TIRANË– Kryeministri Edi Rama ka dhënë lajmin e mirë se kontaktet e para me ‘pacientin 0’ kanë rezultuar negativ për koronavirus edhe nga testi i dytë. Kjo e çon në 2, numrin e të shëruarve nga pandemia globale në Shqipëri.
Ndërkohë që në postimin e tij, nuk ka lënë pa falenderuar as mjekët, të cilëve u ka ofruar mirënjohjen e tij. “Testi i dytë konfirmon negativ kontaktin e parë të pacientit zero. Del negativ edhe një pacient tjetër. Mirënjohje me përunjësi mjekëve të spitalit Infektiv,”-shkruan Rama.
Pas Ramës, lidhur me lajmin ka reaguar edhe ministrja e Shëndetësisë Ogerta Manastirliu, e cila shkruan se të dy pacientët janë gati që të lënë spitalin Infektiv dhe të vijojnë me jetën e tyre.
“Lajm i mirë! Dy pacientët e parë të hospitalizuar do të bëhen gati të lënë spitalin Infektiv, pas testit konfirmues që përfundoi pak minuta më parë. Dy pacientë, kontakte të pacientit 0 që u identifikua me koronavirusin e ri në Shqipëri rezultuan negativ edhe në testin e dytë pas trajtimit. Bravo ekipit të spitalit infektiv. Por JU LUTEM KUJDES! Të prekurit po shtohen, spitali infektiv ka sot katër pacientë në terapi intensive dhe numri i të shtruarve po rritet dita-ditës,”-shkruan Manastirliu.
Disa ditë më parë ishin mjekët dhe vetë ministrja e Shëndetësisë, Ogerta Manastirliu ajo që konfirmoi se testimi i parë që i ishte bërë kontaktit të pacientit 0 kishte rezultuar negativ. Megjithatë ata bënë me dije se atij do t’i kryhej edhe një test i dytë për të qënë 100% të sigurt për rezultatin.
Numri i prekurve me Covid-19 në vendin tonë ka shkuar në 70, ndërsa në 2 ai i të shëruarve. Sot janë shënuar edhe 7 raste të reja. 1 rast, ai i 85-vjeçares në Patos, dhe 5 të tjera në Tiranë. Po kështu, 9 prej të infektuarëve janë mjekë dhe infermierë, një nga Spitali i Durrësit dhe të tjerët nga spitali “Shefqet Ndroqi”. Vatra e të infektuarve është zgjeruar në Tiranë, Rrogozhinë, Elbasan, Durrës, Lushnje, Fier dhe Kavajë. Jeta në vend është paralizuar thuajse totalisht, nuk ka transport publik. Qytetarët lëvizin në dy orare, 06:00 deri më 10:00 paradite dhe 16:00 deri në 18:00 pasdite. Në shërbim të shtetit do të jenë edhe spitalet private gjatë periudhës së emergjencës dhe kush nuk bindet do ketë gjobë deri në 5 milionë Lekë. E vetmja këshillë e përbashkët e institucioneve dhe mjekëve është që qytetarët të qendrojnë në shtëpi dhe të kenë sa më pak kontakte me të tjerët.
1 vit nga zgjedhjet e 25 prillit si e shikoni gjendjen e vendit:
TIRANË- Kryeministri Edi Rama ka publikuar sot në mbrëmje nga video që nuk ua sugjeron fëmijeëve ta shikojnë. Rama ka publikuar pamjet nga një spital në It...
TIRANË- Kryeministri Edi Rama ka komentuar shifrat e jetëve të humbura në Itali, ku vetëm në 24 orët e fundit kanë qenë 627 të vdekur. Në një reagim në Fac...
TIRANË– Ish-kryeministri Sali Berisha ka bërë një postim në rrjetet e tij sociale, ku i kërkon një “mikut të tij të hershëm”, një psikiatri që të kon...
TIRANË– Presidenti Ilir Meta ka pritur sot në një takim në Presidencë, Ministrin për Rindërtimin Arben Ahmetajn, i cili ka marrë kompetecna të tjera që të ...
TIRANË- Kryeministri Edi Rama ka reaguar sërish duke kërkuar mirëkuptimin e qytetarëve dhe të zbatojnë urdhrat e qeverisë për t’u izoluar në banesa. Në një...
TIRANË- Ish-deputeti i Partisë Demokratike, Edi Paloka, ka reaguar pas zbulimit të së vërtetës së mesazhit në telefonin e Eni Vasili, që u dyshua se iu nis...
TIRANË– Aktorja e njohur shqiptare, Ema Andrea i ka dërguar një mesazh kryeministrit Edi Rama lidhur me vendosjen e fashave orare për lëvizjen e qyte...
TIRANË– Kryeministrit Edi Rama duket se i ka sosur durimi me qytetarët e pabindur, të cilët dalin nga shtëpia pavarësisht masave të marra për parandalimin ...
TIRANË- Kreu i Partisë Demokratike Lulzim Basha ka reaguar sot pas publikimit të përgjigjes nga kompnia celulare, në të cilën shkruhej se mesazhi i dërguar...
TIRANË- Kreu i Partisë Demokratike, Lulzim Basha ka përshëndetur premtimin e bërë publik nga ambasadorja Yuri Kim, e cila shkroi se SHBA do mbështesë Shqip...