Politike

Lapaj: Do shkojmë në zgjedhje të parakohshme nëse…

Lapaj tha se programi i "Nisma Shqipëria Bëhet" është i detajuar për të gjitha fushat e jetës, nga më shumë se 100 ekspertë për një periudhë 14 mujore

19 Mars 2025, 22:53 Nga r.ll

Lapaj: Do shkojmë në zgjedhje të parakohshme nëse…

TIRANË- Lideri i koalicionit “Nisma Shqipëria Bëhet” Adriatik Lapaj foli mbrëmjen e sotme për garën e 11 majit dhe programin e koalicionit që ai drejton.

Për këtë të fundit tha se është i detajuar për të gjitha fushat e jetës, nga më shumë se 100 ekspertë për një periudhë 14 mujore. Po çfarë ndodh nëse partia e tij merr të ashtuquajturën “votë të artë”?

Pjesë nga biseda: 

Fevziu: Nëse ju, do të keni një mandat të artë, që PD dhe PS-ja nuk e bëjnë dot 71-in, me cilën nga forcat bëni koalicion?

Lapaj: E para biem dakord që në Shqipëri blihet vota, që administrata përdoret për zgjedhjet, këto janë fenomene…Në funksion të kësaj nuk ka zgjedhje të lira dhe të ndershme.

Fevziu: Është turp që ky vend nuk bën dot zgjedhje! Ashtu siç bën Kosova…

Lapaj: Unë deri tani thashë faktin. Kontributi më i madh që mund të bëjmë është të bëjmë për herë të parë zgjedhje të lira dhe të ndershme.

Fevziu: Inshallah…

Lapaj: Amin, se jemi dhe në muaj të shenjtë. Nëse të nesërmen kemi këtë votën e artë, atëherë, për të garantuar që do bëhen zgjedhje që vota nuk blihet, do ta çojmë vendin në zgjedhje të parakohshme.

Fevziu: Deklaratë elektorale apo reale? Se shënohet kjo…

Lapaj: Kjo është fytyra ime! Jo për arrogancë, destabilitet, por për një arsye të thjeshtë… E para do çlirojmë administratën, do hedhim në kosh te plehrave ato paratë që janë përdorur për të blerë vota dhe do demotivojmë krimin. Ky është mesazhi.

 

 

adriatik lapaj

Sondazh

Poll

MË SHUMË