Politike

"Zjarrvënësit duhet të ndëshkohen si vrasës”/ Rama: Dënimet duhet të jenë më të rënda se dënimet për ndërtuesit pa leje

Gjatë fjalës së tij, Rama theksoi se nuk mund të krahasohet një ndërtim pa leje që mund të prishet, me shkrumbimin e një zonë pyjore.

9 Shtator 2025, 13:09 Nga I.A
"Zjarrvënësit duhet të ndëshkohen si
Edi Rama

TIRANË- Kryeministri Edi Rama ka deklariar se zjarrvënësit duhet që të kenë ndëshkime më të larta se sa ndërtuesit pa leje. Gjatë fjalës së tij, Rama theksoi se nuk mund të krahasohet një ndërtim pa leje që mund të prishet, me shkrumbimin e një zonë pyjore. Në fund të fjalës, Rama theksoi se zjarrvënësit duhet të ndëshkohen si vrasës. 

"Dënimet për zjarr duhet të jenë shumë më të rënda se dënimet për ndërtuesit pa leje. S’mund të jetë 5-10 vite dënimi për zjarrin në një zonë pylli të mbrojtur. Një ndërtesë pa leje mund ta prishësh, rigjenerimin e pyllit duhet vite të tëra ta bësh. Zjarrvënësit duhet të ndëshkohen si vrasës. Kjo është vrasje me paramendim, se së bashku me pyllin, të ikën edhe shtëpia. Kthesa e re që ne kemi marrë në rrugën e gjatë të vendosjes së rendit ligjor për çlirimin e hapësirave publike, nuk do të mbarojë pa mbaruar njëherë e mirë, jo thjesht ato ngrehina që janë instrumente të zaptimit, por vetë fenomeni. E di që ka shumë njerëz që thonë kjo do të jete si makthi i një nate vere, por jo. Kjo do të vazhdojë pa u ndalur me këmbëngulje. Nuk ka ‘Shqipëria 2030 në BE’ me ndërtime pa leje që bllokojnë komunitete banorësh pa hyrë dhe pa dalë," tha Rama.

edi rama

Sondazh

Poll

MË SHUMË