Politike

Shtyhet në GJKKO seanca për Ilir Metën! Shkak mungesa e avokatëve të Pirro Xhixhos

Mësohet se seanca e ditës së sotme në Gjykatën e Posaçme Kundër Korrupsionit, ndaj ish-presidentit Ilir Meta është shtyrë për në datën 12 mars.

5 Mars 2026, 11:46 Nga D.S
Shtyhet në GJKKO seanca për Ilir Metën! Shkak mungesa e
Ilir Meta

TIRANË-  Është shtyrë seanca për ish-presidentin Ilir Meta në GJKKO. Mësohet se seanca e ditës së sotme në Gjykatën e Posaçme Kundër Korrupsionit, ndaj ish-presidentit Ilir Meta është shtyrë për në datën 12 mars. Gjithashtu bëhet me dije se, shkak për shtyrjen u bë mungesa e avokatëve të Pirro Xhixhos.

Arrestimi i Metës:

Ilir Meta u arrestua më 21 tetor 2024. Ai dhe deputetja Kryemadhi dyshohen se, duke bashkëpunuar mes tyre dhe me funskionarë të tjerë shtetërorë, në disa episode duke nisur nga 15 vite më parë kanë shfrytëzuar postet e tyre shtetërore dhe politike për të favorizuar kompani private, si dhe në veprimtari të tjera me lobime në SHBA dhe shitblerje banesash në këmbim të përfitimit të shumave të konsiderueshme parash, të cilat janë përpjekur t'i fshehin, duke mos i deklaruar në ILDKPI dhe KQZ.

Konkretisht, deputetja Kryemadhi po hetohej nga SPAK për tre akuza, pastrim parash, korrupsion dhe mosdeklarim të ardhurash. Gjykata la në fuqi më 23 tetor masën “detyrim për t’u paraqitur në policinë gjyqësore” ndaj Kryemadhit, për të njëjtat vepra penale, si dhe ndaj të hetuarës Ema Çoku, për pastrim parash.

Ndërkohë ndaj Piro Xhixhos, i hetuar për korrupsion pasiv, iu zëvëndësua masa e sigurisë nga “arrest në shtëpi” në “detyrim për t’u paraqitur në policinë gjyqësore”. Të tre të hetuarit nën masën e sigurimit “detyrim paraqitje” urdhërohen të paraqiten një herë në muaj në zyrat e Policisë Gjyqësore të SPAK./Dosja.al

 

ilir meta pirro xhixho gjkko

Sondazh

Poll

MË SHUMË