Raportimi i Endri Shabanit sjell përplasje në Kuvend, PD: U zgjodh në mënyrë antikushtetuese. PS shtyn projekt-rezolutat në seancën e fundit plenare
"Më shiko në sy Sali"/ Çaushi- Berishës: Dezinformove për reformën dhe për shtëpinë time 20 Korr...
"Më shiko në sy Sali"/ Çaushi- Berishës: Dezinformove për reformën dhe për shtëpinë time 20 Korr...
Berisha: Ja tre zyrtarët që kanë qenë në Aruba, SPAK fsheh emrat e tyre sepse është seksion i Partisë So...
Incident para Kuvendit! Policia largon me forcë ish-luftëtarët e UÇK-së, Dritan Goxhaj dhe Meçan Zotaj(VIDEO) ...
"Jo 50, as 150, por edhe 1 550 ditë, ne do jemi këtu"/ Protestuesi dekoron qytetarët në shesh: Ju meritoni medalje ...
Gjatë fjalës së tij Boçi u shpreh se viti që lamë pas ishte një nga më dramataiket për familjet shqiptare duke vënë theksin tek ekonomia, shëndetesia dhe drejtësia.
TIRANË- Nënkryetari i PD-së, Luçiano Boçi ka zhvilluar ditën e sotme konferencën e parë për këtë vit para e mediave. Gjatë fjalës së tij Boçi u shpreh se viti që lamë pas ishte një nga më dramataiket për familjet shqiptare duke vënë theksin tek ekonomia, shëndetesia dhe drejtësia.
Nënkryetari i PD-së gjithashtu preku edhe vështirësitë me te cilat u përball Partia Demokratike duke theksuar se ata nuk u gjunjëzuan por po vazhdojnë luftën e tyre. Ndërsa në lidhje me mosbindjen civile, Boçi u shpreh se opozita do të vazhdojë luftën në përballje pa kthim ndaj qeverisë.
Fjala e plotë:
Viti 2023 që u mbyll ishte një nga vitet më dramatike për familjet shqiptare për sa i takon ekonomisë, arsimit e shëndetësisë e drejtësisë dhe një nga vitet më të tensionuara për sa i përket klimës politike për shkak të sulmit të paprecedentë të ndërmarrë nga kjo mazhorancë ndaj opozitës dhe kreut të saj me qëllim eliminimin e saj dhe zhdukjen e pluralizmit.
Për shkak të keqqeverisjes së këtij BASTIONI TË KONTRABANDËS DHE DROGËS, për shkak të korrupsionit kapilar në të gjitha sektorët dhe e goditur nga aferat e skandalet që përfshijnë inceneratorët, sterilizimin, por dhe të tjera që priten të dalin në sipërfaqe, Shqipëria ngadalësoi rritjen e saj ekonomike.Mirëqenia e qytetarëve, vijueshmëria dhe qëndrueshmëria e bizneseve dhe tërheqja e investimeve të huaja në përgjithësi u goditën, duke treguar për një zhvillim të paqëndrueshëm dhe problematik.
Të dhëna të tjera të EUROSTAT së fundmi tregojnë se familjet dhe individët shqiptarë kanë të ardhurat më të ulëta të disponueshme në rajon, përfshirë sidomos të rinjtë. Gjithashtu po sipas EUROSTAT, gati 30% e të ardhurave të tyre shkojnë vetëm për ushqim duke shënuar përqindjen më të lartë të shpenzimeve për këtë zë në rajon, kur një evropian shpenzon vetëm 5% e një qytetar serb vetëm 15% të ardhurave. Ndërkohë çmimet për shqiptarët janë 87% përqind më të larta se mesatarja e vendeve evropiane.
Inflacioni i komanduar dhe çmimet e rritura të energjisë, sidomos ato të naftës në nivele rekord në krahasim me rajonin si dhe produkteve të tjera, ndikuan dukshëm në uljen e eksporteve dhe falimentimin e detyruara të bizneseve të shumta dhe vështirësuan jetën e çdo qytetari. Njëherazi Shqipëria vazhdoi të humbasë më ritme galopante, për shkak të politikave genocidiste të qeverisë, pasurinë e saj më të madhe që janë burimet e saj njerëzore, sidomos pjesën e të rinjve, gjë që ndikoi drejtpërdrejt në shumë aspekte ekonomike dhe sociale.
Arsimi shqiptar vazhdoi rënien e tij të lirë drejt një fundosje të pashmangshme për shkak të mosfinancimit, politikave të gabuara dhe rrënimit infrastrukturor, cilësisë skandaloze të mësimdhënies dhe mungesës së përshtatjes me zhvillimet e reja teknologjike. Arsimi i lartë lëngon, ndërsa kërkimi shkencor pothuaj nuk ekziston. Braktisja e shkollës, rrënimi i saj si dhe diskriminimi arsimor, vazhduan të gërryejnë ëndrrat e fëmijëve e të rinjve për profesion, karrierë e diplomim.
Testi PISA e dëshmoi Shqipërinë si një nga vendet më të prapambetura të globit për sa i përket cilësisë së arsimit, megjithëse inteligjenca natyrale e shqiptarëve është cilësuar me koeficentë nga më të lartat. Shëndetësia shqiptare mbeti peng i korrupsionit të aferave dhe skandaleve të lidhura me koncesionet e dhëna pa kriter dhe në forma e mënyra abuzive. Siguria shëndetësore e shqiptarëve nuk njohu përmirësim dhe madje shënoi rënie.
Drejtësia me kursin e ndjekur, u përshfaq si një detashment politik i së majtës dhe si kobure politike për të goditur në mënyra agresive opozitën dhe drejtimin e saj. Aferat e mëdha si ajo e inceneratoreve dhe e sterilizimit u minimizuan me dënime pa lidhje esenciale me këto skandale, në nivele të zyrtarëve të dorës së dytë, ose me akuza sipërfaqësore, duke fshehur qartazi veprimtarinë e grupit të strukturuar kriminal të drejtuar nga Edvin Rama dhe po shoqërohen me hetime gjysmake që kërkojnë me çdo kusht të amnistojnë kokat e veprave kriminale korruptive të Edi Ramës dhe Erion Veliajt.
Përkundër kësaj sulmet politike ndaj kreut të partisë Demokratike Sali Berisha dhe opozitës në tërësi ishin absurde, arbitrare, antikushtetuese dhe në kapërcim të ligjeve. Vendimet e SPAK dhe GJKKO për të arrestuar kreun e opozitës me hetime, urdhra e vendime politike, prapa të cilave qëndron Edi Rama, rikthyen dhe njëherë metodat famëkeqe të përdorura në diktaturë nga sigurimi i shtetit dhe drejtësia e ashtuquajtur popullore.
I gjithë procesi nda Sali Berishës është një proces politik me objektiva e synime të qarta politike, për të heshtur dhe goditur jo vetëm in persona Sali Berishën, por për të heshtur dhe goditur en group e në themel Partinë demokratike, shoqërinë shqiptare, për të shuar të vërtetat denoncuese të dala prej saj dhe për ti shtruar rrugën këtij pushteti të korruptuar që ai të vendosë sundimin e tij.
Në sinkron me qëllimet politike të këtij procesi, ishte dhe vendimi i Gjykatës së Lartë, i cili mban pezull e tërheq zvarrë pa asnjë arsyetim ligjor statusin juridik të Partisë Demokratike duke mos konsideruar vullnetin e Kuvendit kombëtar të 11 dhjetorit dhe statutin e Partisë Demokratike. Arena politike u dominua nga sulmet e dirigjuara të mazhorancës e cila hodhi në veprim kundër opozitës çdo aset kriminal, çdo antiligj, çdo para korrupsioni e çdo vendim parlamentar të korruptuar, për ta eliminuar, për ta përçarë e për t’i ngushtuar asaj hapësirën jetësore në parlament dhe përtej tij.
Zgjedhjet lokale të 2023 u dëshmuan si zgjedhjet më kriminale të zhvilluara ndonjëherë, të cilat varrosën përfundimisht procesin zgjedhor dhe votën e lirë të qytetarëve. Shantazhi, dhuna, agresioni ndaj votës e shitblerja e saj, u shtri në mënyrë kapilare në çdo qelizë të jetës së votuesit. Administrata e kriminalizuar në veprimtarinë e saj, skalionet e krimit në shumë bashki dhe përfaqësuesit politik të së majtës u bënë një me qëllim goditjen zgjedhore me cdo kusht të opozitës.
Rama përdori çdo institucion e aset kriminal të mundshëm për të penguar përfaqësimin politik të Partisë demokratike dhe për ta përjashtuar atë nga çdo normalitet zgjedhor. Vetë ai drejtoi sulmet politike dhe jopolitike ndaj kandidatëve të PD dhe po vetë ai shpërndau para nga buxheti i shtetit duke konsumuar haptazi në sy të gjithë botës krim elektoral, për të blerë vota dhe për të joshur shtresat e caktuara të shoqërisë. Parlamenti nuk mungoi dhe ai të realizonte sulmin politik ndaj opozitës. Vendimet absurde për mosngritjen e komisioneve hetimore, ndryshimi më pas i ligjit për këto komisione dhe ndryshimi i rregullores për të dënuar deputetët e opozitës dhe fjalën e tyre të lirë shënuan një tjetër rekord kriminal në luftën që i ka shpallur mazhoranca, opozitës.
Përkundër kësaj, ne nuk u ndalëm dhe nuk ndalemi, nuk u gjunjëzuam, por vazhdojmë luftën tonë. Ne e shpëtuam opozitën dhe jemi në një përballje pa kthim për të mbrojtur pluralizmin e demokracinë dhe për t’i dhënë shqiptarëve një të ardhme të mirë e të plotë siç e meritojnë. Ne jemi Partia Demokratike. Dhe ne do t’i ofrojmë në 2024 e në vazhdim shqiptarëve shpresë dhe besim, duke dëshmuar para tyre jo vetëm aksionin tonë pa kthim, por dhe duke shpalosur para tyre alternativën tonë për një Shqipëri më të mirë e të zhvilluar, me ekonomi të fortë, me arsim cilësor, e shëndetësi shërbyese. Një vend që konsideron të rinjtë, forcën aktive për punë, pensionistët, shtresat në nevojë, pronarët, bizneset, mësuesit, mjekët, kërkuesit shkencorë, që konsideron çdo shqiptar pavarësisht se ku jeton ai. Ne nuk i falim të tjerëve kauzën tonë dhe idealet tona, liderin tonë: Motoja jonë është e qartë: O SOT O KURRË!
Taulant Balla TIRANË- Ministri i Brendshëm Taulant Balla ka deklaruar se Prkuroria duhet që t'i shkojë deri në fund hetimit p...
Taulant Balla TIRANË- Ministri i Brendshëm Taulant Balla ka deklaruar se 11 mjete të reja zjarrfikësish do t'i shtohen repartit t&...
Arjan Ndoja dhe Ramazan Rraja TIRANË- Apeli i Posaçëm ka rrëzuar ankimin e Ramazan Rrajën, për vendimin e GJKKO-së...
Rama dhe Tavo TIRANË- Vangjel Tavo ka hedhur poshtë pretendimet e mediave greke, se kryeministri Edi Rama i ka kërkuar që të ...
Monika Kryemadhi TIRANË- Deputetja e Partisë së Lirisë Monika Kryemadhi ka ankimuar në Apelin e Posaçëm sekuestri...
Sali Berisha TIRANË- Kreu i Partisë Demokratike, Sali Berisha ka bërë një deklaratë të fortë nga dritarja e banes&e...
Sali Berisha TIRANË- Me një fjalim të mbajtur nga dritarja e shtëpisë së tij, kreu i opozitës, Sali Berisha theu sot urd...
Sali Berisha TIRANË- Kreu i opozitës, Sali Berisha i është bashkuar protestës që po mbahet pasditen e sotme nga mbështet...
edi rama, vangjel tavo GREQI- Gazeta greke “Kathimerini” shkruan se kryeministri shqiptar Edi Rama ka nisur bisedimet për të gjetur n...
Tubimi TIRANË- Mbështetësit e kreut të PD-së, Sali Berisha janë bërë sërish bashkë në një tubi...
