Politike

Hapësira e përbashkët është e gjithë banorëve"/ Rama: Në kat të parë mbajnë lopë e dele, kjo është e paimagjinueshme

Gjatë fjalës së tij, Rama tha se njerëz që në kat të parë kanë vendosur traun të hapësira e përbashkët nuk do të ketë më.

9 Shtator 2025, 13:44 Nga I.A
Hapësira e përbashkët është e gjithë
Edi Rama

TIRANË- Kryeministri Edi Rama ka deklaruar se hapësira e përbashkët është e gjithë banorëve. Gjatë fjalës së tij, Rama tha se njerëz që në kat të parë kanë vendosur traun të hapësira e përbashkët nuk do të ketë më. Ndërkohë që shtoi se çudira të tilla, si njerëz që mbajnë lopë e dele në kat të parë të pallateve, do të marrin fund komplet. 

"Ajo është një pronë e cila mirëmbahet nga shteti, si hapësirë publike. Nuk mundet dot ti të thuash që unë kam një shesh në mes të pallateve, është toka ime, unë do ve traun dhe do ti marr njerëzve para se fusin makinën. Më keq akoma, unë jetoj në kat të parë, kam tokën time e rrethoj tokën e pallatit dhe rris pula, dele, lopë…këto janë realitete. Mjelin lopë në kat të parë, është e imja thotë. Jo nuk është e jotja. Pavarësisht se mund të kesh një certifikate prone, ti nuk mund të mbash lopën atje, sepse është një sipërfaqe e përbashkët. Deri ne momentin kur bashkia të thotë që do bëjmë një fermë këtu dhe këtij zotërisë do i japim mundësi të rrisë lopë këtu që prodhon qumështin ditën dhe mjaltë natën. Këtu flasim për ata që kanë marrë prona në mënyrën më të paimagjinueshme, por i kanë marrë nëpër territore ku jetojnë qindra e mijëra njerëz. I bëjnë karshillëk komunitetit duke i parë nga poshtë dhe ata tjerët rrinë lart,   sikur jetojnë mbi kopsht zoologjik. Për pallatet e reja as që bëhet fjalë fare. Ata që hyjnë në atë pallat e kanë të përbashkët atë hapësirë”, tha Rama.

edi rama

Sondazh

Poll

MË SHUMË