Politike

Berisha thirrje qeverisë: Të nisin testimet masive, ulet numri i viktimave nga COVID-19

16 Mars 2020, 20:02 Nga DOSJA
Berisha thirrje qeverisë: Të nisin testimet masive, ulet numri i

TIRANË- Ish-kryeministri Sali Berisha që është dhe mjek, ka reaguar sërish në lidhje me mos bërjen e tamponëve në masë nga qeveria shqiptare për të zbuluar të infektuarit me COVID-19. Në një reagim në Facebook, Berisha shkruan se  bërja e tamponëve është një urdhër që është nga OBSH, por ende nuk po dëgjohet nga qeveria e Ramës. Sipas tij tani që kemi 51 të konfirmuar duhet të kishim bërë të paktën 1500 deri në 2000 analiza, pasi vetëm duke kuptuar se ku është sëmundja mund ta luftojmë atë.

REAGIMI I PLOTË

‘Nuk mund të luftosh një pandemi nëse nuk e di kush është i infektuar. Nuk mund të luftosh një zjarr me sytë e mbyllur’ Ky është urdhri i sotëm i Drejtorit të Përgjithshëm të Organizatës Botërore të Shëndetësisë! Të dashur miq, kjo është goditje fatale për praktiken kriminale të Edvin Çekap Maskes dhe Ndrikull Hajni Maskes, të cilët për 51 të sëmurë me coronavirus kanë bërë gjithsej vetëm 560 testime nga 1500-2000 testime që duhet të kishin bërë në minimum për të luftuar epideminë. Miq, këtë politike te papërgjegjshme me pasoja tejet te renda te xhahilëve Edvin Çekap Mafia dhe Ndrikull Hajni Maska e kam denoncuar për një jave rresht me një ose dy statuse çdo dite si një praktike antishkencore, si një kapitullim para epidemisë, si hapje e portave virusit per te infektuar masivisht njerëzit.

Kjo politike kriminale u ndoq për dy qëllime kryesore. Se pari për te kursyer dhe mos shpenzuar para për testin, i cili natyrisht kushton, por e paçmuar është jeta e njeriut dhe jo kitet e tamponët e testit. Me këtë politike te papërgjegjshme Edvin Çekap Maska dhe Ndrikull Hajni Maska i dhëne coronavirusit liçensen e infektimit e pse jo te marrjes se jetës potencialisht te cilitdo qytetar. Sot te dashur miq ju keni një status te hedhur ne mëngjes ne te cilin sillen studime qe kane provuar se testimet e gjera te popullatës u shoqëruan nga një vdekshmëri mbi 8 here me te ulet se sa testimet e kufizuar! Se dyti, duke kufizuar testin Edvin Çekap Maska dhe Ndrikull Hajni Maska ne mënyre po kriminale me qellim te fshihnin përmasat e vërteta te epidemisë se koronavirusit pasi nuk testonin ata qe potencialisht ishin dhe duheshin testuar.

Duke dënuar me forcën me te madhe si kriminale praktiken e kufizimit te ndjekur gjer sot kërkoj: 1-Te marre fund menjëherë kjo praktike e papërgjegjshme antishkencore. 2-te zbatohet standardi i testimit rreth 30 vete për person te infektuar dhe shume me tepër ne qendrat qe marrin potencialin e nje bombe virale siç janë spitalet jo infektive 3-te decentralizohet ne katër rajone te vendit bërja e testit te coronavirusit.

Bilanci i COVID-19 në Shqipëri ka shkuar në 51 të prekur. Shkon në 7 numri i mjekëve dhe infermierëve të infektuar, nga Spitali i Durrësit dhe spitali “Shefqet Ndroqi”. Disa ditë më parë një prej të prekurve, ndërroi jetë në Spitalin e Durrësit ndërsa deri më tani vatra e të infektuarve është zgjeruar në Tiranë, Rrogozhinë, Elbasan, Durrës, Lushnje dhe Fier. Ndërkohë jeta në vend është paralizuar thuajse totalisht, nuk ka transport publik, po ashtu dhe shumë vende punë janë mbyllur. Shumë qytete janë në ‘shtet-rrethim’ dhe është ndaluar dhe lëvizja e makinave private. Dje është miratuar dhe Akti Normativ, që detyron spitalet private që të jenë në shërbim të shtetit gjatë periudhës së emergjencës dhe kush nuk bindet do ketë gjobë deri në 5 milionë Lekë. Po ashtu gjoba do ketë dhe për ata që thyejnë rregullat e vendosura nga qeveria. E vetmja këshillë e përbashkët e institucioneve dhe mjekëve është që qytetarët të qendrojnë në shtëpi dhe të kenë sa më pak kontakte me të tjerët.

(A.B. Dosja.al)

1 vit nga zgjedhjet e 25 prillit si e shikoni gjendjen e vendit:

View Results

politike politike koronavirusi ne shqiperi masat kunder covid 19 sali berisha tamponi koronavirusi ne shqiperi masat kunder covid 19 sali berisha tamponi

Sondazh

Poll

MË SHUMË