TIRANË- Ministria e Punëve të Jashtme ka reaguar, lidhur me vdekjne e shqiptarit, Mentor Rexha në Francë. Në një deklaratë për mediet, bëhet me dije se MEPJ ka kërkuar informacion nga autoritetet e policisë franceze, të cilat kanë sqaruar se Rexha është vetëvrarë në ambientet e burgut francez të qytetit Lorient gjatë natës së 31 janarit 2020. Ndërkohë, familjarët e të riut kanë ngritur akuza se djali është vrarë në burg.
Njoftimi i MEPJ:
Për këtë ngjarje, Ambasada shqiptare në Francë është njoftuar nga të afërmit e të ndjerit ditën e diel, datë 2 shkurt 2020, dhe që nga ajo ditë e në vazhdim, shërbimi konsullor i Ambasadës ka qenë në kontakt të vazhdueshëm me familjarët e tij, për të mundësuar vendosjen e kontakteve me qendrën penitenciare të Lorient, si dhe për të lehtësuar udhëtimin e njërit prej familjarëve të tij nga Italia në Francë.
Ambasada shqiptare në Francë njofton se, që nga momenti i njohjes me ngjarjen, ka përcjellë nga afër çdo praktikë ligjore dhe ka qëndruar në kontakte të pandërprera me familjarët e shtetasit shqiptar, Mentor Rexha.
Ditën e shtunë, datë 8 shkurt 2020, të afërmit mundën të vizitojnë trupin e të ndjerit. Gjatë kontaktit me Ambasadën shqiptare, ata shprehën dyshime lidhur me shkaqet e vdekjes së tij.
Bazuar në këto pretendime, Ambasada shqiptare në Francë ka kërkuar informacion suplementar nga autoritetet franceze mbi ngjarjen dhe ka sugjeruar që paralelisht familja e të ndjerit të kontaktojë një avokat për ndjekjen e çështjes nga ana ligjore.
Ambasada është në pritje të një informacioni zyrtar më të detajuar nga ana e autoriteteve policore dhe gjyqësore franceze, në lidhje me të gjitha pretendimet dhe dyshimet e ngritura nga të afërmit e shtetasit Mentor Rexha.
Në lidhje me procedurat e kthimit të trupit të shtetasit Mentor Rexha në Shqipëri, Ambasada i ka informuar familjarët sipas legjislacionit në fuqi.
Ministria për Evropën dhe Punët e Jashtme, si dhe Ambasada shqiptare në Francë mbeten të angazhuara për zbardhjen e ngjarjes me autoritetet franceze dhe kthimin e shpejtë të trupit të të ndjerit në atdhe.
Pak ditë më parë në një burg në Francë ka vdekur një shqiptar, Mentor Rexha. Lajmi në mediat shqiptare është bërë publik nga motra e tij, Suela Rexha e cila ka hedhur akuza kundër autoriteve në Francë, pasi sipas saj Mentori nuk ka vrarë veten por e kanë dhunuar dhe vrarë. Për ngjarjen ka folur dhe ambasadori i Shqipërisë në Francë, Dritan Tola, i cili ka thënë se nuk kanë fuqi për të sjellë trupin e viktimës në Shqipëri.
(a.m/dosja.al)
1 vit nga zgjedhjet e 25 prillit si e shikoni gjendjen e vendit:
BRITANI E MADHE- Tre të rinj shqiptarë janë dënuar nga Gjykata e Bristolit në Angli, pasi u kapën me drogë prej 500 mijë stërlinash. Sipas mediave të huaja hetu...
SHKODËR- Një 24-vjeçar, i identifikuar si Endri Lesha është arrestuar nga Policia e Shkodrës pasi ishte i shpallur në kërkim me vendim Gjykate më 12...
ITALI– Një aksident i rëndë ka ndodhur në Asti të Italisë ditën e shtunë, ku për pasojë 30-vjeçari shqiptar është lënduar rëndë.Ai ka qenë duke drejtuar ...
Shqipëri- Policia ka referuar në SPAK (Prokuroria e Posaçme kundër Korrupsionit dhe Krimit të Organizuar”) dosjet e 9 ‘kokave’ të krimit të organizuar q...
TIRANË – Prokurori Adnand Kosova është emëruar shefi i Drejtorisë së Dekriminalizimit në Prokurorinë e Përgjithshme, duke zëvëndësuar në detyrë paraa...
GREQI- Një ngjarje e rëndë ka ndodhur në Greqi. Një shqiptar ka hyrë në shtëpinë e një 75-vjeçarje greke dhe i ka përdhunuar vajzën 53 vjeçe para ...
Greqi- Të burgosurit shqiptarë në burgjet e Europës janë solidarizuar për ngjarjen e rëndë, ku humbi jetën në një burg në Francë i riu Mentor Rexha. Fisnik Hasi...
TIRANË– Një tjetër personazh në “lupën” e KÇK-së për të justifikuar pasurinë e tij është Alberto Kochsiek, i njohur gjithashtu si Alberto Lame. Kj...
TIRANË- Arbër Çekaj, i arrestuar për sasinë e kokianës së kapur në Maminas në shkurt të vitit 2018, ka marrë përgjigje negative nga Këshilli i Lartë...
TIRANË– Vijon gara për kreun e Byrosë Kombëtare të Hetimit. Ditën e sotme 18 kandidatët, të ndarë në dy grupe, do të tregojnë talentin e tyre në shkrim. Pr...