Seancë plenare në Kuvend/ PD anulon bojkotin! Peleshi i heq fjalën Berishës: Mu drejto me etikë
"Më shiko në sy Sali"/ Çaushi- Berishës: Dezinformove për reformën dhe për shtëpinë time 20 Korr...
"Më shiko në sy Sali"/ Çaushi- Berishës: Dezinformove për reformën dhe për shtëpinë time 20 Korr...
Berisha: Ja tre zyrtarët që kanë qenë në Aruba, SPAK fsheh emrat e tyre sepse është seksion i Partisë So...
Incident para Kuvendit! Policia largon me forcë ish-luftëtarët e UÇK-së, Dritan Goxhaj dhe Meçan Zotaj(VIDEO) ...
"Jo 50, as 150, por edhe 1 550 ditë, ne do jemi këtu"/ Protestuesi dekoron qytetarët në shesh: Ju meritoni medalje ...
TIRANË- Për herë të parë në Shqipëri, sot, është votuar shkarkimi i Presidentit të Republikës. Me 104 vota pro, 7 kundër, 3 abstenim, Kuvendi i Shqipërisë dëgjoi dhe votoi për raportin përfundimtar të Komisionit Hetimor që është ngritur për të hetuar dhe mbledhur prova që mund të nxjerrin Metën jashtë Presidencës.
Kreu i Komisionit Hetimor, Alket Hyseni ka prezantuar nga foltorja e Kuvendit raportin e plotë të hartuar prej 98 faqesh. Hyseni ka nënvizuar me radhë nenet e Kushtetutës të cilat sipas raportit, Presidenti i ka shkelur gjatë ushtrimit të detyrës, duke theksuar se ka cënuar edhe të drejtat e njeriut. Sipas raportit, presidenti ka pasur ndikim negativ në politikë, por jo vetëm. Ai shtoi se Meta bëri shkelje, para, gjatë dhe pas fushatës zgjedhore, duke bërë thirrje anti-kushtetuese, duke nxitur dhunë dhe duke dalë jashtë funksionit të tij. Hyseni u shpreh se gjatë fushatës së 25-prillit, Meta tregoi hapur njëanshmërin në zgjedhje, duke dalë kundër qeverisë dhe duke përdorur terma anti-kushtetuese.
Lefter Maliqi dhe Artur Roshi janë deklaruar kundër shkarkimit të Presidentit Meta, duke e konsideruar kryeministrin Edi Rama si babain e një pushteti të vjedhur. Të dy deputetët e konsideruar një estradë këtë seancë. Deputeti Adriatik Alimadhi ndërpreu fjalën e Hysenit dhe kërkoi që të shikonte dokumentin e raportit ku janë deklaruar të gjitha shkeljet e Presidentit sipas Komisionit Hetimor që u ngrit nga maxhoranca. Vasilika Hysi i tha se këtë kërkesë mund ta bënte në Sekretari dhe se nuk e ka ndaluar askush.
Pas këtyre debateve, të gjithë deputetët iu drejtuan kutisë me letër të fshehtë dhe hodhën vendimin e tyre, pro ose kundër shkarkimit të Presidentit Meta. Maxhoranca e cila e inicioi këtë nismë kërkon 94 vota pro raportit të këtij komisioni. Pritet që të numërohen votat për të parë nëse Partia Socialiste do ta arrijë qëllimin e saj. Deri më tani, deputetët që kanë votuar kundër shkarkimit të Ilir Metës nga posti i presidentit janë: Artur Roshi, Lefter Maliqi, Suzana Topi, Fatjona Dhimtri dhe Adriatik Alimadhi. Abstenim ka votuar deputeti Ralf Gjoni, cili mbante postin e këshilltarit të Metës në kohën kur presidenti aktual ishte në krye të Kuvendit.
Kuvendi i kërkoi Presidentit që të ishte në seancën e së sotme, por kreu i shtetit nuk ka pranuar, duke u shprehur se nuk kishte sens të ishte i pranishëm që të dëgjonte gjyqin publik ndaj tij.
Nëse sot vuloset shkarkimi i Kreut të Shtetit në Kuvend, çështja do të kalojë në duart e Gjykatës Kushtetuese, e cila do të thotë fjalën e fundit. Kreu i Shtetit nuk e ka njohur Komisionin e ngritur nga maxhoranca për të kërkuar shkarkimin e tij. Ai është kërkuar nga deputetët, me në krye Alket Hysenin që të ishte i pranishëm në seancë dëgjimore, por ka refuzuar kategorikisht. Grupin e ngritur, Meta e konsideruar të jashtëligjshëm dhe antikushtetues. Në Komision është diskutuar edhe marrja me forcë e tij për të dëgjuar anëtarët, por më pas u vendos që të mos përdorej kjo pikë në fuqi.
Por si arriti situata deri këtu?
Prej javësh, presidenti i Republikës Ilir Meta u përfshi në një sërë replikash të ashpra dhe përplasje me Partinë Socialiste ku në fokus ishin zgjedhjet e 25 prillit. Presidenti u zotua se do të mundësonte votën e lirë të shqiptarëve që sipas tij do ti bashkoheshin në një referundum popullor. Deklaratat e Metës gjatë fushatës arritën majën e tensionit kur kreu i shtetit deklaroi se “do t’ju presim dorën atij që prek votën”, apo “bëni gati sfurqet dhe kosat”. Këto deklarata përfshirë edhe përplasjen me ambasadoren Yuri Kim janë “dënimi” që sipas socialistëve Ilir Meta mori më 25 prill nga shqiptarët, duke i dhënë mandatin e tretë PS-së dhe për këtë Ilir Meta duhet të shkarkohet. Me firmën e 49 deputetëve socialist u ngrit një komision hetimor dhe u kërkua shkarkimi i Metës.
Alket Hyseni u zgjodh kryetar i Komisionit Hetimor, ndërsa anëtarët janë: Myslym Murrizi, Klotilda Bushka, Vasilika Hysi, Elena Xhina, Spartak Braho, Halil Jakimi, Nikolin Staka, Arlind Çarçani, Ermonela Felaj, Xhemal Qefalia dhe Eugen Bojaxhi.
Nga data tetë deri më 28 maj, kur raporti u votua në mënyrë unamime, ky komision u mblodh vazhdimisht për të diskutuar në lidhje me shkeljet e kryera nga Presidenti Ilir Meta. Anëtarët e Komisionit kanë ‘skanuar’ të gjitha deklaratat e Metës, përfshirë edhe termin ‘anëtarët’ e ‘Ndrangheta-s’ që ka përdorur ai për të krahasuar deputetët. Në Komision është diskutuar edhe informimi i kryeprokurorit Olsian Çela për shkeljet e Metës në mënyrë që të çohet dhe për ndjekje penale. Komisioni e akuzon Metën se ishin deklaratat e tij që nxitën dhunë dhe provokuan vrasjen e Pjerin Xhuvanit në Elbasan, ngjarje en dpdhur katër ditë para zgjedhjeve të 25 prillit.
(f.m;kle.mu/dosja.al)
Iftar dhe politikë, a u prek Muaji i Ramazanit nga politikanët?
TIRANË– Fushatat zgjedhore dhe rotacionet politike janë dy pikat kulmore kur ndodhin edhe largimet apo rekrutimet më të shumat në administratë. Kësht...
PRISHTINË– Presidentja e Kosovës, Vjosa Osmani ka komentuar vendimin e Hagës për lënien në fuqi të dënimit me burgim të përjetshëm të Ratko Mlladi&cc...
TIRANË– Ish-deputetja e Lëvizjes Socialiste për Integrim, Nora Malaj, ka sqaruar se nuk është tërhequr nga politika.(Shiko këtu) Me anë të një postim...
TIRANË– Zëvendësministri i Brendshëm, Julian Hodaj tha se procesi i prishjes së ndërtimeve pa leje pritet të përfundojë brenda 30 qershorit. I ftuar ...
TIRANË– Nesër Kuvendi i Shqipërisë do të mblidhet për të votuar nismën e Partisë Socialiste për të shkarkuar Presidentin Ilir Meta. Shkarkimi i kreut...
TIRANË– Deputeti dhe nënkryetari i Kuvendit, Myslim Murrizi, ka reaguar pasi emri i tij është përmendur si një prej atyre që kanë vendosur të mos lejojnë g...
TIRANË– Debat për aksionin e shembjeve të objekteve pa leje në vijën bregdetare të territorit të vendit. I ftuar në emisionin “Open”, avo...
SOFJE– Kryeministrit Edi Rama ka injoruar pyetjen e një gazetari bullgar lidhur me qëndrimin e tij për ndryshimin e kufijve në Ballkan. Gjatë një konferen...
