TIRANË– Këshilli Kombëtar për Integrimin Evropian (KKIE) u mblodh sot për të diskutuar mbi kapitullin 24 në negociatat me Bashkimin Evropian (BE). I ftuar në takimin që u mbajt online ishte ministri i Brendshëm i Shqipërisë, Sandër Lleshaj dhe nënkryetari i komisioni, Taulant Balla. Ministri Lleshaj preku temën e azilkërkimit nga shqiptarët dhe çështjen e kanabisit.
Lleshaj tha se azilkërkimi është ulur ndjeshëm pas masave të ndërmarra nga qeveria, ndërsa shtoi se me këtë fenomen është abuzuar tejmase. Ministri shtoi gjithashtu se qeveria ka punuar me ndërgjegjësimin e qytetarëve, përmirësimin e kushteve në vendin tonë, në mënyrë që qytetarët të mos kërkojnë largimin nga vendi.
Sipas ministrit të Brendshëm, piku i azilkërkimeve ishte në vitin 2015, për shkak të fluksit të refugjatëve nga konflikti në Siri.
“Shifrat e azilkërkimit nga shqiptarët në BE janë ulur në krahasim me pikun e tyre në 2015. Them viti 2015 sepse ishte viti kur kulmoi fluksi i refugjateve nga konflikti në Siri, u hapën shumë dyer në BE, mes tyre ishte edhe Shqipëria dhe u krijua një mundësi për shumë qytetarë që menduan se ky është rasti për të ndryshuar jetën. Fenomeni vazhdon të ulet përditë falë masave, por edhe falë ndërgjegjësimit të qytetarëve Azilkërkimi është një fenomen abuziv. Nuk ka arsye që Shqipëria të prodhojë azilantë. Evropa nuk pranon që Shqipëria prodhon azilantë. Ne duam të shterojmë azilkërkimin dhe më pas t’i japim hapësirave qytetarëve për të lëvizur në kuadër të një lëvizje të natyrshme që orientohet tek tregjet,”- tha Lleshaj.
Për çështjen e kanabisit, Lleshaj tha se sasia që trafikohet nga Shqipëria është ulur.
“Sasia e kanabisit e trafikuar nga Shqipëria është ulur ndjeshëm,”- tha Lleshaj.
Nënkryetari i KKIE-së, Taulant Balla, tha se Shqipëria është në prag të marrjes së vendimit për mbajtjen e konferencës së parë ndërqeveritare.
“Shqipëria vazhdon të jetë e ankoruar në projektin historik, pikërisht në atë integrimit në familjen evropiane”, tha Balla.
(f.m/dosja.al)
1 vit nga zgjedhjet e 25 prillit si e shikoni gjendjen e vendit:
TIRANË– Mjeku Mhill Gecaj ka folur lidhur me vështirësitë që po has me pandeminë e koronavirusit në vendint tonë. Ai u shpreh se mjekët janë të pambrojtur ...
TIRANË– Kryedemokrati Lulzim Basha ka zhvilluar për më shumë se një orë një takim me mjekë familje dhe specialistë të shëndetësisë për të diskutuar situatë...
TIRANE– Ish-deputetja demokrate, Jorida Tabaku, vijon sërish me akuzat me kryebashkiakun Erion Veliaj, lidhur me shkollën “Sami Frashëri”.PD vijon denonci...
TIRANE– Rigerta Maloku ka bërë të ditur se do kandidojë në zgjedhjet e 25 prillit. Gruaja që përloti Kuvendin me fjalimin e saj në vitin 2017 ka bërë zgj...
TIRANË- Kryetarja e Lëvizjes Socialiste për Integrim, Monika Kryemadhi i ka kthyer përgjigje epiteteve të vendosura nga kryeministri Edi Rama, sot në bashk...
TIRANË– Ish-deputetja e Partisë Demokratike Jorida Tabaku ka shkuar sot në kantierin ku sipas Bashkisë Tiranë, po ndërtohet shkolla Sami Frashëri. Përmes n...
TIRANE- Kryeministri Edi Rama e ka quajtur një qendrim politik, atë të Holandës për të mos i hapur dritën jeshile Shqipërisë për hapjen e negociatave. Gjatë bas...
TIRANE– Kryeministri Edi Rama e ka cilësuar këtë një proces “super”, rindërtimin. Gjatë bashkëbisedimit me gazetarët, Rama tha se cilësia e ndërtimit është evro...