TIRANË– Kryeminstri Edi Rama ka mbledhur sërish sot qeverinë në kuadër të masave të ndërmarra për minimizimin e përhapjees së Covid-19, të njohur ndryshe si koronavirus. Kreu i Qeverisë lajmëroi se shumë shpejt do të mbyllen të gjitha ambientet që grumbullojnë njerëz, si klube, pub-e, palestra dhe disko. Rama u shpreh gjithashtu se lokalet dhe restorantet duhet të respektojnë një distancë të caktuar mes tavolinave, që për restorantet është dy metra, ndërsa për lokalet një metër. Rama u shpreh se mbyllja e shkollave u bë që që të shmangen grumbullimet dhe jo për t’u dhënë fëmijëve dy javë pushim për t’u mbledhur në disko e pub-e për t’u argëtuar. Kryeministri Edi Rama u shpreh se numri i të prekurve është rritur, duke shtuar se është shumë e rëndësishme të dëgjohet se 8 prej tyre janë vazhdë e dy kontakteve.
Kryeministri Edi Rama ka lajmëruar se do të ketë sanksione për të gjithë ata që nuk do të ndjekin masat e ndërmarra nga qeveria për të minimizuar përhapjen e Covid-19. Ai i krahasoi sanksionet e ndërmmara me ato të Izraelit, për të cilin tha se janë izoluar 100 mijë persona dhe nëse dalin nga shtëpia, përfundojnë në burg. Kryeministri shtoi gjithashtu se i gjithë stafi mjekësor do të shpërblehet me bonuse gjatë periudhës që Shqipëria po lufton me koronavirusin, që për mjekët dhe infermierët do të jetë 100 euro shtesë mbi pagën, ndërsa për shoferët dhe sanitarët, 500 euro.
Kreu i qeverisë njoftoi gjithashtu se nga dita e nesërme një pjesë e administratës shtetërore që mund të punojë nga shtëpia do të largohet nga zyra. Ai u shpreh se do të anulohen edhe të gjitha shërbimet në sportele në mënyrë që të eliminohet kontakti me njerëzit. Kryeministri Edi Rama, nga mbledhja e qeverisë ka thënë se të gjitha shërbimet e shtetit do merren online. Po ashtu u shpreh se në spitale puna do vijojë normalisht për ata që kanë sëmundje të tjera. Nga ana tjetër tha se të gjithë duhet të jemi me ata që janë të sëmurë dhe shtoi se nëse do mundej ai do përqafonte të gjithë të prekurit nga koronavirusi.
Rama tha se nuk do të ketë asnjë pengesë për importin dhe eksportin e mallrave pavarësisht se ai i njerëzve është ndaluar. Më tej kryeminstri i bëri thirrje Opozitës për bashkim, teksa u shpreh se s’jemi aq të mëdhenj sa të ndahemi, por ta luftojmë së bashku. Rama iu përgjigj edhe akuzave të Opozitës, e cila u shpreh se maskat që qeveria kishte shpërndarë për mjekët dhe infermierët ishin të skaduara prej 9 vitesh. Në fjalën e tij, Rama tha se maskat e shpërndara nuk mund të përdoreshin vetëm në sallat e kirurgjisë, por që ishin tërësisht të sigurta. Për të treguar se maskat ishin të sigurta, kreu i qeverisë e vendosi vetë një të tillë. Kryeministri Edi Rama vuri në dukje edhe deklaratat e njerëzve që rëndom shprehen se ‘shqiptarët nuk i gjen gjë’ dhe shtoi se Covid-19 nuk pyet nëse je malësor apo lab. Ai shtoi gjithashtu se të gjitha rastet janë kontakte të importuara nga Italia, duke qenë se jemi një shtet fqinj.
(f.m/dosja.al)
1 vit nga zgjedhjet e 25 prillit si e shikoni gjendjen e vendit:
TIRANË- Kryeministri Edi Rama ka mbledhur sërish sot qeverinë në kuadër të masave parandaluse për koronavirusin. Kreu i qeverisë u ka bërë thirrje qytetarë...
TIRANË- Ministrja e Shëndetësisë, Ogerta Manastirliu, ka bërë me dije se janë bërë dhe 18 analiza të tjera dhe priten rezultatet nëse janë me COVID-19 apo ...
TIRANË– Kryeministri Edi Rama ka lajmëruar se do të ketë sanksione për të gjithë ata që nuk do të ndjekin masat e ndërmarra nga qeveria për të minimizuar p...
TIRANË– Ambasada Amerikane në Shqipëri ka bërë thirrje për bashkim të të gjitha palëve politike për të përballuar situatën e koronavirusit. Në një reagim z...
TIRANË– Kryedemokrati Lulzim Basha ka reaguar sërish për denoncimin se maskat që qeveria i ka shpërndarë mjekëve janë të skaduara prej 9 vitesh. Pasi...
TIRANË- Kryeministri Edi Rama, nga mbledhja e qeverisë ka thënë se të gjitha shërbimet e shtetit do merren online. Po ashtu u shpreh se në spitale puna do ...
TIRANË– Kryeministri Edi Rama, në mbledhjen e sotme të qeverisë, njoftoi se nga dita e nesërme një pjesë e administratës shtetërore që mund të punojë nga s...
TIRANË– Kryeministri Edi Rama është shprehur se për të gjithë stafin mjekësor do të ketë rritje rrogash gjatë periudhës që Shqipëria po lufton me Covid-19....
TIRANË- Kryeministri Edi Rama u shpreh se numri i të prekurve është rritur, duke shtuar se është shumë e rëndësishme të dëgjohet se 8 prej tyre janë vazhdë...
TIRANË– Kryeministri Edi Rama deklaroi se Covid-19 nuk pyet nëse je malësor apo lab. Teksa mblodhi qeverinë për masat ndaj koronavirusit, Rama u shpreh se ...