshme, menjëherë, për të organizuar një grup sondazhesh post-elektorale për të kuptuar se çfarë mund të mësojmë më shumë nga zgjedhësit pasi ata janë shprehur. Ne e bëjmë këtë praktikë gjithmonë dhe na jep shumë informacion. Por, ajo që dua të them është që zgjedhjet kanë funksionuar në të dyja nivelet.
Dy mesazhe ju kam përcjellë unë shqiptarëve. Njëri, zgjidhni njeriun që do të merrni në punë për katër vite, tjetri, hiquni faqes së zeze dhe kanë funksionuar të dyja.
-Pyetja që ndoshta sot të gjithë e kanë bërë pasi kanë parë edhe rezultatet finale. Si arritët ta merrnit Shkodrën dhe është e vetmja bashki që ju keni reaguar ditën e sotme. Mjafton vetëm emri i Benet Becit apo u deshën edhe votat e ish-deputetit socialist, ish-aleatit tuaj Tom Doshi?
Kryetari i PSSH Edi Rama: E thashë dhe një herë tjetër, ne nuk kemi të dhëna të detajuara për të lexuar të gjithë elementët, do t’i mbledhim, do t’i lexojmë me kujdes, por këto të gjiha janë gurë të një mozaiku shumë më të madh, unë besoj që ne Shkodrën e kemi marrë si përgjegjësi se s’kemi marrë asgjë se Shkodra është aty dhe do të jetë aty. Kryeministrat venë e vijnë sado të gjatë që të jenë. Shkodra ka qenë dhe është aty, kështu që s’kemi marrë asgjë ne, po kemi marrë përgjegjësinë që na e kanë hedhur si një përgjëgjësi alla shkodrançe. Shkodranët nuk janë dalluar asnjëherë për t’i bërë gjërat gjirokastritshe, i kanë bërë gjërat gjitihmonë me gjithësej, kështu që në gjithsej na kanë hedhur një top që ne duhet të jemi të zotë ta kapim dhe ta çojmë aty ku duhet.
Edi Rama TIRANË- Kryeministri Edi Rama nuk ka preferuar të flasë përpara mediave lidhur me arrestimin e Fredi Belerit, kandidatit t&eum...
Edi Rama TIRANË- Kryeministri Edi Rama ka sulmuar sërish Komisionin Qendror të Zgjedhjeve. Në një konferencë para gazetar&eum...
Numerimi CËRRIK- Numërimi për këshillat bashkiakë në Cërrik po shkon drejt fundit. Deri më tani janë num&...
Vota TIRANË- Shumë votues kanë vendosur që në vend që të shprehin vullnetin e tyre për kryebashkiakun e radhës...
Edi Rama TIRANË- Kreu i qeverisë Edi Rama ka kërkuar kujdes në rezultatin e pas zgjedhjeve lokale të 14 majit. Në daljen e t...
Numerimi TIRANË- Numërimi për këshillat bashkiakë po vazhdon në Tiranë, ku deri më tani janë numëruar vet...
Fisnik Qosja KAVAJË- Fisnik Qosja do të jetë kryetari i ri i bashkisë së Kavajës për 4 vitet e ardhshme. Kandidati i ko...
Numerimi SKRAPAR- Numërimi për këshillat bashkiakë është drejt fundit në bashkinë e Skraparit. Deri më ta...
Përplasje në Kukës KUKËS- Festë dhe tensione në Kukës. Marrja e një mandati të dytë nga kryebashkiaku soc...
Festa në Kukës KUKËS- Partia Socialiste ka shënuar fitore dhe në Kukës. Safet Gjici ka fituar një mandat të dyt&eum...
