Politike

Harta e zgjerimit të Greqisë në Jon/ Rama: S’e kam parë, 12 miljet janë e drejtë e tyre! Meta të rrijë i qetë, s’ka

28 Gusht 2020, 11:19 Nga DOSJA
Harta e zgjerimit të Greqisë në Jon/ Rama: S’e kam

VJENË- Kryeministri Edi Rama ka përgënjeshtruar sot hartën e publikuar në mediat greke, si shënjuese e re e ujërave territoriale të dy vendeve. Nga Vjena, ku është angazhuar në cilësinë e kreut të OSBE-së, për të normalizuar situatën politike në Bjellorusi dhe për të nxitur dialogun me presidentin Alexandër Llukashenko, Rama komentoi edhe situatën në Shqipëri. Rama tha se Greqia po ushtron të drejtën e saj, në kohë kur Shqipëria e ka shfrytëzuar këtë të drejtë që prej vitit 1991, dhe shtoi se marrëveshja që do të bëhet në të ardhmen mes dy vendeve për ndarjen e kufirit detar, nuk ka lidhje me 12 miljet.

Gazetari Muhamed Veliu: Doja të ndalesha në një çështje tjetër, gjatë ditës së sotme është publikuar një hartë për konfigurimin e kufirit detar Shqipëri-Greqi?

Edi Rama: Cfarë është publikuar?

Muhamed Veliu: Nga mediat greke, për konfigurimin e kufirit.

Edi Rama: Nuk kam parë asgjë. Deklarata e Mitsotakis për zgjerimin me 12 milje, nuk ka lidhje me ujërat tanë territorialë. Ne po punojmë por nuk e kemi arritur këtë ende me palën greke. Shtrirja në 6 milje plus në ujërat territorialë është një e drejtë e çdo vendi. Këtë të drejtë Shqipëria e ka ushtruar, ne jemi shtrirë ndërkohë me 6 milje që prej 1990. Greqia nuk e ka kontestuar dhe s’ka çfarë konsteston. Ata që pyesin ku po shtrihet Greqia, iu them, që mes ujërave territorialë, ka ujëra të ndërmjetme, shelf kontinetal. Ka rrugë edhe për të kaluar në det që janë rrugë të përbashkëta. Mosmarrëveshjen e kemi për ujërat territorialë, pasi nuk kemi dakordësim për këtë çështje. Hartat që kanë dalë, njësoj si harta që do të copëtohej Kosova, apo harta si do të shtrihet Shqipëria apo Serbia tej vetes janë spekulime. Që një marrëveshje ndërshtetërore nuk bëhet dot fshehurazi. E kam thënë këtë disa herë, nuk bëhet dot fshehurazi. Marrëveshja kalon në të gjitha etapat institucionale dhe bëhet ligj.

Kryeministri u pyet edhe për deklaratën e presidentit Ilir Meta, i cili tha dje se do të mbrojë Kushtetutën në çështjen e zgjerimit me 12 milje. Rama tha se Meta duhet të informohet dhe të bëjë detyrën e tij, jo të ngatërrojë Kushtetutën me Konventën e Montego Bayt, që i jep të drejtën Greqisë të zgjerohet me 12 milje në Jon.

“Presidenti e dimë, s’është nevoja të na e kujtoni sërish. Në radhë të parë, presidenti duhet të informohet mirë, dhe para se të thotë se përse ka shkuar atje se atë e dimë, të bëjë atë që duhet të bëjë. Të informohet mirë, të mos ngatërrojë Kushtetutën e Shqipërisë me të drejtën e Greqisë, nga konventa e Montego Bay. Të mos hedhë fjalën e më pas të thotë ejani me mua të mbrojmë Kushtetutën, se për fat të mirë, tani këtu nuk ka lidhje presidenti dhe mbrojtja e tij. Është si puna e kanioneve, ka shkëmbinj nga njëra anë, shkëmbinj nga ana tjetër dhe një rrjedhë ujore. Konventa iu ka dhënë të drejtën shkëmbinjve të marrin milje nga ana e tyre. Dhe presidenti të jetë i qetë se nuk është rasti për të bërë rafting me Kushtetutën.”,-tha Rama. 

Mediat greke raportuan dje në mbrëmje, se ministri i Jashtëm, Nikos Dendias, dy ditë pas dorëzimit në parlament të projektligjit për zgjerimin me 12 milje në Perëndim të Detit Jon, ka prezantuar në Berlin, tek ministrat e BE-së dhe tek Sekretari i NATO-s, hartën, dhe projektligjin për zgjerimin me 12 milje. Mediat raportonin se të njëjtën hartë, ministri grek, pritet që ta sjellë edhe në Shqipëri, ku do të zhvillojë një vizitë zyrtare në lidhje me ndarjen e kufirit detar.

(F.g/dosja.al)

1 vit nga zgjedhjet e 25 prillit si e shikoni gjendjen e vendit:

View Results

politike politike edi rama greqia merr 12 milje nga deti jon edi rama greqia merr 12 milje nga deti jon

Sondazh

Poll

Politike 28 Gusht 2020, 11:19

KUKËS- Kryetari i Bashkisë së Kukësit, Safet Gjici përmes mediave apeloi qeverinë për fonde shtesë për shkollat. Ai theksoi se në shkolla ka edhe mungesë t...

Politike 28 Gusht 2020, 10:26

TIRANË– Kryeministri Edi Rama ka uruar politikanin dhe sipërmarrësin nga Kosova Behgjet Pacollin, pasi ky i fundit festoon sot 69-vjetorin e lindjes....

MË SHUMË