Aktualitet

22 Qershor 2020, 11:57 Nga DOSJA

DURRËS– Drejtori i Drejtorisë Detare, Paulin Ndreu i është kthyer debatit me ish-drejtorin e Agjencisë Kombëtare të Turizmit, Auron Tare. Ndreu ka postuar vendimin e Prokurorisë së Tiranës për mosfillimin e procedimit penal ndaj tij.

Vëllai i kryebashkiakut të Lezhës Pjerin Ndreu, Paulini, shkruan se drejtësia e ka thënë fjalën e saj duke vërtetuar se institucioni që ai drejton nuk ka kryer asnjë shkelje. Më tej, ai kërkon nga Tare që të shprehë ndjesë për fyerjen që i bëri institucionit të Drejtorisë së Përgjithshme Detare.

“E drejta vonon por nuk harron. Me këtë thënie të popullit dua t’i them pseudobiznesmenëve si Auron Tare që shpifin, hedhin baltë, zhantazhojnë apo etiketojnë administratën shtetërore si “Mihalë” për interesat e tyre personale. Drejtësia e tha qartë fjalën e saj, dhe e vërtetoi se nuk ka asnjë shkelje apo shpërdorim detyrë nga Drejtoria e Përgjithshme Detare dhe Drejtori i Përgjithshëm. Tani i mbetet zotit Tare nëse ka moral t’i kërkojë falje Administratës Detare për baltën që hodhi,”-shkruan Ndreu.

SI NISI PËRPLASJA?

Më prill të këtij viti, Auron Tare me anë të një statusi në rrjetet e tij sociale, ku shkruante se  jahti 88 metra i gjatë, “Maltese Falcon” nuk u lejua që të ankorohej me qëllim furnizimin me karburant si edhe ushqime. Akuzave të tij dhe krahasimeve me personazhin e Mihal Kokëdhimës (pronari i restorantit që dhunoi turistët e huaj), iu përgjigj vetë drejtori i Drejtorisië Detare, Paulin Ndreu.

Ai shpjegoi se jahti nuk ishte larguar por i ishte komunikuar që të qëndronte në radë për pak kohë derisa të vinte furnizimi në mënyrë që të mos pengoheshin anijet tregëtare. Pas përplasjeve në rrjetet sociale mesa duket palët i janë drejtuar Gjykatës, por Prokuroria nuk e ka kaluar dosjen për vendim pasi nuk ka konstatuar asnjë shkelje.

(k.m/dosja.al)

1 vit nga zgjedhjet e 25 prillit si e shikoni gjendjen e vendit:

View Results

aktualitet aktualitet “maltese falcon” auron tare durres paulin ndreu porti durres “maltese falcon” auron tare durres paulin ndreu porti durres

Sondazh

Poll

MË SHUMË