TIRANË- Policia e Tiranës ka reaguar për protestën e djeshmte të zhvilluar pranë Teatrit Kombëtar. Në një reagim për mediat, Policia shkruan se për dhjetëra qytetarë janë marrë masa adminitrative, disa janë arrestuar, e të tjerë janë proceduar.
Më tej shkruhet se disa persona nga radhët e tubuesve kanë qëlluar herë pas herë në drejtim të forcave të Policisë, me sende të forta dhe shkopinj, duke lënduar 7 punonjës policie në detyrë. Punonjësit e lënduar janë efektivë të Patrullave të Përgjithshme dhe të forcës së posaçme “Shqiponja”. “Shërbimet e Policisë kanë shoqëruar në ambientet e Policisë 64 persona, për veprime arbitrare dhe kundërshtim me forcë të forcave të rendit në detyrë”, shkruhet më tej.
Sipas burimeve të Dosja.al të arresutarit janë Boiken Abazi, kreu i Vetëvendosjes në Tiranë, Kasteriot Qemaj, Sokol Ndoj, Romeo Lila, Endrit Mertiri (i cili u filmua duke qëlluar me të gjithë forcën një polic), Burim Tafilica dhe Edjon Xhoxhaj.
NJOFTIMI I PLOTË
Forcat e Policisë së Shtetit, që prej orëve të para të mëngjesit të datës 17 maj 2020, me kërkesë nga Inspektoriati i Mbrojtjes se Territorit i Bashkisë Tiranë, vijojnë të jenë në mbështetje të aksionit për zbatimin e vendimit të Këshillit Bashkiak të Tiranës, për shembjen e godinës së Teatrit Kombëtar, për t’i hapur rrugë projektit të ri për rindërtimin e tij. Gjatë kryerjes së detyrës, forcat e Policisë janë kundërshtuar me dhunë nga persona që ishin grumbulluar për të mos lejuar prishjen e godinës, duke tentuar që të pengonin autoritetet në zbatimin e vendimit.
Disa persona nga radhët e tubuesve kanë qëlluar herë pas herë në drejtim të forcave të Policisë, me sende të forta dhe shkopinj, duke lënduar 7 punonjës policie në detyrë. Punonjësit e lënduar janë efektivë të Patrullave të Përgjithshme dhe të forcës së posaçme “Shqiponja”. Ata kanë marrë ndihmën e parë në spitalin e Traumës dhe spitalin “Nënë Tereza” dhe janë jashtë rrezikut për jetën. Shërbimet e Policisë kanë shoqëruar në ambientet e Policisë 64 persona, për veprime arbitrare dhe kundërshtim me forcë të forcave të rendit në detyrë.
Në përfundim të veprimeve të kryera, specialistët për Hetimin e Krimit në Komisariatet e Policisë Nr. 1 dhe Nr. 3, arrestuan në flagrancë për veprat penale “Kundërshtim me dhunë i punonjësit të policisë së rendit publik” dhe “Pjesëmarrja në grumbullime të paligjshme”, 7 shtetas: B. A., 38 vjeç; K. Q., 37 vjeç; S. N., 35 vjeç; R. L., 35 vjeç; E. M., 33 vjeç, B. T., 30 vjeç; E. Xh., 33 vjeç.
U proceduan në gjendje të lirë për veprën penale “Pjesëmarrja në grumbullime të paligjshme”, 21 shtetas. Për 36 persona të tjerë që ishin të shoqëruar në ambientet e Komisariateve u mor masë administrative në zbatim të Aktit Normativ për marrjen e masave të veçanta kufizuese, me qëllim parandalimin e përhapjes së COVID-19. Policia e Shtetit apelon për organizatorët dhe pjesëmarrësit në tubim, se grumbullime të tilla janë në kundërshtim të plotë me ligjin dhe Aktin normativ duke u shndërruar në një rrezik potencial për përhapjen e infeksionit COIVD-19, pasi Tirana është ende një zonë e kuqe në hartën epidemiologjike të vendit.
Një ditë më parë u plotësua ëndrra e Ramës dhe u shemb Teatri Kombëtar. Policia ndërhyri me forcë dhe dhunoi protestuesit që në orët e para të mëngjesit, ku disa u tërhoqën zvarr. Po ashtu shumë artsitë e politikanë që ishin u shoqëruan në Komisariat. Për gjatë gjithë ditës së djeshme qindra qytetarë janë përplasur me Policinë që kishte krijuar një korodon sigurie, e ruante fadromat që në pak orë hodhën në tokë dy godinat e teatrove. Nga ana tjetër opozita ka mbështetur protestën dhe ka thënë se tashmë do të përkrah çdo tubim të qytetarëve, pasi sipas tyre është kaluar vija e kuqe. Erion Veliaj në një reagim pasi teatri ishte rrënuar kërkoi bashkëpunim me artistët, ndërsa Edi Rama premton se godina e re do të jetë moderne dhe do plotësojë të gjithë kërkesat e aktorëve.
(A.B. Dosja.al)
1 vit nga zgjedhjet e 25 prillit si e shikoni gjendjen e vendit:
Durrës- Punonjësit e një ndërmarrje peshkimi në Durrës janë ngritur në protestë ditën e sotme, pasi nuk kanë marrë pagën e luftës. Ata janë duke zhvilluar një p...
TIRANË- Prokuroria e Posaçme kundër Korrupsionit, SPAK, ka nisur hetimin për kallëzimin që Aleanca për Mbrojtjen e Teatrit ka bërë ndaj kryetarit të...
Tiranë– Edhe pse pati një kundërshtimit të artistëve, qytetarëve dhe aktivistë të Aleancës për Mbrojtjen e Teatrit, Teatri Kombëtar u shemb mëngjesin e së dielë...
TIRANË- Maturantët janë kthyer sërish sot në shkolla, por këtë herë me rregulla të reja. 31 mijë maturantë në vend, kanë shkuar sot në bankat e shkollës, p...
Tiranë-Alfred Lelës i kanë vjedhur biçikletën në protestën e djeshme, kundër shembjes së Teatrit Kombëtar. Një një shkrim të gjatë, Lela e krahason bi&cc...
TIRANË– Situata me COVID-19 në Shqipëri vijon të mbetet e paqëndrueshme. Një ditë më parë, Ministria e Shëndetësisë bëri me dije se u konfimuan dhe 1...
DURRËS- Goditet një tjetër rast i trafikut të drogërave të rënda nga Shqipëria drejt Italisë. Në një kamion i cili qëndronte në Portin e Durrësit u zbulua ...
Tiranë- Aktori Laert Vasili ka deklaruar së fundmi se Teatri Kombëtar duhet të ishte shembur më herët dhe u shpreh se për këtë projekt është humbur shumë kohë. ...
Tiranë– Ministrja e Shëndetësisë, Ogerta Manastirliu ka publikuar hartën e re të lëvizjes dhe aktivitetet që hapen nga dita e sotme. Manastirliu shprehet se qyt...
