Politike

"Drejtësia në Shqipëri ka probleme të mëdha"/ Rama: Te paraburgimet ka nevojë për ndërhyrje

Në një deklaratë për mediat ai tha se në burgjet në Shqipëri ka më shumë të padënuar në paraburgim sesa të dënuar.

30 Dhjetor 2025, 12:56 Nga D.S

"Drejtësia në Shqipëri ka probleme të mëdha"/

Edi Rama

TIRANË- Kryeministri Edi Rama tha se, drejtësia në Shqipëri ka probleme të mëdha. Në një deklaratë për mediat ai tha se në burgjet e vendit, ka më shumë të padënuar që mbahen në paraburgim sesa të dënuar.

Rama u shpreh se, këto janë probleme që duhen diskutuar dhe duhen folur. Sipas tij, qeveria garanton procesin e luftës së pavarur nga pushteti ekzekutiv kundër korrupsionit dhe krimit të organzuar.

“Unë do shpresoja shumë që ju për shembull, personalisht, për këto që thashë unë, për gjendjen katastrofike të burgjeve në Shqipëri, ku ka më shumë njerëz të padënuar se të dënuar, ta merrje dhe ta bëje reportazh. Unë nuk mund të jem kryeministri i një vendi, ku ka më shumë të paraburgosur, se sa të dënuar dhe të rri pa folur. Unë dal atje po i rënë gjatë fare. Ligjet e reformës në drejtësi janë aty. Drejtësia në Shqipëri ka probleme të mëdha, kjo nuk diskutohet. 10 vjet janë asgjë në historinë e një shteti apo pushteti. Pushteti ekzekutiv ka 100 vjet, por nuk është i pakritikueshëm. Janë të kritikueshëm me çke atë punë. Për paraburgimet, ka nevojë për ndërhyrje. Shihni çfarë thotë Këshilli i Evropës. Këto janë probleme dhe këto probleme duhen diskutuar, duhen folur. Traumën e parë e kaluam me dhunë, kur isha në moshën tuaj. Nuk mund ta kalojmë prapë. Por një gjë e sigurt, ne nuk prekim thelbin, në asnjë rast dhe asnë arsye. Ne jemi këtu për ta garantuar këtë proces, procesin e luftës së pavarur nga pushteti ekzekutiv kundër korrupsionit dhe krimit të organzuar," tha Rama./Dosja.al 

kryeministri edi rama konferenca e fundvitit drejtesia ne shqiperi ka probleme te medha

Sondazh

Poll

MË SHUMË