Aktualitet

Pandemia e COVID-19 koha ideale e shtetit për të ‘rrjepur’ qytetarët, miliona Lekë “vilen” nga xhepat e të pabindur

12 Prill 2020, 12:14 Nga DOSJA
Pandemia e COVID-19 koha ideale e shtetit për të ‘rrjepur’

Nga Anesti Barjamemaj

TIRANË- Ministria e Shëndetësisë dhe Mbrojtjes Sociale me anë të një njoftimi për mediat në orët e vona të datës 8 mars 2020, konfirmoi se COVID-19 kishte mbërritur në Shqipëri. Një person kishte hyrë nga Pika Kufitare e Muriqanit, kishte kaluar përmes disa qyteteve e më pas ishte konfirmuar si i prekur nga koronavirusi në Tiranë. Një ditë më vonë autoritetet shtetërore nisën marrjen e masave për parandalimin e përhapjes së virusit që tashmë ka marrë 109 mijë jetë njerëzish.

Qeveria Shqiptare me anë të disa urdhrave të Ministrit të Shëndetësisë, kufizoi daljen nga shtëpia, grumbullimet masive e shumë aktivitete të tjera. Ditët kalonin e COVID-19 nuk po ndalej, por përhapja vijonte me ritme mesatare. Në datën 15 mars, pas shumë reagimeve publike, Kryeministri Edi Rama firmosi së bashku me ministrat Aktin Normativ Nr. 3 “Për marrjen e masave të veçanta adimnistrative gjatë kohëzgjatjes së periudhës së infeksionit të shkaktuar nga COVID-19”.

Në këtë Akt Normativ që ka fuqinë e ligjit, sanksionohen shumë kufizime për qytetarët si një masë parandaluese për përhapjen e COVID-19, por dhe një sërë ndëshkimesh për të githë qytetarët që nuk zbatojnë rregullat. Dosja.al ka ndjekur këto zhvillime që nga dita e parë dhe sot po ju sjellim një raport të plotë se sa është vlera që shteti u ka marë qytetarëve të pabindur gjatë gjithë kësaj periudhe pandemie.

Policia e Shtetit, çdo ditë me njoftimin e saj periodik, çdo 24 orë ka bërë me dije ndëshkimin e dhjetëra qytetarëve, të cilët nuk kanë zbatuar masat e kanë rrezikuar jetën e tyre e të të tjerëve duke dalë nga banesa pa autorizim dhe pa ndonjë urgjencë. Shteti shqiptar, i cili deri tani ka bërë publik planin A për të ndihmuar biznesin dhe ata që kanë humbur punën, po vijon dhe me planin “vjelje”, ku miliona lekë shkojnë në Buxhetin e Shtetit nga qytetarët e pabindur.

Sipas komunikatave të Policisë shihet se çdo ditë, në arkën e shtetit shkojnë  deri në 10 milionë Lekë të rinj, pasi gjobat janë të konsiderueshme. Gjoba për një biznes që konstatohet hapur shkon në 1 milionë lekë të rinj dhe çdo ditë ka disa të tillë që ndëshkohen. Nga ana tjetër, Policia ndëshkon dhe rreth 200 qytetarë çdo ditë për dalje pa leje nga shtëpia me 10 mijë Lekë të rinj, e të tjerë që kanë ardhur nga zonat e kuqe e thyejnë karantinën, e biznese që nuk ulin qepenin.

Prej 15 marsit deri sot me një mesatare prej 10 milionë Lekësh të rinj, arka e shtetit është mbushur më shumë se ç’mund të jetë imagjinuar, pasi në gati një muaj janë grumbulluar 3 miliardë Lekë. Por nga ana tjetër edhe pse qeveria ka shpallur planin ekonomik “A” për të ndihmuar qytetarët e bizneset, sërish buxheti i shtetit vetëm mbushet e nuk zbrazet siç thotë qeveria. Nëse vijohet me këtë mosbindje nga qytetarët, në fund të luftës shteti mund të dalë me xhepat plot, e të kapitulluarit nga betejat e përditshme do jenë qytetarët, që do i kenë xhepat më të zbrazur.

SHUMAT E GRUMBULLUARA ÇDO DITË NGA STRUKTURAT SHTETRORE NGA QYTETARËT E PABINDUR

DATA 12 PRILL: Janë grumbulluar 8 440 000 Lekë të rinj.

DATA 11 PRILL: Janë grumbulluar 9 380 000 Lekë të rinj.

DATA 10 PRILL: Janë grumbulluar 5 510 000 Lekë të rinj.

DATA 9 PRILL: Janë grumbulluar 8 620 000 Lekë të rinj.

DATA 8 PRILL: Janë grumbulluar 11 300 000 Lekë të rinj.

DATA 7 PRILL: Janë grumbulluar 9 100 000 Lekë të rinj.

DATA 6 PRILL: Janë grumbulluar 4 660 000 Lekë të rinj.

DATA 5 PRILL: Janë grumbulluar 5 560 000 Lekë të rinj.

DATA 4 PRILL: Janë grumbulluar 11 970 000 Lekë të rinj.

DATA 3 PRILL: Janë  grumbulluar  10 220 000 Lekë të rinj.

DATA 2 PRILL: Janë grumbulluar 2 450 000 Lekë të rinj.

DATA 1 PRILL: Janë grumbulluar 10 110 000 Lekë të rinj.

DATA 31 MARS: Janë grumbulluar 8 510 000 Lekë të rinj.

DATA 30 MARS: Janë grumbulluar 9 070 000 Lekë të rinj.

DATA 29 MARS: Janë grumbulluar 13 990 000 Lekë të rinj.

DATA 28 MARS: Janë grumbulluar 24 710 000 Lekë të rinj

DATA 27 MARS: Janë grumbulluar 15 200 00 Lekë të rinj.

DATA 26 MARS: Janë grumbulluar 10 460 000 Lekë të rinj.

DATA 25 MARS: Janë grumbulluar 10 350 000 Lekë të rinj.

DATA 24 MARS: Janë graumbulluar 15 850 000 Lekë të rinj.

DATA 23 MARS: Janë graumbulluar 15 850 000 Lekë të rinj.

DATA 22 MARS: Janë grumbulluar 17 510 000 Lekë të rinj.

DATA 21 MARS: Janë grumbulluar 1 900 000 Lekë.

DATA 20 MARS: Janë grumbulluar 25 600 000 Lekë të rinj.

DATA 19 MARS: Janë grumbulluar 13 700 000 Lekë të rinj.

DATA 18 MARS: Janë grumbulluar 100 000 Lekë të rinj.

DATA 17 MARS: Janë grumbulluar 5 410 000 Lekë të rinj.

(A.B. Dosja.al)

1 vit nga zgjedhjet e 25 prillit si e shikoni gjendjen e vendit:

View Results

aktualitet aktualitet gjobat gjate pandemise koronavirusi ne shqiperi leket e grumbulluara nga shteti me gjobat e qytetareve masat kunder covid 19 gjobat gjate pandemise koronavirusi ne shqiperi leket e grumbulluara nga shteti me gjobat e qytetareve masat kunder covid 19

Sondazh

Poll

MË SHUMË