Politike

Jorida Tabaku shkon tek kantieri i shkollës “Sami Frashëri”: Askush nuk punon këtu, shembull korrupsioni! Cilat kompani f

3 Nëntor 2020, 11:56 Nga DOSJA
Jorida Tabaku shkon tek kantieri i shkollës “Sami

TIRANË– Ish-deputetja e Partisë Demokratike Jorida Tabaku ka shkuar sot në kantierin ku sipas Bashkisë Tiranë, po ndërtohet shkolla Sami Frashëri. Përmes një videoje, Tabaku tha se siç shihet edhe vetë nga pamjet, në kantier nuk punon askush.

Sipas ish-deputetes, fakti që shkolla Sami Frashëri kushton 4.5 milion euro, ndërkohë që shkollat e tjera të ngjashme, të cilat ndërtohen me fondet e BE-së kushtojnë 700 mijë euro, tregon që ky është një shembull korrupsioni. Ajo shtoi se ministri Earben Ahmetaj gënjen kur thotë se ky ndërtim do të bëhet me fondet e BE-së, ndërkohë që BE-ja konfirmon të kundërtën.

Fjala e plotë e Tabakut: 10 ditë mbasi shkolla Sami Frashëri është inauguruar punimi, nuk ka akoma asnjë lëvizje. Kjo është fytyra e vërtetë e Rilindjes, kjo është fasada që u ka ofruar shqiptarëve për 7 vite dhe këtë vazhdon të ofroj edhe sot. Mbasi kemi javë që i bëjmë qeverisë dhe bashkisë disa pyetje, akoma nuk kemi asnjë përgjigje. Pse shkolla Sami Frashëri u prish në mes të pandemisë në 24 prill pa pasur një projekt? Pse shkolla Sami Frashëri kushton 4.5 milion euro, ndërkohë që shkollat e tjera të ngjashme, të cilat ndërtohen me fondet e BE-së kushtojnë 700 mijë euro? Pse gënjeu Ahmetaj dhe Veliaj kur thanë që kjo shkollë do të ndërtohet me fondet e BE-së, ndërkohë që BE-ja konfirmon të kundërtën? Kush janë firmat që fshihen pas ndërtimit të shkollës Sami Frashëri? Për shumë shqiptarë, fasada e Rilindjes ka rënë. Tërmeti dhe pandemia e treguan situatën e vërtetë të shtetit, treguan se si këto punojnë, treguan që mbasi fiken kamerat çdo gjë ndalon dhe shkolla Sami Frashëri është thjesht një shembull tjetër që shtohet në perlat dhe në bëmat e Rilindjes. Shkolla Sami Frashëri është thjeshtë një shembull korrupsioni, babëzie, paaftësie dhe arrogance që Bashkia e Tiranës ofron çdo ditë për qytetarët e saj. Dhe nuk kishte si të ishte ndryshe sepse fotokopja në krye të bashkisë do të bëjë të njëjtën gjë që bën edhe kryeministri.

Si nisi debati për shkollën “Sami Frashëri”?

I gjithë debati nisi pasi Monika Kryemadhi fillimisht deklaroi se gjimnazi ‘Sami Frashëri’ do të zhvendoset në Paskuqan, mirëpo Veliaj reagoi duke thënë se ai do të ndërtohet aty ku është. Në ‘lojë’ hyri dhe Partia Demokratike duke shkuar në vendngjarje e duke thënë se puna ende nuk ka nisur për rindërtimin e gjimnazit pasi ai do të ndërtohet në një vend tjetër, akuzë që mohohet vazhdimisht nga kryebashkiaku i Tiranës. Tabaku akuzon kryebashkiakun si gënjeshtar, pasi sipas saj, shkolla nuk do të ndërtohet nga fondet e Bashkimit Evropian por nga paratë e buxhetit të shtetit, e pas kësaj kanë vijuar deklaratat nga secila palë deri në publikimin e dokumenteve nga secila palë.

(f.m;dosja.al)

1 vit nga zgjedhjet e 25 prillit si e shikoni gjendjen e vendit:

View Results

politike politike erion veliaj jorida tabaku projekti i shkolles sami frasheri erion veliaj jorida tabaku projekti i shkolles sami frasheri

Sondazh

Poll

Politike 3 Nëntor 2020, 11:48

TIRANË– Presidenti Ilir Meta ka vlerësuar me dekoratën ‘Nënë Tereza’, themeluesin e Urdhrit të Infermierit të Shqipërisë, z.Sabri Skënderi.Në një cer...

Politike 3 Nëntor 2020, 11:41

TIRANE– Kryeministri Edi Rama iu ka ofruar sot studentëve rimbursimin e pagesës së tarifës së konvikteve. Gjatë bashkëbisedimit me gazetarët, Rama tha se mësimi...

MË SHUMË