Politike

Zgjedhjet/ Cakaj telefonon politikanët shqiptarë në Mal të Zi: Keni mbështetjen e Shqipërisë dhe Kosovës

28 Gusht 2020, 11:07 Nga DOSJA
Zgjedhjet/ Cakaj telefonon politikanët shqiptarë në Mal të

TIRANË- Gent Cakaj, ministri në detyrë për Europën dhe Punët e Jashtme, ka zhvilluar sot një bisedë me politikanët shqiptarë në Mal të Zi, për zgjedhjet që priten të zhvillohen ditën e dielë. Cakaj nëpërmjet një postimi në Facebook, tregon se u ka thënë atyre se kanë mbështetjen e udhëheqësve të Shqipërisë dhe Kosovës, ndërsa u bën thirrje të gjithë shqiptarëve në Mal të Zi të mbështesin Listën Shqiptare.

“Kjo listë gëzon mbështetjen publike të Presidentit të Kosovës, z. Hashim Thaçi, Kryeministrit të Shqipërisë, z. Edi Rama, Ministres së Jashtme të Kosovës, znj. Meliza Haradinaj-Stublla, mes tjerash. Pra, pas suksesit të përbashkët në Luginën e Preshevës ku mbështetja e Kosovës dhe e Shqipërisë i ka dhënë rezultatet e veta, jemi bërë bashkë për ta mbështetur Listën Shqiptare në Mal të Zi”, – shprehet Cakaj.

Më tej, Cakaj thotë se përçarësit e mëdhenj që sot akuzojnë për përçarje kanë punuar me shumë zell për t’i ndarë shqiptarët në shumë parti dhe për të pamundësuar formimin e një liste të vetme, për interesa krejtësisht personale dhe në shërbim të planeve të huaja. Këtu megjithatë më mbetet për të treguar shumë më shumë në ndërkohë.

Ministri thekson se rëndësi madhore ka vetëm e vetëm mbështetja e Listës Shqiptare.

“Prandaj, ne ju bëjmë thirrje gjithë vëllezërve e motrave tona në Mal të Zi të dalin masivisht në zgjedhje për të votuar Listën Shqiptare. Ajo është adresa e duhur me njerëz të dëshmuar moralisht dhe intelektualisht për të rritur cilësinë e përfaqësimit të shqiptarëve dhe ruajtur drejtimin euroatlantik të Malit të Zi,”- shkruan Cakaj.

Zgjedhjet në Mal të Zi pritet të zhvillohen të dielën, ku garojnë edhe partitë shqiptare. Ato kanë një listë të përbashkët, me qëllim maksimizimin e votave. Ndërkohë, dje Edi Rama tregoi mbështetje për partitë shqiptare, por përkrahu edhe Milo Gjukanoviç. Ndërsa, presidenti Ilir Meta dhe kreu i PD-së Lulzim Basha  iu bën thirrje bashkëkombësave që të votojnë për partitë shqiptare.

J.V/Dosja.al 

1 vit nga zgjedhjet e 25 prillit si e shikoni gjendjen e vendit:

View Results

politike politike gent cakaj zgjedhjet në mal të zi gent cakaj zgjedhjet në mal të zi

Sondazh

Poll

Politike 28 Gusht 2020, 10:26

TIRANË– Kryeministri Edi Rama ka uruar politikanin dhe sipërmarrësin nga Kosova Behgjet Pacollin, pasi ky i fundit festoon sot 69-vjetorin e lindjes....

MË SHUMË