Protesta për Zvërnecin/ Protestuesit çajnë kordonin metalik, policia i sulmon me ujë. Tubimi shpërndahet në gjithë Tiranën
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
Tragjedia me dy viktima në Shëngjin, policia jep detaje: Të gjithë shtetas nga Kosova, tre persona në spital 3 Qersho...
“Ka forca në Shqipëri dhe jashtë që janë kundër”/ Rama: Të rreshtohesh me PS, do të thot&eum...
"Shqipëria është e shqiptarëve"/ Qytetarët mbushin rrugët e Tiranës, kërkojnë anulimin e pr...
Gjatë fjalës së tij në mbledhjen e grupit parlamentar të PD-së, Berisha u shpreh se ky ligj është shkatërrimtar për sistemin arsimor, pasi sipas tij ua merr prindërve, fëmijët nga fuqia edukuese e tyre.
TIRANË- Lideri i opozitës, Sali Berisha ka deklaruar sot se ligji për barazinë gjinore është një përmbysje, e cila e çon Shqipërinë drejt post-marksizmit ekstrem. Gjatë fjalës së tij në mbledhjen e grupit parlamentar të PD-së, Berisha u shpreh se ky ligj është shkatërrimtar për sistemin arsimor, pasi sipas tij ua merr prindërve, fëmijët nga fuqia edukuese e tyre.
Kryedemokrati tha se këtë ligj e kanë hedhur poshtë dhe nuk e kanë miratuar 21 vende anëtare të BE. Nga zyra e selisë blu, Kreu i PD-së tha se Gjykata Europiane e Drejtësisë në Luksemburg thotë se problemi i gjinisë nuk buron nga e drejta evropiane. Në fund, Berisha tha se mazhoranca ka përjashtuar debatin për këtë ligj, veprim të cilin ai e quan censurë.
"Dhe ne sot duhet të diskutojmë për përgjigjen që do i japim kësaj gjendje të pashembullt që nuk ka ekzistuar ndonjëherë. Së treti, duhet të ndalem pak tek ligji. Ligji është një përmbysje e renditur juridik të Shqipërisë. Është një përmbysje që e çon Shqipërinë absolutisht drejt post-marksizmit ekstrem. Ligji kërkon që, ndër të tjera, barrën e provës ta ketë i akuzuari dhe jo akuzuesi. Në qoftë se ka një nen që shërben si neni i luftës të të gjithëve kundër të gjithëve, dhe ky parim i doktrinës së ekstremit marksiste, çdo njeri që nuk i pëlqen këtij apo atij, mjafton të nxisë një punonjës apo dikë që të thotë se më diskriminoi dhe ky duhet të provojë se nuk e ka diskriminuar. Kjo është përmbysje. Përveç kësaj, siç keni lexuar dhe dëgjuar, është shkatërrimtar për sistemin arsimor. Faktikisht ua merr fëmijët prindërve nga fuqia edukuese e tyre. Vendos censurën dhe ne duhet të jemi shumë të shqetësuar se një stinë censure që filloi në SHBA dhe që është përhapur edhe në Europë, është absolutisht një rrezik madhor për demokracinë kudo që ndodhet. Në Departamentin e Shtetit u krijua njësia anticensurë. Erdhën dhe e krijuan edhe në Shqipëri, në Ministrinë e Jashtme. Në vizitën e tij në Shqipëri, zoti Blinken, të vetmen marrëveshe, përveçse t’u thoshte shqiptarëve se Edi Rama është një udhëheqës i jashtëzakonshëm, ishte firmosja e ngritjes së drejtorisë së censurës dhe pastaj krijimi i komisionit të censurës në parlament. Çfarë tregoi hetimi që bëri Kongresi amerikan? Hetimi tregoi se këto njësi merreshin me censurën, as të rusëve, as të kinezëve, por thjesht të kundërshtarëve, të gazetarëve, televizioneve dhe portaleve konservatorë. Kjo u faktua. Ky ligj ka nenin e censurës. Do të flasë urata për Adamin dhe Evën apo hoxha për Ademin dhe Ajshen, ata i thonë jo, dënohesh, nuk është kjo origjina. Është tjetër. Pra, kanë vendosur ligjin e censurës. Gazetarët nuk e kuptuan, nuk e kanë lexuar ligjin.
Kanë kthyer nenin e censurës. Tani, disa çështje janë çështje të ndërgjegjes. Martin Luteri ishte një prift i thjeshtë, por u bë njeriu ndoshta ndër më të pavdekshmit e të gjitha kohërave, jo për tezat e reformimit, por për qëndrimin para konklavit. Konklavi do ta hidhte në turrën e druve dhe ai u tha, kam shkruar vetëm ato që burojnë nga ndërgjegja ime dhe nuk ndryshoj asgjë. Çfarë dua të them me këtë ? Nuk mund të ndryshojë njeriu bindjet e tij, as morale, as fetare që ka. Nuk kemi bindje diskriminuese ne. Këto ditë kanë qarkulluar në media një deklaratë të ish-kryetarit të shoqatës LGBT se Berisha na ka ndihmuar. Absolutisht me ndërgjegje dhe vendosmëri i kam ndihmuar sepse jam kundër çdo diskriminimi. Por kjo nuk do të thotë të fusim kazmën. Kam qëndruar dhe qëndroj kundër diskriminimit. Po jo në këtë mënyrë. 21 vende anëtare të BE nuk e kanë kaluar këtë ligj. Prisni. Të themi se kjo është politikë. Mirë. Po e ka hedhur poshtë ligjin Gjykata Kushtetuese franceze. E ka hedhur poshtë. E hodhi poshtë Gjykata Supreme amerikane. Dhe vetë Gjykata Europiane e Drejtësisë në Luksemburg thotë se problemi i gjinisë nuk buron nga e drejta evropiane. Nuk buron nga e drejta e Bashkimit. Atëherë ? Mirë ti ke bërë këtë ligj, po pse e përjashton debatin nga ky ligj ? Si e përjashton debatin nga ky ligj. Dhe pastaj merr dhe monton një seri mekanizmash për të sulmuar opozitën. Ua them përsëri këtu shembullin e Martin Luterit, njeriu për ato që i ka në ndërgjegje, ato i mbron dhe do i mbrojë gjithë jetën pa asnjë lloj hezitimi. Sikundër nuk i them atij mos mbro ato që mendon. Dhe në qoftë se këta nuk po kryenin këto që themi ne me ligj, do ta debatonin. Do na thonin ne jo, nuk është censura. Por se është censura. Po si mund ta pranojmë ne censurën? Miq, një gjykatës amerikan, e kishte paditur qeveria e presidentit Trump, i tha: Kushtetuta është për të mbrojtur urrejtjen. Se ishte paditur që ka shprehur urrejtje. Kushtetuta është për të mbrojtur urrejtjen zotëri. Pra, duhet t’i dëgjojmë ata që janë gardianë të të drejtave dhe ligjeve. Por këta e mbyllën në mënyrën më të turpshme, nuk lejuan diskutimet, krijuan ato që u interesonte." tha Berisha./Dosja.al
Celibashi TIRANA- Kryekomisioneri Ilirjan Celibashi, gjatë një konference për mediat, u ndal edhe tek çështja e pjesëm...
Celibashi TIRANA- Kreu i Komisionit Qendror të Zgjedhjeve, Ilirjan Celibashi u shpreh sot se në zgjedhjet vendore të vitit 2027 mund t&...
Celibashi TIRANA- Kryekomisioneri Ilirjan Celibashi nuk e ka përjashtuar mundësinë që në të ardhmen inteligjenca artific...
Foto Ilustruese TIRANË- Kreu i Partisë Demokratike, Sali Berisha ka deklaruar se ish-presidenti Meta dha dorëheqjen pas një regjis...
Foto Ilustruese TIRANË- Kreu i demokratëve, Sali Berisha ka deklaruar sot se pas skandalit të tunelit të Llogarisë, biznesmeni Beh...
Foto ilustruse TIRANË- Lideri i opozitës, Sali Berisha ka treguar se çfarë ka ndodhur në mbledhjen e grupit të...
Foto ilustruse TIRANË- Kreu i Partisë Demokratike, Sali Berisha ka deklaruar sot se opozita në parlament po privohet nga e drejta e saj...
Foto ilustruese FRANCË- Ish Zv.Kryeministri dhe njëkohësisht ish Ministri i Financave, Arben Ahmetaj dhe bashkëjetuesja e tij, Erjola H...
Lefter Maliqi BERAT- Ish-deputeti Lefter Maliqi, ka kërkuar dorëheqjen e drejtuesit politik të Partisë Demokratike në Qarkun ...
Foto ilustruese TIRANA- Zëvendësguvernatorja e Bankës së Shqipërisë, Luljeta Minxhozi, ka dhënë këtë...
