TIRANË– Bashkëkryetari i Këshillit Politik të Reformës Zgjedhore dhe njëherasi edhe përfaqësuesi i maxhoranës Damian Gjiknuri ka dhënë shpjegimin e tij për votën e emigrantëve. Me anë të një statusi në Facebook, Gjikunuri ka sqaruar se vota e emigrantëve do të jetë pjesë e ligjit të ri Zgjedhor.
Më tej ai ka shtuar se vota e emigrantëve është premtim dhe angazhim i marrë nga Partia Socialiste dhe se do të mbahet pavarësisht se është lënë në harresë.
“Po! Vota e emigrantëve është premtim dhe angazhim i marrë nga Partia Socialiste për tu adresuar. Me kërkesën e PS kjo temë u përfshi në axhendën e punës së reformës zgjedhore. Në Ligjin e ri Zgjedhor është përcaktuar udhërrëfyesi që do të mundësojë zbatimin e votës së emigrantëve,“-shkruan Gjiknuri.
POSTIMI I PLOTË:
Ligji i ri Zgjedhor i hap rrugën aplikimit të votës së emigrantëve
Të dashur miq,
Kam ndjekur me vëmendje reagimet publike rreth çështjes së votës së emigrantëve. Fatkeqësisht, retorika politike rreth dy-tre çështjeve të tjera të reformës e la jashtë vëmendjes së medias trajtimin e zgjidhjes ligjore që është dakordësuar për votën e emigrantëve. Kjo mungesë vëmendjeje u la hapësirë spekulimeve.
Gjej rastin që të ju sqaroj,
Po! Vota e emigrantëve është premtim dhe angazhim i marrë nga Partia Socialiste për tu adresuar. Me kërkesën e PS kjo temë u përfshi në axhendën e punës së reformës zgjedhore. Në Ligjin e ri Zgjedhor është përcaktuar udhërrëfyesi që do të mundësojë zbatimin e votës së emigrantëve. Në vend që të hartonim dispozita të detajuara në ligj që më pas do të ishin të pazbatueshme dhe do të dështonin, me këshillën e ekspertëve ne zgjodhëm ti japim detyrën Komisionit Qendror të Zgjedhjeve si organi i posaçëm teknik që me Akt Normativ dhe rregulla të posaçme të mundësojë aplikimin e votës në distancë e cila do të shpërndahet sipas qarqeve përkatëse në llogaritjen përfundimtare të rezultatit zgjedhor në Shqipëri.
Ky është një detyrim i ri ligjor për KQZ që nuk e ka patur më parë. Shpresoj që miratimi sa më shpejt i Ligjit të ri Zgjedhor ti mundësojë këtij institucioni të kryejë të gjithë fazat e përgatitjes së infrastrukturës, për ta bërë të mundshëm aplikimin e votës së emigrantëve që në zgjedhjet e ardhshme.
Gjej rastin të ftoj të gjithë mekanizmat dhe organizatat e diasporës të bashkëpunojnë me Komisionin Qendror të Zgjedhjeve për të kontribuar bashkarikisht në përcaktimin e teknikaliteteve dhe infrastrukturës më të përshtatshme.
Gjithashtu, qeveria shqiptare është e angazhuar maksimalisht për ti ofruar KQZ-së të gjithë bazën e të dhënave, njohuritë dhe mbështetjen e nevojshme financiare për ta kryer me sukses këtë detyrim ligjor.
Ne jemi të vendosur ti shkojmë deri në fund këtij procesi për tu mundësuar të gjithë emigrantëve shqiptarë të drejtën e shprehjes me votë në zgjedhje parlamentare.
Me finalizimin e marrëveshjes për Reformën Zgjedhore, palët pritet të mblidhen sot në orën 18:00, për të përmbyllur teknikalitetet e marrëveshjes që do të zbatohet për herë të parë në zgjedhjet e ardhshme. Identifikim biometrik 100%, administratë zgjedhore e pandryshuar. Palët kanë rënë dakord për mbajtjen e komisioneve zgjedhore siç janë tani dhe për dy palë zgjedhje dhe më pas do të bëhet depolitizimi. Ndërsa opozita në Kuvend, kërcënoi sot se nuk do të votojë Kodin e Ri. Myslym Murrizi deklaroi sot pas takimit me Yuri Kim, se 39 votat e opozitës shkojnë kundër.
(k.m/dosja.al)
1 vit nga zgjedhjet e 25 prillit si e shikoni gjendjen e vendit:
TIRANË- Kryetari i Partisë Demokratike Lulzim Basha ka vijuar turin e takimeve me biznesin e prekur nga pandemia e COVID-19. Basha e shfrytëzoi takimin për...
TIRANË- Deputeti i opozitës në Kuvend, Myslym Murrizi në dalje të takimit me ambasadoren Yuri Kim, deklaroi se 39 votat e opozitës parlamentare nuk do të j...
TIRANË– Ish-kryeministri Sali Berisha ka reaguar lidhur me arritjen e marrëveshjes për Reformën Zgjedhore. Me anë të një komenti të gjatë në Facebook...
HANI I HOTIT- Ministri i Brendshëm, Sandër Lleshaj, gjatë një vizitë në pikën kufitare të Hanit të Hotit, ka folur lidhur me vijimësinë e OFL-së.I pyetur nëse n...
HANI I HOTIT- Ministri i Brendshëm, Sandër Lleshaj, ka reaguar lidhur me arrestimin e shefit të Postës së Policisë në Fushë-Arrëz, Izmir Durakut, i cili akuzohe...
TIRANË- Opozita parlamentare ka nisur një takim me ambasadoren amerikane në Shqipëri, Yuri Kim. Që prej 10:00 të mëngjesit të sotëm, në Rezidencën e ambasa...
TIRANË– Ka zgjatur 90 minuta takimi i përfaqësuesëve të opozitës parlamentare me ambasadoren amerikane Yuri Kim. Detajet nga takimi i zbardhur nga kreu i g...
TIRANË- Java e fundit ka qenë shumë vendimtare për arritjen e marrëveshjes për Reformën Zgjedhore. Palët për 6 ditë me radhë kanë zhvilluar negociata, të c...
TIRANË- Kryetarja e Lëvizjes Socialiste për Integrim, Monika Kryemadhi, ka reaguar pas arritjes së marrëveshjes në Këshillin Politik. Në një reagim në medi...