Aktualitet

Të dënuar për drogë dhe vrasje/ OFL u dërgon formularin 4 “të fortëve” në Korçë e Pogradec (EMRAT)

15 Maj 2020, 10:01 Nga DOSJA
Të dënuar për drogë dhe vrasje/ OFL u dërgon formularin

Tiranë- Operacioni i Forca e Ligjit (OFL) u ka dërguar formularët për të deklaruar pasuritë e tyre 4 të fortëve në Korçë dhe Pogradec.  Mësohet se në sitën e OFL-së janë Theodhor Dhamo, Erion Llapushi, Arben Pilinçi dhe  Vangjel Zguri. Erion Llapushi është i dënuar nga gjykata për kanosje, Dhamo është i dënuar për drogë, Pilinçi është dënuar për vrasjen e dy personave dhe Zguri për trafik droge.

Llpaushi është dënuar nga gjykata, pasi ka qenë e një grupi kriminal, që shantazhonte dhe terrorizonte me dhunë biznesmenët duke u vendosur ‘gjoba’. Ndërsa Arben Pilinçi është i njohur edhe për jetën e tij lukzose, pasi lëvizet me një makinë tip “Hummer”.

Njofimi i Policisë:

OFL, 15 maj Vijon pa ndërprerë Operacioni Forca e Ligjit, në zbatim të detyrave të përcaktuara në Aktin Normativ të datës 31 janar 2020.

Në kuadër të zbatimit të Ligjit Special për masat pasurore ndaj individëve të dënuar apo akuzuar për krim të organizuar apo krime të rënda, OFL i ka nisur kërkesat me shkrim për vetëdeklarimin e burimeve të pasurisë, shtetasve:

– E. Ll., banues në Pogradec, pasi Gjykata e Shkallës së Parë për Krimet e Rënda Tiranë e ka shpallur fajtor për veprën penale “Shtrëngimi me anë të kanosjes ose dhunës për dhënien e pasurisë” e kryer në bashkëpunim;

– A. P., banues në Korçë, pasi Gjykata e Rrethit Gjyqësor Korçë e ka deklaruar fajtor për veprën penale “Vrasja kundër dy ose më shumë personave”;

– Th. Dh., banues në Korçë, pasi Gjykata e Rrethit Gjyqësor Korçë ka vendosur vleftësimin si të ligjshëm të arrestimit në flagrancë për kryerjen e veprës penale “Prodhimi dhe shitja e lëndëve narkotike”;

– V. Z., banues në Korçë pasi Gjykata e Lartë Tiranë e ka deklaruar fajtor për veprën penale “Prodhimi dhe shitja e lëndëve narkotike”;

Këta individë, si subjekt i Ligjit Special, duhet t’u përgjigjen me shkrim, brenda 48 orësh, të gjitha pyetjeve të OFL-së dhe më pas, përgjigjet e marra do t’i dërgohen SPAK-ut, për veprime të mëtejshme.

OFL është në veprim të pandërprerë dhe në kryerje të veprimeve komplekse për vendosjen e sekuestrove emergjente mbi pasuritë e dyshuara të përfituara nga krimi, si dhe për dërgimin e formularëve të vetëdeklarimit të gjithë personave që janë subjekt i Ligjit Special.

OFL do të informojë publikun në vijimësi për të gjitha nismat procedurale dhe operacionet ekzekutive që do të kryejë.

J.V/Dosja.al 

1 vit nga zgjedhjet e 25 prillit si e shikoni gjendjen e vendit:

View Results

aktualitet aktualitet akti normativ anti kçk arben pilinci erion llapushi formulari i ofl-se theodhor dhamo vangjel zguri akti normativ anti kçk arben pilinci erion llapushi formulari i ofl-se theodhor dhamo vangjel zguri

Sondazh

Poll

MË SHUMË