Aktualitet

24 Nëntor 2020, 10:29 Nga DOSJA

TURQI– Gjykata turke ka shpallur të pafajshëm Sinan Idrizin, i cili akuzohej nga biznesmeni Adnan Polat se kishte përvetësuar 3.5 milion euro që i kishte marrë borxh. Disa muaj më parë një nga ish-presidentët e klubit të futbollit të Galatasaray-t depozitoi një padi në të cilën pretenonte se ishte mashtruar nga Sinan Idrizi. Ky i fundit partner në kompaninë e fluturimeve “Air Albania” dhe menaxher i Flamurtarit, një nga ekipet e Superligës Shqiptare.

Pasi ka depozituar padinë, ndaj Idrizit është ngritur një proces gjyqësor, ku shqiptari akuzohej për veprën penale “mashtrim ” ku ai rrezikonte 3 deri në 10 vjet burg. Seanca e parë u zhvilluar ditën e sotme, ku i pranishëm në sallë ishte vetëm Sinan Idrizi dhe avokatët e tij, pasi Polat kishte zgjedhur që të mos ishte prezent.

Në fjalën e tij, Idrizi mohoi akuzat për mashtrim duke kërkuar që të lihej i lirë nga Gjykata. Kërkesa e tij u mor parasysh nga Prokuroria, e cila kërkoi lirimin e tij, ndryshe nga disa muaj më parë që kërkoi heqje lirie për 10 vite. 

“Nuk mund të ketë mashtrues në familjen time. Dua pafajësinë time,”-u shpreh ai.

Për mungesë provash, Gjykata turke vendosi të shpallte të pafajshëm shqiptarin. Pas gjyqit, biznesmeni shqiptar u shpreh se e kishte falur partnerin e tij, ndërsa Polat premtoi se do të ankimonte vendimin.

Polat pretendonte se shumën e mësipërme ia ka dhënë Idrizit në formën e një garancie, për blerjen e kompanisë së hidrokarbureve “GFI Albania”, e cila bën edhe markimin e naftës. Pas dështimit të marrëveshjes, turku i kërkoi mbrapsh garancinë Idrizit, por nuk arriti kurrë t’i merrte paratë.

Sipas Polat, pjesë e marrëveshjes ka qenë edhe kryeministri shqiptar Edi Rama, ndërsa Idrizi pretendon se lajmi është sponsorizuar nga mediat turke. Ai pretendonte shitblerja nuk u realizua, për shkak të mungesës së financimit.

Përkthyer nga sozcu.com.tr

(k.m/dosja.al)

1 vit nga zgjedhjet e 25 prillit si e shikoni gjendjen e vendit:

View Results

aktualitet aktualitet adnan polat marreveshja per kompanine e naftes sinan idrizi turqi adnan polat marreveshja per kompanine e naftes sinan idrizi turqi

Sondazh

Poll

Aktualitet 24 Nëntor 2020, 10:24

TIRANË– Deputeti i opozitës parlamentare Lefter Maliqi ka publikuar në faqen e tij të Facebook një kronikë të ‘Ora News’ që është bërë në Berat në lidhje m...

MË SHUMË