Aktualitet

“Burrin e gjeta të larë në gjak, më goditën, rashë pa ndjenja”/ Gruaja në Maqellarë tregon si ndodhi grabitja: 6 aut

24 Shkurt 2020, 11:18 Nga DOSJA
“Burrin e gjeta të larë në gjak, më goditën,

Dibër- Hasije Dule, banesa e së cilës u grabit nga 6 persona mëngjesin e sotëm në fshatin Çernenë të Maqellarës, ka rrëfyer për mediet sesi ka ndodhur ngjarja.  Ajo ka treguar se 6 persona të maskuar janë futur në banesën e saj dhe kanë dhunuar atë dhe burrin e saj, madje i kanë thyer edhe gishtin e dorës.  Gruaja është shprehur më tej se autorët kanë marrë lekë dhe florinj.

RRËFIMI: 

Ishte ora 11, po shihni televizor, kur troket dera e shtëpisë. Dolëm te dera, ata bërtisnin hapni derën dhe ne nuk e hapëm. Këmbëngulën dhe në fund thyen derën dhe u futën brenda 6 persona. Kapën burrin, e rrahën e shtynë përtokë me fraktura te syri dhe veshi. Pasi hynë brenda, 2 persona më kapën edhe mua, ndërsa të tjerët kërkuan lekët. Nuk kishin maska, as doreza, vetëm me kapuç, rreth moshës 22-23-vjeçare. Ishin pa doreza, se na kapnin, kapën burrin tim, e tërhoqën dhe e futën në një dhomë. Unë e kapa njërin për kapuçi, ai më theu gishtin e dorës. Më shtrinë përtokë me shkelma.

Kur më ra për herë të parë, m’u morën mendtë, rashë pa ndjenja, pastaj më erdhi zëri, se dëgjova burrin që rënkonte. Dy kapën e rrahën burrin tim, dy tjerë më kapën mua e më rrahën, dy të tjerë po kërkonin lekët. Ata tentuan të më marrin edhe vathët nga veshi, e ula trupin dhe nuk ma morën dot. Njëri ma futi dy herë në shkelm te brinjët, mezi marr frymë. Pastaj ikën, u ngrita dhe erdha te dhoma e nuses, që e kisha me çelës, dhe pashë që kishin marrë gjithçka të fëmijëve. I thashë burrit që i kanë marrë, po ai më tha ‘a je mirë ti’. Kur pashë burrin ishte i larë në gjak.

Në një komedinë të mbyllur me çelës ka pasur florinj, të cilat i kishin marrë. Gjithashtu, kanë grabitur edhe çantën e gruas, në të cilën ka pasur kartë identiteti, lekë dhe receta mjekësore. Le t’i merrnin të gjitha ato, vetëm mos të na rrihnin.

Mua le të më rrihnin, vetëm pse e kanë bërë burrin ashtu, atyre njerëzve nuk ua fal. Të ma bëjnë burrin ashtu të nxirë, nuk e fal, shteti duhet t’i gjejë ata njerëz, se nuk iu kemi kujt borxh. E gjithë ngjarja ndodhi për pesë minuta, sapo ata u larguan, ne shkuam te komshinjtë për të kërkuar telefon, pasi grabitësit na e vodhën, dhe lajmëruam policinë. Kam parë tmerr, film, si luftë e keqe, na kanë shkatërruar, nuk marr dot frymë, jam edhe e sëmurë me zemër.

Mëngjesin e sotëm 6 persona të maskuar kanë grabitur çiftin Dule në Maqellarë të Dibrës. Gjithçka ka ndodhur në 5 minuta, që nga momenti që autorët kanë hyrë në banesë, dhunuan dhe grabitën çiftin dhe u larguan.

J.V/Dosja.al

1 vit nga zgjedhjet e 25 prillit si e shikoni gjendjen e vendit:

View Results

aktualitet aktualitet grabitje ne diber hasije duke rrahman dule grabitje ne diber hasije duke rrahman dule

Sondazh

Poll

MË SHUMË