Me bujë të pakuptueshme, Ministria e Brendshme dhe Prokuroria po përhapin faktet për atë që tashmë po njihet si dosja e arrestimit të Henri Çilin apo e lirimit të vëllezërve Aliko. E pakuptueshme, jo për përmbajtjen e dosjes, por për qëllimin e krimit që paska dashur të kryejë, botuesi, analisti dhe biznesmeni Çili me bashkëpunëtorët e tij. Ai ishte angazhuar të lironte në Gjykatën e Lartë dy të dënuarit për vrasjen e efektivit të RENEA-s, Ibrahim Basha gjatë aksionit kundër kanabisit në Lazarat. Për këtë botuesi kishte takuar edhe një zyrtar të lartë dhe, sipas Prokurorisë kishte rënë dakord.
Dosja ka përgjime impresionuese për mënyrën se si po ndërtohej ky plan. Akuza ka qenë bujare me mediat këtë herë, megjithëse ka urdhëra dhe hetime që ndëshkojnë ata që nxjerrin dosjet hetimore. Informacioni është i bollshëm, aq sa çdo lexues mund të bëhet edhe prokuror, edhe gjyqtar. Por është i paplotë, për ata që duan të bëhen avokatë. Jo të Henri Çilit, por të asaj që shkelet vazhdimisht, prezumimi i pafajësisë.
A është konsumuar vepra penale?
E zëmë se është gjithcka siç pretendon akuza. Henri Çili është përfshirë në një marrëdhënie të padenjë, të paligjshme përfitimi. Ka premtuar se do të lirojë dy vrasës të një polici. E pafalshme moralisht mbi të gjitha. Lirimi do të bëhej në Gjykatën e Lartë. A ka Gjykatë të Lartë? Kur do bëhej lirimi? Me kë kishte folur Cili, kur anëtari i vetëm i Gjykatës e mohon kategorikisht ta ketë takuar?
Këto pyetje, me faktet që prokuroria ka nxjerrë deri tani, nuk marrin përgjigje. Nëse e pranojmë përfshirjen e botuesit në një aferë të pistë, krimi nuk është kryer, sepse Gjykata e Lartë nuk ekziston.
Duhet të ngrihet Gjykata, të ketë një Kolegj, të përcaktohen dosjet që do të merren në shqyrtim, të hidhet shorti dhe pastaj të lobohet lirimi i dy të dënuarve me vendim të formës së prerë. Në këtë pikë ku është prerë hetimi me ekzekutimin e arrestimeve, krimi për të cilin akuzohet Çili nuk është konsumuar. Moralisht është e vështirë ta mbrosh Henri Çilin, jo vetëm në këtë rast. Ligjërisht është e vështirë ta quash fajtor, edhe për akuzat e tjera, të paktën me faktet që kanë dalë.
Zyrtari i Lartë nuk del dhe nuk arrestohet
Dosja.al veçoi dje faktin që zyrtari i lartë që ka takuar Çili dhe që ka qenë pjesë e përgjimeve, as nuk del me emër, as është arrestuar, ndryshe nga të gjithë të akuzuarit dhe të arrestuarit e tjerë. Deri në këtë moment është e qartë se kemi të bëjmë më arrestime selektive, ku dikush është përjashtuar për arsye të panjohura, ndërsa të tjerët, jo vetëm janë në pranga, por edhe po diskretitohen publikisht, pa gjyq, me dokumente të shpërndara nga prokuroria. Nëse përjashtohet nga çështja zyrtari i lartë, praktikisht hetimi bie, vepra penale nuk ekziston dhe arrestimet e tjera janë të paligjshme.
Ndalimi dhe lirimi i biznesmenit, 1 javë më parë
Nuk është hera e parë që organet ligjzbatuese tregohen selektive. E njëjta gjë ndodhi në aksionin kundër lojërave të fatit. U bënë më shumë se 100 ndalime në të gjithë vendin, por u fsheh ndalimi i një biznemeni. Ardit Kraja, u ndalua rreth mesnatës dhe u lirua pas disa orësh. Dikush duhet të jepte shpjegime, ose për ndalimin, ose për lirimin e Krajës, i njohur si ushtrues i aktivitetit të lojërave të fatit kur ishin të ligjshme. Fakti që u bë gjithçka në heshtje, ngre dyshimet për ndalime selektive, që komptomentojnë organet ligjzbatuese.
1 vit nga zgjedhjet e 25 prillit si e shikoni gjendjen e vendit:
TIRANË- Sekretari i Përgjithshëm për Cështjet Ligjore në Partinë Demokratike, Çlirim Gjata ka reaguar në emër të Partisë Demokratike, për arrestimin...
TIRANË– Zëdhënësi i presidentit Tedi Blushi i është kundërpërgjigjur ngacmimeve të kryeministrit Edi Rama nga Kongresi i Partisë Socialiste.Me anë të...
TIRANË– Aministi për të gjithë emigrantët! Kryeministri Edi Rama bërë me dije se të gjithë emigrantët që nuk e kanë deklaruar pasuritë e tyre që kanë vënë ...
GJIROKASTËR– Ish-kryetari i PD-së së Gjirokastrës, Roland Bejko, ka reaguar pas arrestimit të botuesit Henri Çili, i cili ishte përfshirë për lirimi...
TIRANË– Kryeministri Edi Rama ka ironizuar manifestimin që presidenti Ilir Meta do të zhvillojë në Tiranë. Kreu i qeverisë është shprehur se njerëzit nuk k...
TIRANË– Kryeministri Edi Rama nga foltorja e Kongresit të Partisë Socialiste ka dhënë lajmin se nga 1 janari i vitit 2021 rroga minimale do të shkojë në 30...
TIRANË– Kryeministri Edi Rama ka ftuar në skenë socialistin më të vjetër të Partisë për të mbajtur një fjalë përshëndetëse në Kongresin e PS-së.Teksa 100-v...
TIRANË– Presidenti Ilir Meta ka komentuar arrestimin e botuesit dhe njëkohësisht pronarit të UET-së, Henri Çilit. I pyetur nga gazetarët në konferen...
TIRANË– Presidenti Ilir Meta në një konferencë për shtyp ka nxjerrë ato që ai i quan fakte që provojnë grushtin e shtetit nga maxhoranca në adresë të kreu ...
TIRANË– Kryebashkiaku i Tiranës, Erion Veliaj ka folur për studentët në ditën e dytë të Kongresit të Partisë Socialiste. Edhe njëherë Veliaj ka rikthyer sh...