Tiranë- Ish-ambasadori i Shqipërisë në Kinë, Hajdar Muneka i ka dërguar një letër të hapur kryeministrit Edi Rama, ku i thekson që pse nuk pranon ndihmën e ofruar nga Kina, për situatën e krijuar nga COVID-19. Ai shprehet se ambasdori kinez në Tiranë ka dhënë disa sinjale se vendi i tij është i gatshëm të ndihmojë në luftën ndaj COVID-19. Muneka thekson se situata është urgjente dhe duhet të shpëtojmë sa më shumë jetë njerëzish.
“Ndaj, me të njëjtin zell që ju u përgjëroheni çdo ditë shqiptarëve për të mos dalë nga shtëpia, ju lutem ta konsideroni hedhjen e vështrimit nga Kina. Ambasadori kinez në Tiranë ka dhënë disa sinjale se vendi i tij e njeh parimin se “miku i mirë njihet në ditë të vështira”, çfarë përkthehet lehtë se vendi i tij është i gatshëm të ndihmojë në arritjen e fitores së përbotshme ndaj kësaj epidemie të pamëshirshme. Dhe dihet se, asnjë diplomat kinez, aq më tepër ambasadorët e atij vendi, nuk flasin kurrë pa pasur sigurinë e udhëheqjes së tyre! Është momenti të aplikojmë filozofinë kineze “nuk ka rëndësi nëse macja është e bardhë apo e zezë. Rëndësi ka që ajo ta kafshojë miun”. Urgjente për sot është të shpëtojmë sa më shumë jetë njerëzish, deri sa ta mundim përfundimisht koronavirusin.”, shprehet ai.
Reagimi:
LETER PËR ZOTIN EDI RAMA
Zoti kryeministër, Vlerësoj sinqerisht punën tuaj për menaxhimin e situatës së krijuar në përballimin e fatkeqësisë mbarëbotërore të koronavirusit. E kuptoj se nuk e keni të lehtë, pasi, përveç punës operative, po harxhoni shumë energji në ndërgjegjësimin e njerëzve, çuditërisht të pabindur e të pavetëdijshëm për atë që po ndodh e që, më vonë, mund të jetë me pasoja fatale.
Falënderoj nga zemra gjithë armatën e madhe të punonjësve të shëndetësisë, të cilët, në këto ditë, ndoshta më të vështirat në historinë që ne mbajmë mend, në kushte mjaft të pafavorshme, po luftojnë me vetëmohim kundër një armiku vizualisht i padukshëm, por që ka skuqur hartën e gjithë globit, me një shtrirje se të dy luftërat botërore, të marra së bashku.
Kjo është arsyeja edhe që po ju shkruaj.
Si çdo luftë tjetër, edhe kjo e sotmja, kërkon armë. Mjekët tanë, sado nobelistë të jenë në dijet e tyre, e që koha po tregon se janë në nivele botërore, nuk do të mund ta fitojnë këtë betejë, nëse në duart e tyre nuk kanë armët e duhura. Vërehet lehtë se ky nuk është një problem vetëm shqiptar. Madje në këtë lak kanë rënë edhe popuj e vende disa herë më të mëdhenj e më të fuqishëm se sa ne.
I vetmi vend që deri tani ka provuar se kjo luftë mund të fitohet, është pikërisht ai ku edhe kjo flamë vdekjeprurëse u shfaq për herë të parë, Kina. Kinezët njihen për disiplinë shembullore. Por kjo nuk është gjithçka. Ata, përveç eksperiencës së akumuluar, në kohë rekord kanë krijuar edhe infrastrukturën e domosdoshme për ta mposhtur këtë armik.
Kjo, siç e theksoni me shumë të drejtë edhe ju, zoti kryeministër, është një luftë. Por, si çdo luftë tjetër, ajo nuk mund të fitohet pa aleatë. Historia ka treguar se armiku i përbashkët sjell aleatë të rinj dhe, jo domosdoshmërisht të gjithë aleatët në kohë paqe bashkohen në një front. Aleancat e Luftës së Dytë botërore e dëshmojnë këtë.
Ndaj, me të njëjtin zell që ju u përgjëroheni çdo ditë shqiptarëve për të mos dalë nga shtëpia, ju lutem ta konsideroni hedhjen e vështrimit nga Kina. Ambasadori kinez në Tiranë ka dhënë disa sinjale se vendi i tij e njeh parimin se “miku i mirë njihet në ditë të vështira”, çfarë përkthehet lehtë se vendi i tij është i gatshëm të ndihmojë në arritjen e fitores së përbotshme ndaj kësaj epidemie të pamëshirshme. Dhe dihet se, asnjë diplomat kinez, aq më tepër ambasadorët e atij vendi, nuk flasin kurrë pa pasur sigurinë e udhëheqjes së tyre! Është momenti të aplikojmë filozofinë kineze “nuk ka rëndësi nëse macja është e bardhë apo e zezë. Rëndësi ka që ajo ta kafshojë miun”. Urgjente për sot është të shpëtojmë sa më shumë jetë njerëzish, deri sa ta mundim përfundimisht koronavirusin.
Për ne shqiptarët, kinezët janë dy herë të provuar, së pari në betejën kundër këtij virusi dhe, së dyti, për qëndrimin ndaj nesh në ditët tona më të vështira. Natyrisht shumë ujëra kanë rrjedhur nga ajo kohë, por gjaku lëviz më ngadalë. Në dijeninë time, kinezët asnjëherë nuk e kanë shkelmuar dashamirësinë ndaj nesh. Kur dielli të ketë dalë përsëri e njerëzit t’i shijojnë rrezet e tij, pa frikën se mund të çojnë në shtëpi vdekjen, le të ulemi, të bëjmë analiza e të japim opinione për teoritë e tjera konspirative. Me konsideratë Hajdar Muneka, ish ambasador në Kinë.
Sakaq, numri i prekurve me Covid-19 në vendin tonë ka shkuar në 89, ndërsa numri i viktimave ka shkuar në 4. Po kështu, 9 prej të infektuarëve janë mjekë dhe infermierë, një nga Spitali i Durrësit dhe të tjerët nga spitali “Shefqet Ndroqi”. Ndërkohë harta e të prekurve në vend sa vjen dhe zgjerohet. Sot janë shënuar të infektuar edhe në Vlorë. Jeta në vend është paralizuar thuajse totalisht, nuk ka transport publik. Qytetarët sot e kanë ndaluar që të dalin pas orësh 13:00 nga shtëpia, ndërsa lëvizja ka nisur që në 5 të mëngjesit pasi ka hyrë në fuqi “ligji i luftës.” Kryeministri Edi Rama njoftoi se për të ruajtur rendin dhe parandalimin e përhapjes së COVID-19, do të përdoret edhe forca bashkë me gazin lotjsjellës. Ndërkohë që në rrugë ka dalë ushtria dhe Policia.
J.V/Dosja.al
1 vit nga zgjedhjet e 25 prillit si e shikoni gjendjen e vendit:
VLORË– Shënohen të infektuarit e parë me koronavirus në Vlorë. Bëhet fjalë për 4 persona, të së njëjtës familje që janë marrë gjatë natës me ambulance. Dys...
Tiranë- Policia Bashkiake i ka hequr lejen e shitjes tregtarit tek ” Pazari i Ri”, i cili dy ditë më parë tërhoqi zvarrë tek ky treg një të moshuar, pasi mendon...
Tiranë-Pamje dramatike nga vijnë nga spitali Infektiv në Tiranë, aty ku është edhe numri më i madh personave të infektuar me COVID-19. Në foton e mëposhtme shfa...
TIRANË– Koronavirusi nuk ka kursyer as njerëzit në botën e sportit. Pacienti i infektuar me koronavirus, dhe që aktualisht ndodhet në vdekje klinike, është...
TIRANË– Mjeku i njohur infeksionist Tritan Kalo i ka dërguar një mesazh ndërgjegjësues të gjithë qytetarve lidhur me situatën e koronavirusit në vend.Me an...
TIRANË- Mjeku specialist, Pëllumb Pipero ka dhënë lajmin e mirë se pacienti 61-vjeçar që u raportua se pësoi vdekje klinike është rikthyer në jetë. ...
Tiranë-Shqiptarët vijojnë të jenë të pabindur, pasi nuk zbatojnë masat e marra nga shteti për COVID-19. Edhe pse u bënë shumë ditë që mjekët dhe kryeministriEdi...
SHBA- Bisedë me specialistë të shendetit z.Taulant Hoxha i cili së bashku me bashkeshorten e tij janë në vijë të pare në frontin e Luftës kundër Coronavirusit n...
TIRANË- U deklarua si i vdekur mëngjesin e sotëm, por pacienti 61-vjeçar ka ende mundësi të kthehet në jetë! Ministria e Shëndetësisë sqaron se paci...
DIBËR– Temperaturat janë ulur ndjeshëm prej mbrëmjes së të dielës ndërsa në orët e para të të mëngjesit të sotëm në Bulqizë kanë nsiur reshjet e dëborës...